Hibrù 9:18 - Mokpwe: Bakwery (New Testament)

¹⁸ Nànù ɔ̀ndeŋgàtɛ̀ yòombò ya mòlòmɛ̀ ema Lohwɛ̀ à mà aàtɛ na e mòtò wa hwènàmà e rzi hwɛnɛ tɔ̀ màyìmbì natɛ̀ɛ màyija ma àŋgàmɛ̀nɛ̀yi lì komahwa.

Hibrù 9:18 Referans Kwoze

Hibrù 9:22

Ò jɔ̀kɛ̀, o lì hvomɛ̀nɛ̀ e mbenda ya ama Morzè, tɔ̀ ima yòma ema e ma hvahvahwa màyija yɔ ndi hwatò hwà mà wowe nanù ema e hwèlì wòtani. Ène ŋgàna e hwèlì ndi nanù ema wòhwe wo rza ohvi tɔ̀ lì làkìrzɛ̀ natɛ̀ɛ màyija ma komahwa o rze.

Hibrù 9:14

È hwèlì tɛ ema màyija ma hwèembè ma tanɛ ma hwɛnɛ màyìmbì ma lì rzàŋgirzɛ hwatò, nanù oma màyija ma ama Yerzù ma hwɛni màyìmbì rzayi-rzayi o lì rzàŋgirzɛ hwatò. Krirztò ema a rza ohvɛ tɔ̀ wòhwe tɔ̀ wɔ̀kɔ à mà aŋgbɛ mɔ̀ ŋmìti nàa jàhwèyà o lì jo kɔ̀tɔ̀ irzɔ hwa arzɛ. A ma gbeyà ndi ene eyà nanù o lì akeyà na èlìŋgɛ̀ yà wòtani ema e hwɛ natɛ̀ɛ na o gbìndèyà. Màyìjà ma eni mɔ̀ ndi ma jo rzàŋgirzɛyi mèèmà me arzu, ema i rza gbeyà hweyà hwe wòhwe ema hwe jo jàneyà e kpelì. Ndi e àŋgàmɛ̀nɛ̀yi lì gbèeyà Lòohwà la lòŋgɛ.

Hibrù 9:17

Ène eyà e hwèlì ndi nanù ehwànja, e hvonda ema e mòtò ema a rzàrzowi erzàŋgo ya eni a ŋwelì tɛ, ɔ̀ndi lìrzàrzowa la eni lì hwɛnɛ màyìmbì. Lìrzàrzowa lì rza hwɛni màyìmbì e hvonda ema e mòtò ema a rzàrzowa erzàŋgo ya eni a e hwèlì lòŋgɛ.

Hibrù 9:19

Morzè à mà loma lì ohweyà hwatò imbenda ja arzɛ ema Lohwɛ̀ à mà ohwe nanù ema hwatò hwa ika. O e mbenda ya ama Lohwɛ̀ o mburzà nanù à mà wowa màyija ma mbolì na e ma nyàkà à mà hvuŋguwanɛlɛ na malìhwa. A ma gbeyàna ekɔ̀kɔ̀ ya gbee wo hìrzɔ̀pì na majumbu ma mbolì ema e teya, rzìi a hvahva màŋga màyija o tenì ya e kààti ema iŋgi mbenda i ma tilàhwe na o inyo ja hwatò.