Gàletìyà 6:10 - Mokpwe: Bakwery (New Testament)

¹⁰ O èŋgànɛ̀lɛ̀ rzɔ, tɔ̀ ima hvonda ema i lu o lì gbeyà gbamù, inyɛ i wo gbèeyà tɔ̀ ima mòtò, rzɛ̀hvɔ̀nì wònyàmòwe hwa Krirztò.

Gàletìyà 6:10 Referans Kwoze

Hibrù 13:16

È rzi hvoŋga hvɛ o lì gbeyà gbamù, na o lì òŋgòwàna hwahvɛhvɛ hwatò ema hwa hwèlì o lìtake. Tɔ̀ mamɛ ema mòtò a ohvi inyɛ a e gbeyàne o lì oŋgowàna mɔ̀kɔ na ɔ̀nɛyi. Màhweyà manù ema mà lìŋgìrzɛ Lohwɛ̀.

1 Tɛ̀rzàlonìyà 5:15

È ɛnɛ hvɛ nanù ema tɔ̀ mɔ̀kɔ wa anyu a rzi timbirzɛ wòhwe e hwèlì tɛ nanù ema mòtò a mo gbeyànì wòhwe. Ndi e keke o ihvonda ja arzɛ o lì ahwɛnɛnɛ ŋmèma mo gbamù mɔ̀kɔ na ɔ̀nɛyi na o hwahvɛhvɛ hwatò.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

Ɛ̀hvìrzìyà 2:19

O èŋgànɛ̀lɛ̀ rzɔ, inyɔ hwatò ema e rza enje wònyà Yudà, e rza enje hvɛ ndi hwàyɛ̀nì tɔ̀ hwatò ema hwa uwɛ̀lɛ̀lɛ̀yi hvoohvoo. Ndi inyɔ na hwatò hwa ama Lohwɛ̀ e hwèlì ndi hwatò ema e uwɛ̀lɛ̀lɛ̀yi o èki yɔ̀kɔ. Inyɔ hwa arzɛ e hwèlì ndi nàa hwatò ema e hwèlì ndi o lìtumba la ama Lohwɛ̀.

Yòwanìrzɛ̀ 12:35

Yerzù rzìi à alàhwɛ̀ nanù ema, “Ŋmaye mò hwɛ na inyɔ ò ŋmana hvòka wa hvònda. È ɛ̀ndɛ ò wòrzò nàŋgɛ ema e òhvi mònò ŋmàye, aŋga jììtìtì i rza e lìŋgɛ̀lɛ̀. È mɔ̀ ema ayɛ̀ndɛya ò jìtìtì a rza hwi èki a ɛ̀ndɛ.

Lukàrzɛ̀ 6:35

Ndi e lìŋgàne hwàkɔ̀yèlì hwa anyu. È hwa gbèeyà gbamù. È hwàlɛ̀ hwatò è rzì hwɛ lì ikà lìhvìtà ema è hwa àrzànà lìyɛmɛ ò lì è tìmbirzɛlɛlɛ. Aŋgà ndi Lohwɛ̀ a e ŋgba jàhwèyà ema ì karzami, ndèŋgànɛ̀lɛ̀ e ò hwɛ̀lɛ̀hwɛ̀ ndi hwàànà hwa eni, hwàànà hwa ama Lohwɛ̀ lì Kàrzami, e hwɛnì hvɛ lì hwiya nanù ema Lohwɛ̀ à òhvi ììlì jà èni ò hwaŋga hwatò ema hwa rza eka Lohwɛ̀ nà hwaŋga hwa ekɔnì.

Yòwanìrzɛ̀ 9:4

Nà òma ŋmerze mò wùùnya wò hwèlì nanù, irzɔ hwa arzɛ i hwɛnì lì gbeyà èwòlò e jò ŋgbàahwì na e mɔ̀ ema a nò òmi. Nàŋgɛ ema wùùnya wa a kɔ ema tɔ̀ mòtò a rza tanɛ lì gbeyà èwòlò.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Hvìlipìyà 4:10

Nà ohvi màlìŋgo rzayi-rzayi na oma imba na hwèlì e mòtò wa ama e Rzàŋgo. Èhwànja o lìrzùkù inyɔ e ma uŋmɛ̀lɛ̀ nanù ema e no ɔŋgeya. Nà hwi nanù ema e ohvi màlùtèyà ma lì no ɔŋgeya o ihvonda ja arzɛ, ndi e rzi hwɛnɛ tɔ̀ ehvolo ò lì gbeyà nanù.

