Hibrù 12:3 - Mokpwe: Bakwery (New Testament)

³ È lùtèyà nɛ Yerzù à mà emeyà lì taka o màà mà hwatò hwa wòhwe ema hwà mà mo kɔwu. È ɔ̀ŋgɛ̀lɛ̀ lìŋgi lìtake aŋga nanù inyɔ e rza ɔ̀tɔ̀ na lì kpa ŋmèma.

Hibrù 12:3 Referans Kwoze

Gàletìyà 6:9

Inyɛ̀ i rza ɔ̀tɔ̀ o lì gbeyà mamɛ ema e lɔ̀wu. Èhwanja irzɔ i rza ɔ̀tɔ̀ tɛ, jo ò luwa etaŋgi ja arzu o hvonda ya jɔ̀kɛ̀ ema e o jɛ̀ɛ̀.

2 Kɔ̀rintìyà 4:16

Lìtìŋga lìinì ɔ̀ndeŋgàtɛ̀ i rzi tu mèèmà o lì ohwa ŋmɛ̀ndì mò gbamù. Tɔ̀ nɛ i ŋginyà ja arzu e hwèlì lì ɔ̀ndeyà, ndi Lohwɛ̀ a jo ŋgbà ŋginyà o tenì ja arzu.

Hwèwulùwèlì 2:3

Nà hwi nanù ema o lìinà la ami e ma wɛ̀lìrzɛ̀nɛ̀ ndèŋgànɛlɛ e ma àjùlɛ̀nɛ̀ mètàkà. Ndi tɔ̀ nɛ mèèmà me anyu me eti na oma e no oŋgama.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

2 Kɔ̀rintìyà 4:1

Ìilì ja ama Lohwɛ̀ jɔ ndi i gbèyi ema jo òhwe mono ŋmɛ̀ndì o èŋgànɛ̀lɛ̀ i rza kpa mèèmà.

Yòwanìrzɛ̀ 5:16

Rzìi hwaŋga hwatò hwa wòteya lì wòŋgìrzɛ̀nɛ̀ lì gbeyà Yerzù wòhwe, èhwanja à mà wɔ̀wìrzɛ̀ ndi òŋgò mòtò ò wùnyà wò lì arziyòlɛ.

Hibrù 12:5

È rzi hvoŋga e mbɔrzi ema Lohwɛ̀ à mà gbeyàne o lì ètìrzɛ̀ mèèmà me anyu na oma a me hwɛlɛ nanù ema hwàanà hwa eni. A ma ohwa nanù ema, “È ŋmanà wa ami, Lohwɛ̀ a o lomèlì tɛ o wòhwe ema o gbèyi, o rzi kpa ŋmèma a o lomèlì tɛ.

Lukàrzɛ̀ 14:1

Wùnya wɔ̀kɔ wò lì Arzìyòlɛ̀, Yerzù à mà ɛ̀ndɛ lì leeya ò ndawò yà Hvàlìrzàyì mɔ̀kɔ wà wòlìtò. È hvònda ema a mà ùke aŋga, hwatò hwa mà hwɛ lì mò ɔŋgɔ̀ lòŋgòlòŋgò.

2 Tɛ̀rzàlonìyà 3:13

Ndi inyɔ wònyàmòwe kòkò, e rza hwɛni lì ɔ̀tɔ̀ o lì gbeyà hweyà hwe gbamù.

Yòwanìrzɛ̀ 18:22

È hvònda ema Yerzù à mà òhwe ene eyà, mògbèèlì mɔ̀kɔ a mò rzama luùmbɛ rzìi a òhwa nanù ema, “Mamɛ ndèŋgàtɛ̀ ò òhwirzɛnɛ e Pìlìrzì ema e karzami nanù e?”

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

Yòwanìrzɛ̀ 8:59

Nà òma à mà òhwe nanù, rzi hwa kòma màŋyàyi ò lì mò aŋgba, ndi Yerzù à mà àwutɛ̀ mɔ̀ ŋmìti, rzìi a nyɔ̀lɔ̀lɔ̀ èŋge ŋgìndì ò tenì ya èwòka ya e ndawò yà màkanɛ̀.

Yòwanìrzɛ̀ 8:13

I Hvàlìrzàyì rzìi hwa mò teŋgɛ̀nɛ̀ nanù ema, “O wa ònò, ò atɛ̀mɛ̀lɛ̀ e ya aŋgɔ̀ mbòŋgi, e mbòŋgi ya aŋgɔ̀ e rza hvòmɛ̀nɛ̀.”

Yòwanìrzɛ̀ 7:12

O ìtììtènì ja eŋge ŋgindi ema e mà hwɛ ò ndèma lòŋgò la hwatò hwa mà hwɛ lì òhwa nanù ema, “À hwèlì ndi mòtò wà gbamù,” ndi hwahvɛhvɛ hwà mà òhwa nanù ema, “Jàyɛ̀, a ɔnjɔ ndi hwatò.”

Lukàrzɛ̀ 16:14

Ihvàlìrzàyì ì mà hweye hwenè hwèyòhwèlì hwe àrzɛ hwe ama Yerzù, rzìi hwa arzɔmbìyɛ̀ èhwanja hwa mà lìŋgàna màlì, rzayì-rzayì.

