Hibrù 13:9 - Mokpwe: Bakwery (New Testament)

⁹ È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

Hibrù 13:9 Referans Kwoze

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

Ɛ̀hvìrzìyà 5:6

Tɔ̀ mòtò a rzi keka lì e ɔ̀njɔ na mbɔrzi ya èèti. Lohwɛ̀ a o kɔ̀kìrzɛ̀ hwatò ema hwa rza gbèeyà na oma mɔ̀ à àrzeyà, ndi hwa gbeyà ndi hwene hweyà hwe wòhwe.

Ròmànì 14:6

Hwàŋga hwatò ema hwa lùtèyà nanù ema eyu yɔ̀kɔ e hwɛni wòlìtò lì aka hwehvɛhvɛ hweyu, hwa gbeyà ndi nanù ò lì ŋgbà e Rzàŋgò èluhwe. Hwàŋga ema hwa laa tɔ̀ mamɛ wɔ̀ hvɛ hwa gbeyà ndi nanù ò lì ŋgba e Rzàŋgò èluhwe èhwanja hwa ŋgba Lohwɛ̀ jeka lì hvòmɛ̀nɛ̀ mòŋgò mòlelì. Hwàŋga hwatò ema hwa kiya ò lì laa lòŋgò la hwema, hwa gbeyà ndi nanù ò lì ŋgba e Rzàŋgò èluhwe ndèŋgàna hwa ŋgba Lohwɛ̀ jeka.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.

Hwègbèèlì 20:30

O ò jà hvònda ema hwatò hwa ò uwɛ̀lɛ̀lɛ̀yi ò ìtììtènì ja anyu, ema hwa ò rzɛŋgɛnɛ hweyà hwe lì kɔ, aŋga nanù hwatò ema hwa lòkɛ̀ Yerzù hwa ò hwa òŋgama.

Judɛ 1:12

Hwàŋga hwatò hwa rza ohvi irzɔ̀ni, ò eŋgànɛlɛ rzɔ̀, inyɔ nà wɔ̀ è arzàŋgànɛ tɛ ò lì laa mòlelì, ò lì uŋmɛ̀lɛ̀ è ndìŋgɛ yà ama è Rzàŋgo, wɔ̀ hwa hwɛ ndi nàa mbindo ò ìtììtènì jà anyu. Hwa àlùtàneyà ndi wɔ̀ hwiti. Hwa gbeì ndi nàa lìmbàki ema è mbɛ̀hvɛni è uŋgɛ̀lɛ ò lì uŋmɛ̀lɛ̀ nanù ema o ò yɔ̀ɔ̀ mbuwà ema è rza ò yɔ̀ɔ̀. Hwa gbèyi ndi nàa mayi ema mà rza ŋya hwehvùma tɔ̀ ò è hvonda ema màyi mà ŋya hwehvùma. Hwà mà màa ndi lì ŋwa nàa mayi ema mà wuŋguwahwi nà meyàŋga.

1 Tìmotì 6:20

Ìi Tìmòtì, o keke o ɛnɛ nanù ema o gbèyi èwòlò gbamù ema Lohwɛ̀ a o rzekelì nanù ema o gbeye. O rzi hwɛnɛ hvonda na hweyà ema hwatò hwa ohwa ema hwe rza oŋgowàna o lì lòkɛ̀ Lohwɛ̀. O rzi hwɛnɛ hvɛ hvonda na mamɛ loŋgo la hwatò hwa ohwa nanù ema eyà yɔ̀kɔ e hwèlì jɔ̀kɛ̀, ndèŋgàna hwahvɛhvɛ hwatò hwa ohwa nanù ema ehvɛhvɛ eyà ndi e hwèlì e jɔ̀kɛ̀. Ndi wɔ̀ hwa arzɛ hwà mà gbeyà lùurzè na oma hwa ohwi nanù ema, “Imba ndi na hwèlì e mòtò ema a hwi.”

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.

2 Tɛ̀rzàlonìyà 2:17

Inyɛ̀ à yè etìrzɛ mèèmà mè anyu, ndèŋgànɛlɛ inyɛ à yè ètìrzɛ̀ ò ihvonda jà arzɛ ò lì gbeyà nà lì ohwa hweyà hwe gbamù.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 24:4

Yerzù rzìi a hwà alàhwɛ̀ nanù ema, “È aŋgòwa mòtò a rzì e lukɛlɛ.

