Hvìlipìyà 1:13 - Mokpwe: Bakwery (New Testament)

¹³ Ène eyà e gbèyi, hwàanèlì hwa njuma hwa arzɛ ema hwa ɔŋgeya ewoka ya ama e mòkànèlì, na hwahvɛhvɛ hwatò ema hwa hwèlì anu, hwa hwi nanù ema nà aŋgɛhwɛyi o hwèwòwà ehwànja na hwèlì ndi à mògbèèlì wa ama Krirztò.

Hvìlipìyà 1:13 Referans Kwoze

2 Tìmotì 2:9

Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.

Ɛ̀hvìrzìyà 3:1

Lìtiŋga lìni ema imba Pàwolò na e kanɛ̀lɛ̀lɛ̀. Nà hwèlì ndi e mòtò wa hwèwòwà èhwanja na hwèlì ndi mògbèèlì wa ama Yerzù Krirztò ndeŋga na e ohweyà eyà yà Lohwà.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Ɛ̀hvìrzìyà 6:20

Yerzù Krirztò a no hvɔ̀rzɔ̀ o lì hwɛ e rzuwɛlɛ ya eni o lì ohwa mono Ŋmɛ̀ndì mò Gbamù. Litiŋga lìiŋgi ɔ̀ndeŋgàtɛ̀ na gbèyi ndi naŋgɛ nàa e mòtò wa hwèwòwà. O èŋgànɛ̀lɛ̀ inyɔ e no kànɛ̀lɛlɛ nanù ema Lohwɛ̀ a na ètìrzɛ̀ ŋmèma mo ami, o lì ohwa mono ŋmɛ̀ndì mò gbamù e rzi hwɛ lì oka tɔ̀ wɔ̀ŋgɔ̀.

Hwègbèèlì 26:29

Pàwolò rzìi a mò timbirzɛlɛlɛ nanù ema, “Nà kànɛ Lohwɛ̀ nanù ema, ŋga ò ŋmanà hvòka wa hvònda tɔ̀ ò hvònda ema e wawi, rzeketɛ ò wà witi ndi tɔ̀ njɛnɛ hvɛ ema a nò òkànèyà yawònò mɔ̀ hvɛ a tànɛ lì hwɛ na òma imbahvɛ na hwèlì. Nà rza kanɛ̀ ndi nanù ema hwa e kake ŋgɔ̀kɔ̀hwì na òma hwa nò kaki e jɔ nàŋgɛ nanù.”

Hvìlipìyà 4:22

Hwàto hwa arzɛ hwa ama Krirztò hwa e omelì ikɔ̀mi, erzɛ̀hvɔ̀ni lìtumba la ama Kàyìrzà.

Hwègbèèlì 28:30

Pàwolò à mà lìya ò èŋge mbòwa meya me hwàkɛ ò tenì yà ndawò ema mɔ̀ ŋmitɛ-ŋmitɛ à mà hwɛ lì tàŋga è lɛndi. À mà kàrzɛ hwatò hwa arzɛ ema hwa mà mò jèeya.

Hwègbèèlì 28:20

Lìtiŋga lɔ̀ lìŋgi ema lì gbèyi imba na e hwɛlɛ nanù ema jò òhwe. Ò jɔ̀kɛ̀-jɔ̀kɛ̀ na arza nanù ema e hwiye nanù ema e hwèlì tɛ nanù ema iŋgɔ̀kɔ̀hwi i nò hwèlì tɛ ò màà ma ami, nanù òma i hwèlì ndi ò lì hvòmɛ̀nɛ̀ e mòtò ema hwatò hwa Irzàyɛ̀lì hwa ikayi màhvìtà mà awu nanù ema mɔ̀ à hwɛni lì jà.”

Hwègbèèlì 28:17

O mburzà ya mèenyà meyawò, Pàwolò à mà rzàŋga hwatimbelì hwa hwatò hwa wònyà Yudà ema hwà mà lìya ò èŋge mbòwà ndɛnɛ ya Ròmànì ò wòlìya. È hvònda ema hwà mà jèe, rzìi mɔ̀ à hwa òhweyà nanù ema, “Ìi wònyànyàŋgò wa ami hwa Irzàyɛ̀lì, imba na rzi gbeye hwatò hwa arzu tɔ̀ eyà yɔ̀kɔ ya wòhwe, ndèŋgàna na rzi gbeye tɔ̀ eyà yɔ̀kɔ ya wòhwe ò lì teŋgɛ̀nɛ̀ ɛ̀ɛ̀mɛ̀ ema imbamba ja arzu i ma jò lìiya. Ndi tɔ̀ nanù, hwatò hwa arzu hwà mà nò lɛmbɛ ò Jèrurzalɛ̀mù rzìi hwa nò akɛlɛ ò hwàtimbelì hwa Ròmànì. O eŋgànɛ̀lɛ̀, na hwèlì ndi ànu nàa mòtò wa hwèwòwà.

Hwègbèèlì 26:31

È hvònda ema hwà mà anjiye ò e tumba ndawò ya hwèkàyìrzèlì hwà mà àwòhwànɛ̀lɛ̀ lì hvòmɛ̀nɛ̀ Pàwolò nanù ema, “Onò mòtò a rza gbèye tɔ̀ eyà ema e mò kànɛyi e kpelì tɔ̀ lì aŋgɛhwɛ ò hwèwòwà.”

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Hvìlipìyà 1:30

O naŋgɛ inyɛ ja aneya ŋmɛ̀ndì mò gbamù. Èŋge nyayi ya njuma ema e ma ɛnɛ nà mà ane yɔ mɛnɛ hvɛ ndi na hwèlì lì ana naŋgɛ.