Hibrù 1:3 - Mokpwe: Bakwery (New Testament)3 Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà. Gade chapit la |
Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.
Èma hwɛ tɛ nanù, o ma Krirztò à mà àŋgàmɛ̀nɛ̀yi lì taka hvɛ o rzayi-rzayi ja ŋgelì lì wòteya ewèkelì ya e rze ya mɔ̀nyɛ̀. Ndi e rzi hwɛ nanù, Krirztò mɔ̀ à mà jà ndi o ŋgelì hvɔ̀kɔ o iŋgèlì ja arzɛ nàŋgɛ ema e rze ya mɔ̀nyɛ̀ e a kombɛnɛ lìrzukù. Mɔ̀ à mà aŋgbɛ e nyo ya eni nàa jàhwèyà o lì ulɛ wòhwe wo tɔ̀ ima mòtò.
Mɔ̀ a rza enje nàa ihvɛhvɛ Pìlìrzì i Kàrzàmi ema ja àŋgàmɛ̀nɛ̀yi lì ŋgbà màahweyà wùnyà tɛ. Iŋgi pìlìrzì i loma lì ŋgbà màhwèyà o lì hvomɛ̀nɛ̀ wòhwe wo awu, ndèŋgàna hwe e ŋgbà o lì hvomɛ̀nɛ̀ wòhwe wo hwahvɛhvɛ hwatò. Ndi Yerzù mɔ̀ à mà ŋgba e nyo ya eni nàa làhweyà, o wòhwe wo hwatò. Mɔ̀ à mà gbeyà ndi nanù o ŋgelì hvɔ̀kɔ o iŋgèlì ja arzɛ.
Rzìi wɔ̀ hwa òhwa nanù ema, “Ìi Mòòkòlèlì, e mbenda ya ama Mòrzè e òhwà nanù ema, ‘Mòtò a hwàyi tɛ mòlanà rzìi òŋgò mòtò a ŋwa e rzi hwɛ nanù ema mɔ̀ na òŋgò mòlanà hwa ŋyàyɛnɛ̀ tɔ̀ ŋmanà, òŋgò mòtò ŋmanyàŋgò wa enì hwa lùuŋga lɔ̀kɔ a hwɛni lì hwaa mòŋgò mòkurze aŋga nanù lìinà la ama ŋmanyàŋgò wa eni lì rza wɔ̀ɔ̀.’