Lukàrzɛ̀ 15:2

Ihvàlìrzàyì nà hwà-òkòlèlì wa mbenda hwa mà wòteya lì àyiŋgòwɛ̀ nanù ema, “È ɔŋgɔ̀ tɛ, ònò mòtò à ɛndɛ̀ nà hwatò hwa wòhwe natɛ̀ɛ nà lì làalɛnɛ̀ nà wɔ̀.”

Lukàrzɛ̀ 5:21

Hwà-òkòlèlì hwa mbenda nà Ihvàlìrzàyì rzìi hwa wòteyà lì arzàrzòhwɛ nanù ema, “Njɛnɛ ònò ema a hwɛ̀nyɛ̀ Lohwɛ̀ e? Njɛnɛ à tànɛyi lì làkìrzɛ̀ wòhwe lì akà Lohwɛ̀ e?”

Lukàrzɛ̀ 2:34

Rzimìyɔ̀nì rzìi, a hwa nàmìrzɛ̀, a òhweyà, Màlìyɛ̀ è nyàŋgò yà e Ŋmanà nanù ema, “Ɔ̀ŋgɔ tɛ! Ò nò Ŋmanà e ɛnɛ nanù à òmahwi ndi nà Lohwɛ̀. À ò jàneya lòŋgò la hwatò hwèkàyìrzèlì, lòŋgò hvɛ hwèyòŋgìrzèlì, ò èkòmè ya Irzàyɛ̀lì. Ò nò Ŋmanà a ò hwɛ ndi nàa ɛ̀mɛ̀nɛ̀nì ya ama Lohwɛ̀ ema rzayì-rzayì ja hwatò hwa ò mò teŋgɛ̀nɛ̀.

Matiyò 22:15

O ma hwɛ wùnyà wɔ̀kɔ ema Ihvàlìrzàyì i ma lìya ò wòlìya wò lì weka ŋmanò mò lì lɛ̀mbɛ Yerzù ò nyòla hwèyòhwèlì hwe eni.

Matiyò 21:46

Wɔ̀ rzìi, hwa wòteya lì arza ŋmanò mò lì mò lɛmbɛ. Ndi wɔ̀ hwà mà òka wɔ̀ŋgɔ̀ ò lì gbeyà nanù èhwanja wɔ̀ hwà mà ayèmbɛ nanù ema eŋge ŋgìndì e ma ɛnɛ ndi Yerzù nàa Mòòhwèlì wà èlìŋgɛ̀.

Matiyò 21:23

Yerzù à mà kpèeyà ò tenì ya e Ndawò yà Lohwà rzìi a òkòlɛ hwatò. Nà òma mɔ̀ à mà hwɛ lì òkòlɛ̀, Ipilìrzi ndɛnɛ na hwàmbaki hwa hwatò rzi hwa mò jèeyà, hwa mò ijòwa nanù ema, “Ima lìkànèyà ò hwɛni ò lì gbeyà hwenè hweyà e? Ndèŋgànɛ̀lɛ̀ hvɛ njɛnɛ a ò ŋgbelì lìni lìkànèyà e?”

Matiyò 15:2

“Mamɛ ndeŋgatɛ Hwà-òkòwèlì hwa aŋgɔ̀ hwa rza òŋgama hwèyòkòlèlì ema hwe jò ŋgbààhwi na i mbamba ja arzu e? Hwa rza tutɛ màà mà awu ndèŋgàna hwa e laa!”

Matiyò 12:24

Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”

Matiyò 11:19

È Ŋmanà wà è Mòtò wà Hwènàmà à mà jèe, mɔ̀ à mà làa mòlelì, a nyɔ hvɛ mììmba, e òhwa nanù ema, ‘È mò ɔ̀ŋgɔ aŋga a lìŋgàni mòlelì rzayi-rzayi. A hwèlì hvɛ ndì mòtò wa mbòma, a hwèlì hvɛ ndì e mbunda ya hwarzàŋgelì hwa e njàŋge ya lìkànèyà na hwatò hwa wòhwe.’ Ndi ò lìrzukù hweyà ema hwe ò gbèyɛ̀nɛ hwe ò uŋmɛ̀lɛ̀ nanù ema lìhwiyè la ama Lohwɛ̀ lì hvòmɛ̀nɛ̀yi.”

Yòwanìrzɛ̀ 9:40

Lòŋgò là Ihvàlìrzàyì hwà mà hwɛ aŋga na mɔ̀, hwà mà hwèya na òma Yerzù à mà òhwe hwenè hweyà rzìi hwa mò ijòwa nanù ema, “I lòkɛ̀ nanù ema jànda ja ene mbɔrzi i rza òhwi ndi nanù ema irzɔ hvɛ i hwèlì ndima e?”

Yòwanìrzɛ̀ 10:20

Lòŋgò hwà mà a òhwanɛ̀ nanù ema, “A òhvi èlìŋgɛ̀ ya wòhwe ndèŋgànɛ̀lɛ̀ hvɛ a rza enje ò lìhwiyè la eni. Mamɛ ndèŋgàtɛ̀ i mò òkànèyà e?”

1 Pètrò 2:23

È hvonda ema hwà mà mo hwɛnyɛ, mɔ̀ à rzi timbirzɛlɛlɛ na yolì. È hvonda ema à mà take a rzi kimeya tɔ̀ mòtò, ndi à mà ika ndi lìhvìtà la eni na Lohwɛ̀ e mòkàyìrzèlèlì wa jɔ̀kɛ̀.