Hvìlipìyà 1:18 - Mokpwe: Bakwery (New Testament)

¹⁸ Ndi ene ŋgànà e rza enje tɔ eyà. O hwene hwègbèèlì hwe arzɛ, ŋmɛ̀ndì mò gbamù mo ama Krirztò mɔ̀ ndi hwa hwèlì hwa ohwa, tɔ e hwɛ ndi nanù ema hwa gbeyànì màlùtèyà ma gbamù tɔ̀ ma wòhwe. O eŋgànɛ̀lɛ̀ rzɔ, o nyòla ya ene eyà, imba na o oka mɔ̀nyɛ̀ŋgì.

Hvìlipìyà 1:18 Referans Kwoze

Lukàrzɛ̀ 9:50

Yerzù à mà hwa òhweyà nanù ema, “È rzì kèka lì mò àya ema à rza gbeyà nanù. Tɔ̀ ima mòtò ema à rza jò teŋgɛ̀nɛ̀, ò ma à hwèlì nà irzɔ.”

1 Kɔ̀rintìyà 15:11

O eŋganɛlɛ rzɔ̀, tɔ̀ e ma hwɛ tɛ ndi nanù ema imba ndi na e ohweyà mono ŋmɛ̀ndì, tɔ̀ inɛyi àpɔ̀rzìtòlò ndi ja a e ohweyà, eyà yɔ̀kɔ ndi irzɔ hwa arzɛ jo ohwa, ndèŋgànɛlɛ yɔ ndi inyɔ e lòkɛ̀yì.

1 Kɔ̀rintìyà 14:15

Ò èŋgànɛ̀lɛ̀ rzɔ mamɛ nà hwɛnì lì gbeyà e? Nà o kanɛ̀ na èlìŋgɛ̀ ya ami, rzi na o kanɛ̀ hvɛ o ŋmèma mo ami. Nà o emba jèembò na èlìŋgɛ̀ ya ami, rzi nà o embà hvɛ jèembò na ŋmèma mo ami.

Makòrzì 12:40

Hwa lùùmbana hvɛ mekurze erzàŋgò ya awu. Hwa lìŋgàni hvɛ lì ɔ̀jɔ̀nɔ̀ hwatò na màkanɛ̀ ma wahwi. Wɔ̀ hwa lùwa kɔ̀kìrzɛ̀ ya màwɔ̀ŋgɔ̀.”

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

1 Kɔ̀rintìyà 10:19

È ɔ̀ŋgɛ̀lɛ̀ rzɔ nanù ema nà ohwa ndi ema hwèrzùmbù tɔ̀ mòlelì mò hwèrzùmbù mò hwèlì ndi eyà e?

Ròmànì 6:15

Mamɛ rzɔ irzɔ i hwɛni ò lì òhwa naŋgɛ e? Nà òma i hwèlì ò rze yà è ndèli ya ama Lohwɛ̀, e hwèlì ndi nanù ema je ɛ̀ndɛ̀nɛ̀ ndi lì gbeyà la wòhwe ò wòrzò èhwanja irzɔ i rza enje ò rze ya e mbenda hvɛ e? Jàyɛ̀ rzeketɛ nanù.

Ròmànì 3:9

Mamɛ rzɔ ema irzɔ i tànɛyi lì òhwa e? È lòkɛ̀ nanù ema irzɔ ema i hwèlì wònyà Yudà ja akayi hwaŋga hwatò ema hwa rza enje wònyà Yudà e? Jàyɛ̀, rzeketɛ nanù. Imba nà mà màa lì uŋmɛ̀lɛ̀ nanù ema màyìmbì mà wòhwe mɔ̀ ndi è kànèyà hwaŋga ema hwa hwèlì wònyà Yudà na hwaŋga ema hwa rza enje wònyà Yudà ŋgàna hvɔ̀kɔ.

Lukàrzɛ̀ 9:45

Ndi Hwà-òkòwèlì hwa eni, hwa rzi rzɔ̀ŋgìtɛ̀nɛ̀ mamɛ a mà òhwe. È mà hwɛ ndi nàa ŋmàna ema hwa rzi tanɛ̀yi lì rzɔ̀ŋgìtɛ̀nɛ̀. Hwà mà òka hvɛ wɔ̀ŋgɔ̀ ò lì mò ijòwà.

Hvìlipìyà 1:19

Nà oka ndi mɔ̀nyɛ̀ŋgì nanù mɛnɛ ehwànja na hwi nanù ema lì kànɛ ema e no kànɛlɛlɛ ndèŋgànɛ̀lɛ̀ lì oŋgowàna ema Èlìŋgɛ̀ ya ama Yerzù Krirztò e o no ŋgba, hwe o no gbeyà imba o lì luwa lì rzuŋgàhwa.