Gàletìyà 6:13 - Mokpwe: Bakwery (New Testament)

¹³ Tɔ̀ hwaŋga hwatò ema hwa endàhwà, hwa rza ika imbenda, wɔ̀ hwa arza nanù ema e endahwe, aŋga nanù hwa tànɛyi lì ayèkirzɛ̀ nanù ema, inyɔ e ma emeyà o lì endàhwà.

Gàletìyà 6:13 Referans Kwoze

Hvìlipìyà 3:3

Irzɔ ndi je endàlɛ̀hwɛ ŋgànà ema e hvomɛ̀nɛ̀, Èlìŋgɛ̀ e jo oŋgowàna o lì ŋgba Lohwɛ̀ èluhwe na oma i mo gbèeyà. Jo oki mɔ̀nyɛ̀ŋgì na oma irzɔ i hwèlì na Yerzù Krirztò. Irzɔ i hwi nanù ema hwatò hwa hwènàmà hwa rza tanɛ hwa jo oŋgowàna.

1 Kɔ̀rintìyà 5:6

Èŋge kumba ya anyu e rza lɔ̀wu tɛɛ. Inyɔ e rza hwi nanù ema ene nyayi ya wòhwe e gbèyi ndi nàa ŋmanà ehwindi ema e agbɛlɛ lìwu la mbarzi la ehvòòto e?

2 Pètrò 2:19

Wɔ̀ hwa ohweyà hwatò nanù ema hwa oŋgami tɛ hwèyòkòlèlì hwe awu, hwa gbeyà tɔ̀ mamɛ ema hwa arza lì gbeyà, ema tɔ̀ wɔ̀ hwitɛ-hwitɛ wòhwe wò hwa lìŋgi nà è ŋgɔ̀kɔ̀hwi. Wòhwe wò hwa lìŋgi ehwànja tɔ̀ mamɛ ema è kànèyà mòtò, oŋgo mòtò à hwɛ ndi mòkòmì ò rze yà eŋge yòma.

2 Kɔ̀rintìyà 11:18

Nà oma rzayì-rzayì ja hwatò hwa hwèlì o lì kùmba i kòkò na màà mà awu, nàa hwatò hwa ene rze, imbahvɛ na gbeyà nanù mɛnɛ.

Matiyò 23:15

Mòjèmà na inyɔ Hwà-òkòlèlì hwa mbenda na inyɔ Hvàlìrzàyì, e hwèlì ndi hwatò hwa mèhvìlì! È lìŋgòwa ò èkòmè yɔ̀kɔ tɛ na enɛyi aŋga nanù e lùwa mòtò mɔ̀kɔ ema a tànɛyi lì e lata. Ndi mɔ̀ à e lati tɛ, inyɔ e mò hvaŋga nyayi ema mɔ̀ à hwɛni lì luwa kɔ̀kìrzɛ̀ ya ŋgelì ihwàkɛ ya mùùnya ema mò rza lìma lì aka tɔ̀ inyɔ.

Matiyò 23:3

O èŋgànɛ̀lɛ̀ rzɔ e hwɛnì lì hwa hweyàna, na ò lì gbeyà hweyà hwe arzɛ ema hwa e òhweyà ò lì gbeyà. Ndi e rzìi gbeyà mamɛ ema wɔ̀ hwa gbeyà. Èhwanja wɔ̀ hwa rza gbeyà mamɛ ema hwa òhwa.

1 Kɔ̀rintìyà 3:21

È rza ayèkirzɛ o mamɛ ema mòtò wa hwènàmà a tànɛyi lì gbeyà. Èhwanja Lohwɛ̀ à mà màà lì e ŋgbaà hwèèmà hwe arzɛ.

Matiyò 23:23

“Mòjèmà na inyɔ, Hwà-òkòlèlì hwa mbenda, na inyɔ Hvàlìrzàyì. Inyɔ hwatò hwa mèhvìlì! Inyɔ e ŋgbà Lohwɛ̀ lìyòmɛ̀ lɔ̀kɔ la hwema hwe lìyambò hwe hvɛ̀ɛ̀hvɛ̀ nàa mìinitì, dilì, na kòmini. Ndi e rza òhvi nyìrzɛ̀ ya lì gbeyà hweyà ema e mbenda e òhwa nanù ema e gbèèye. È rza enje jɔ̀kɛ̀ na Lohwà, e rza òhvi mèèmà me ììlì ndèŋgànɛ̀lɛ̀ e rza lòkɛ̀ Lohwɛ̀. È kanɛ̀ ò lì gbeyà hwene hweyà hwe arzɛ e rzi hwɛ lì lìya hwenɛyi.

Lukàrzɛ̀ 5:38

È hwɛ ndi ema mòkàkò mò mimba mò rzɔ̀lɛ̀hwɛ̀ ndi ò tenì ya kòhwà hvènya.