Hibrù 3:14 - Mokpwe: Bakwery (New Testament)

¹⁴ I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 3:14 Referans Kwoze

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Hibrù 6:11

Irzɔ ja arza ndi nanù ema inyɔ e ɛ̀ndɛ̀nɛ̀ èwòlò e anyu o worzo na kumba, natɛ̀ɛ na o lìrzukù, aŋga nanù e luwa hweyà ema inyɔ e ambɛ̀lɛlɛyi na màhvìta.

1 Pètrò 4:13

Ndi e hwɛni lì oka mɔ̀nyɛ̀ŋgì, nanù ema e tàka ndi nyayi hvɔ̀kɔ na oma Krirztò mɔ̀ hvɛ à mà tàke, aŋga nanù inyɔ e onda na màlìŋgo e hvonda ema Lohwɛ̀ a o wuluhwɛ èluhwe ya ama Krirztò.

Hibrù 12:10

I rzàŋgo ja arzu ja anu rze ya mɔ̀nyɛ̀ ima jo kɔ̀kìrzɛ̀ o ŋmanà hvoka hvonda na oma wɔ̀ hwà mà lìŋgàne. Ndi Tatɛ Lohwɛ̀ a jo kɔ̀kìrzɛ̀ ema i hwɛnɛ lòŋgɛ la wòtani nà mɔ̀.

Hibrù 6:4

Nà ohwa ndi nanù ehwànja hwatò hwa rzɔnjɛ̀lɛ̀ tɛ lìlòkɛ̀ la awu, tɔ̀ mòtò a rza tanɛyi o lì hwa tìmbìrzɛ hvɛ o lì hwɛmɛ wòhwe wò awu o lì timbeya Lohwɛ̀. Nà ohwa ndi hwatò ema hwà mà luwɛ ŋmàye, hwa kèkìrzɛ mònàmɛ̀ mo ama Lohwɛ̀, ndèŋgànɛ̀lɛ̀ hwà mà luwa èlìŋgɛ̀ yà wòtani nàa hwahvɛhvɛ hwatò.

Ɛ̀hvìrzìyà 3:6

Hwene hweyà ema è mòtò wà hwènàmà à rzi hwiyɛ hwe hwèlì ndi ema: hwatò ema hwa rza enje wònyà Yudà wɔ̀ hvɛ hwa lu molemilemi mò mònàmɛ̀ ema Lohwɛ̀ à mà ohwa ema à ŋgba hwatò ema hwa hwèlì wònyà Yudà. Wònyà Yudà nà è wɔ̀ ema hwa rza enje wònyà Yudà hwa hwèlì ndi mòtò mɔ̀kɔ. Èya ema Lohwɛ̀ à ohwi ema à gbèeyà wònyà Yudà, è wɔ̀ ema hwa rza enje wònyà Yudà wɔ̀ hvɛ hwa è luwàna mɔ̀rzɛ̀ŋgi èhwanja hwa hwèlì ndi mòtò mɔ̀kɔ nà Krirztò. Ŋmɛ̀ndì mò Gbamù ndi mò gbèyi hwene hweyà hwe arzɛ ema hwe gbèyɛ̀nɛ.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

Ròmànì 11:17

Lòŋgò la hwèkɔ̀kɔ̀ hwe màyi ma Njàhwɛ̀ ema mà ònahwi ma mà rzenjòwahwa, ò lì ikahwa ò mayi ma Njàhwɛ̀ ema mà rza ònahwɛ. Inyɔ hwatò ema e rza enje wònyà Yudà, e gbeye ndi nàa hweŋge hwèkɔ̀kɔ̀ hwe mayi ma Njàhwɛ̀ ema mà rza ònahwɛ ema hwe ɔhvɛ hwe luwa ndi maŋga malìhwa mɛnɛ ema meŋge meyaŋga me mayi ma Njàhwɛ̀ ema me ònahwi ma luwa.

1 Kɔ̀rintìyà 10:17

Kànatɛ o hwèlì ndi ehvòòto yɔ̀kɔ, tɔ̀ nɛ i koki, irzɔ hwa arzɛ ì hwèlì ndi nyo hvɔ̀kɔ èhwanja ikahwa ndi ehvòòto yɔ̀kɔ o lì làa.

1 Yòwanìrzɛ̀ 1:3

Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

1 Tìmotì 6:2

Hwàŋga hwàkòmì ema hwa hwèlì o rze ya hwatò ema hwa lòkɛ̀yi Krirztò, hwa rzi keka lì lùtèyà nanù ema na oma irzàŋgo ja awu i hwèlì ndi hwatò ema hwa lòkɛ̀yi Krirztò. O eŋgànɛ̀lɛ̀ rzɔ hwa rza hwa ŋgba èluhwe. Hwa àŋgàmɛ̀nɛ̀yi lì hwa gbèeyà tɔ̀ lì aka nàa hwa gbèeyà hwatò ema hwa rza lòkɛ̀ Krirztò. Hwa àŋgàmɛ̀nɛ̀yi lì gbèeyà nanù èhwanja irzàŋgo ja awu ema wɔ̀ hwa gbèeyà, i hwèlì ndi hwàlòkèlì hwa ama Krirztò. Ndèŋgàna hwa hwèlì ndi hwatò ema hwàgbèèlì hwa awu hwa lìŋgàna. O òkolɛ hwatò hwene hweyà ndèŋgàna o ètìrzɛ̀ mèèmà me awu o lì hwe nɔ̀ŋgɔ.

1 Kɔ̀rintìyà 9:23

Nà gbeyà hweyà hwe arzɛ nanù, ò lì nyàlìrzɛ̀ Ŋmɛ̀ndì mò Gbamù mò ama Lohwɛ̀, aŋga nanù imba hvɛ na lùwa mònàmɛ̀ ema mo hwèlì o monò Ŋmɛ̀ndì mò gbamù.

Ròmànì 11:22

Anù ndi i ɛnɛ ììlì na lì ambirzɛnɛyi la ama Lohwɛ̀. A ambirzɛnɛyi ò hwaŋga hwatò ema hwà mà kpɛɛ. Ndi mɔ̀ à ò òkeya ììlì, e hwèlì tɛ nanù ema ò wa ò lìya lòŋgɛ ema lì kànɛ̀yi ììlì ja eni. Ndi ò rza gbèyi tɛ nanù ò wa hvɛ ò rzenjòwahwa.

Hibrù 11:1

Lilòkɛ̀ lì hwèlì ndi o lì ika ŋmèma mo aŋgɔ̀ nanù ema o hwɛni lì lùwa mamɛ ema o arza ndèŋgàna o e luwa. O hwi na e jɔ̀kɛ̀ nanù ema hwèèmà ema o rza ɛni hwe hwèlì aŋga.