Kòlòrzìyà 2:4

Nà e ohweyà ene eyà aŋga nanù, tɔ mòtò tɔ̀ mɔ̀kɔ a rzi keka o lì e lukɛlɛ na mbùnakɛ̀ ya mòlaŋgà ema e o lùtèyà nanù ema eyà ema mɔ̀ à e ohweyà e hwèlì ndi e jɔ̀kɛ̀.

2 Kɔ̀rintìyà 1:21

Lohwɛ̀ mɔ̀ ndi à gbèyi irzɔ na inyɔ i lòkɛ̀ Krirztò. Lohwɛ̀ a ɔ̀kirzɛ̀ irzɔ hwa arzɛ o lì hwɛ na Krirztò.

1 Kɔ̀rintìyà 8:8

Mòlelì mò rza tànɛyi lì jo rzaŋgirzɛ o mirzɔ̀ ma ama Lohwɛ̀, irzɔ i rza tànɛyi lì hwɛ hwatò hwa wòhwe e hwèlì tɛ nanù ema i rza mo lelì tɛ. Tɔ̀ lì hwɛ hwatò hwa gbamù e hwèlì tɛ nanù ema i mo lelì tɛ.

Ròmànì 14:17

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.

Ròmànì 14:2

Lìlòkɛ̀ la lòŋgò la hwatò lì hwa ŋgbelì e wònja ò lì laa tɔ̀ mamɛ, ndi hwatò ema lìlòkɛ̀ la awu lì rza imbamɛ hwa rza laa tɔ̀ ima yòma.

Hwègbèèlì 20:32

O naŋgɛ nanù na e lì ò màà mà ama Lohwɛ̀ nanù ema a e ɔŋgeya. Ŋmɛ̀ndì ema nà mà e òhweyà lì hvòmɛ̀nɛ̀ e ndèli ya ama Lohwɛ̀ mò e òŋgòwàna. Nà hwɛni ŋginyà ò lì e ètìrzɛ̀ ndèŋgànɛ̀lɛ̀ na e ŋgba e ndèli ema Lohwɛ̀ à mà rzekeya hwatò hwa eni.

2 Tɛ̀rzàlonìyà 2:2

e rzi keka lì ahwèŋgɛ̀ o lì tameya màlùtèyà ma anyu, tɔ̀ e rzi keka lì emeyà nanù ema na oma hwatò hwa ohwa nanù ema wùùnya wo ama Rzàŋgo wo ma uka. Aŋgàmɛnɛ hwatò hwa hwèlì hwa lùteyà nanù ema, irzɔ i ma ohwa ene eyà na oma èlìŋgɛ̀ e ma jo lìyɛlɛ o lì ohwa hweyà ema i ma ohwe, tɔ̀ na oma i ma hwɛ lì e ohweyà ŋmɛ̀ndì mò gbamù, tɔ̀ na oma i ma e tìleya e yɔ o kààti. Ndi irzɔ i rzi gbeye nanù.

1 Kɔ̀rintìyà 6:13

Ohvɛhvɛ mòtò a tànɛyi lì ohwa nanù ema, “Molelì mò gbeyàhwi ndi ò lùuŋga, rzìi lùuŋga lɔ̀hvɛ lì gbeyàhwi ndi o mòlelì.” È jɔ̀kɛ̀, ndi o ò jà wùnyà ema Lohwɛ̀ a hwe hvaŋga hwe ahwàkɛ. È nyo ya arzu e rzi wèkahwì ndi ò lì gbeyà mòrzònje. Ndi è nyo yà àrzu è mà wèkahwà ndi lì gbèeyà Rzàŋgo; Rzìi Rzàŋgo a ɔ̀ŋgeyà è nyo yà àrzu.

Gàletìyà 6:1

Ìi wònyàmòwè kòkò, e hwèlì tɛ nanù ema mɔ̀kɔ wa anyu a undi o tenì ya wòhwe, inyo ema e hwèlì lì gbeyà mamɛ ema Èlìŋgɛ̀ ya Lohwà ya arza, e àŋgàmɛ̀nɛ̀ lì mo ulɛ o tenì ya wòhwe. È mo oŋgòhwànà tɛ, e mo òŋgowane na lì àjùlɛ̀. Ndi e hwɛni lì aŋgowa inyo hwiti e rza kpa o màkèkìrzɛ̀nɛ̀ o lì gbeyà woŋgo wòhwe.

Lukàrzɛ̀ 5:38

È hwɛ ndi ema mòkàkò mò mimba mò rzɔ̀lɛ̀hwɛ̀ ndi ò tenì ya kòhwà hvènya.