Hibrù 5:2 - Mokpwe: Bakwery (New Testament)

² O àjùlɛ̀nɛ̀ hwatò ema hwà mà hvònda e njiya, ehwànja wɔ̀ hwa rza hwi hweyà ema hwa gbeyà, ndèŋgànɛ̀lɛ̀ mɔ̀ hvɛ a hwèlì ndi e mòtò wa hwènàmà ndeŋga ehwànja mɔ̀ hvɛ a ohvi màtona.

Hibrù 5:2 Referans Kwoze

Hibrù 4:15

Ì hwɛnì è Pìlìrzì è kàrzàmi ema è jò òkeya ììlì. Èhwànja mɔ̀ à mà kèkìrzɛ̀hwɛ̀ ŋgana hvɔ̀kɔ nà oma irzɔ hvɛ ì mà kèkìrzɛ̀hwɛ̀, tɔ̀ nɛ mɔ̀ à rzìi gbèyɛ tɔ̀ wòhwe tɔ̀ wɔ̀kɔ.

Hibrù 2:18

Kànatɛ à mà tàkìrzɛ̀hwɛ̀ na lì kèkìrzɛ̀hwɛ̀, o èŋgànɛ̀lɛ̀ mɔ̀ hvɛ a oŋgòwànà hwaŋga ema hwa kèkìrzɛ̀hwɛ̀.

Hibrù 7:28

È mbenda e hvɔ̀rzɔ̀ hwatò hwa hwènàmà o lì hwɛ Ipìlìrzì i Kàrzàmi. Hwàto hwa hwènàmà hwa gbeyà màtònà. Ndi Lohwɛ̀ à mà hvɔ̀rzɔ̀ è Ŋmanà wà eni na yombò o mburzà ema mɔ̀ à mà ŋgbe e mbenda. Ndeŋgànɛ̀lɛ̀ mɔ̀ à mà gbeyà oŋgo Ŋmanà à mà emeyàhwɛlɛ o gbìndèyà na o gbìndèyà.

Hibrù 12:13

È rzɛ̀ŋgɛ̀nɛ̀ e njiya ema e hwɛnì lì akeyà, aŋga nanù e wɔ̀ ema hwa hwèlì mboko hwa lùwa etembe hwa timba hvɛ lì wɔ̀wìrzɛ̀hwɛ.

Gàletìyà 4:13

È hwiye nanù ema e hvonda ema nà mà lome lì e ohweyà Ŋmɛ̀ndì mò Gbamù, imba nà mà hwɛ lì lìya na inyɔ èhwanja nà mà ɔ̀kirzɛ̀.

2 Kɔ̀rintìyà 12:5

Èŋge nyayi mòtò ɔ̀ndi imba na kumbeya lìya o kòkò, rzeketɛ o imba mbiti. Hweya ema hwe no gbeyà ema na kùmbe lìya la ami o kòkò, hwe hwèlì ndi hweyà ema hwe uŋmɛ̀lɛ̀ nanù ema na hwèlì ndi mòtò wa hwènàmà.

1 Tìmotì 1:13

A ma gbeyà nanù, tɔ̀ nɛ o hwewotelì nà mà hwɛ lì mo teŋgɛ̀nɛ na ìrzìlàkò, nà mà hwɛ o lì tàkìrzɛ̀ hvɛ hwaŋga hwatò ema hwà mà mo lòkɛ̀ na o lì mo òhwirzɛnɛ hvɛ mbɔrzi ja wòhwe. Ndi o hwene hweyà hwe arzɛ ema nà mà hwɛ lì gbeyà, Yerzù Krirztò à mà no komeya ììlì ja eni èhwanja na rzi ohve lì lòkɛ̀ ndèŋgàna na rzi hwiye mamɛ ema nà mà hwɛ lì gbeyà.

2 Kɔ̀rintìyà 11:30

Nà hwɛnì tɛ lì kùmba lìya la ami o kòkò, hweyà ema hwe gbeyà na kùmbana lìya la ami o kòkò hwe hwèlì ndi hweyà ema hwe gbèeyà hwatò hwa no ɛnɛ ndi nàa mòtò ema a hwèlì rziŋga.

Lukàrzɛ̀ 22:32

Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”

Ɛ̀hvìrzìyà 4:18

Èhwanja màlùtèyà ma awu ma hwèlì ndi màlùtèyà ma wòhwe wɔ̀ hwa rza oŋgama hweyà hwa ama Lohwɛ̀. Hwa rza ohvi lòŋgɛ ema Lohwɛ̀ a ŋgbà èhwanja hwa ohvi maniya ndeŋgànɛ̀lɛ̀ hwa rza hwi e njiya ya ama Lohwɛ̀.

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 9:7

È Pìlìrzì e Kàrzàmi mɛnɛ ndi e ɛ̀ndɛ o tùu ema e hwèlì o tenì ŋgelì hvɔ̀kɔ o ŋma. È hvonda ema a ɛ̀ndɛ tɛ o lì kpèeyà, a ohva màyija ma èembè ema a ŋgbàna Lohwɛ̀ màahweyà, o wòhwe wo eni, na o wòhwe ema hwatò hwa gbeyànì Lohwɛ̀ e rzi hwɛ wɔ̀ lì hwiya.

Jèmìrzì 5:19

Wònyànyàŋgo wa ami na indomɛ ja ami, e hwèlì tɛ nanù ema mɔ̀kɔ wa anyu a hwɛmi tɛ o lì oŋgama e njiya ya jɔ̀kɛ̀ ya ama Lohwɛ̀, rzìi o hvɛhvɛ mòtò a mo tìmbirzɛ hvɛ,

1 Pètrò 2:25

O hvonda hvɔ̀kɔ, inyɔ e ma hwɛ ndi nàa mɛ̀lɛ̀ŋgù ema me ma ɛndɛ moŋgoŋgo. Ndi o naŋgɛ Lohwɛ̀ à mà e timbirzɛ o lì oŋgama e mòtò ema a e ɔŋgeya nàa e mɔ̀ɔ̀ŋgèlì hwa mɛ̀lɛ̀ŋgù a ɔŋgeya gbaka wò mɔ̀lɛ̀ŋgù.