Matiyò 12:50

Tɔ̀ ima mɔ̀ ema à gbèyi lì emeyà la ama Tatɛ̀ wa ami ema a hwèlì ò ŋmanyu yà lohwà, mɔ̀ ndi à hwèlì nyàŋgò wa ami, nà wònyanyàŋgò hwa amì.”

3 Yòwanìrzɛ̀ 1:11

È mbunda ya ami kòkò, o rza embàneyà wòhwe ema hwatò hwa gbeyà, ndi o embàneyà hweyà hwe gbamù ema hwatò hwa gbeyà. Tɔ̀ njɛnɛ ema a gbèyi gbamù e uŋmɛ̀lɛ̀ ndi nanù ema a hwèlì ndi e ŋmanà wa ama Lohwɛ̀. Tɔ̀ njɛnɛ hvɛ ema a gbeyà wòhwe, wòhwe wo eni wo uŋmɛ̀lɛ̀ ndi nanù ema mɔ̀ à rza hwi Lohwɛ̀.

Kòlòrzìyà 4:5

È hwɛni lì aŋgowa nà oma inyɔ è gbèeyà nà hwaŋga hwatò ema hwa rza enje hwàlokelì hwa ama Krirztò. È gbeyàne ihveyo ja arzɛ ema e lùu o lì gbeyà gbamù.

Ɛ̀hvìrzìyà 5:16

È gbeyàne ihveyo ja arzɛ ema e lùu o lì gbeyà gbamù, ehwànja mene mèènyà wòhwe wo àkɛ̀lɛ̀nɛ̀yì.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Makòrzì 3:4

Rzìi à hwa ijòwa nanù ema, “Mamɛ è hwèlì e mbenda ò Wùnyà wò lì Arzìyòlɛ̀ e? O lì gbeyà gbamù ŋga wòhwe. O lì rzùŋgà lòŋgɛ la mòtò ŋgà ò lì mò òŋwa e?” Ndi wɔ̀ hwa arzɛ hwa mà kina.

Ɛ̀hvìrzìyà 3:15

Mɔ̀ ndi à hwèlì è Tatɛ̀ yà màtùmbà mà arzɛ, ò mɔ̀ ndi mìinà mà arzɛ mà màtùmbà mà è ŋmanyu yà lohwà, nà è rze yà mɔ̀nyɛ̀ hwa mà uwɛ̀lɛ̀lɛ̀yi.

Matiyò 5:43

“È ma hwèya ema è mà òhwahwa nanù ema, ‘Lìŋgàna ŋmànyàŋgò wà aŋgɔ̀, kɔ̀ɔ̀ hvɛ è mòtò ema à ò kɔ̀ɔ̀.’

Matiyò 10:25

Ò èŋgànɛ̀lɛ̀ è mòòkòwèlì à rza aŋgàmɛ̀nɛ̀yi lì arza èluhwe ema è akàyi è yà ama è mòòkòlelì wà eni. È mògbèèlì mɔ̀ hvɛ à rza aŋgàmɛ̀nɛ̀yi lì arza èluhwe ema è akàyi è yà ama è rzàŋgò yà eni wà èwòlò. Hwa kpɛ tɛ mòòhvò mò lìtumba lìinà ema Bɛ̀lrzɛ̀bùlì, nanù òma hwaŋga hwatò ema hwa hwèlì ò ndawò ya eni hwa ò hwɛ̀lɛ̀hwɛ lìinà ema lì hwiyòhwi lì aka lìni.”

Hwègbèèlì 6:7

Ène eyà e ma gbeyà eyà ya Lohwà e nyàla ò erzòòkà ya arzɛ. Mɔ̀rzɔ̀ŋgi mò hwàlòkèlì ò Jèrurzalɛ̀mù mò ma nyàla karzi-karzi. Ndeŋgànɛ̀lɛ̀ rzayì-rzayì ja Pìlìrzì i ma wòteyà ò lì òŋgama ŋmɛ̀ndì mò gbamù.

Gàletìyà 1:23

Hwà mà hwiya ndi mamɛ ema hwahvɛhvɛ hwatò hwà mà hwɛ lì ohwa nanù ema, “È mòtò ema à mà hwɛ lì jo tàkirzɛ rzayi-rzayi, mɔ̀ ndi à hwèlì e mɔ̀ ema a ohweyà hwatò nàŋgɛ ema hwa lòkɛ̀yi Yerzù Krirztò, lìŋgi lìlòkɛ̀ mɛnɛ ema à mà arze lì kònirzɛ.”

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.

1 Tɛ̀rzàlonìyà 5:21

Ndi e kèkirzɛ hweyà hwe arzɛ ema wɔ̀ hwa ohwa. È lɛmbɛ hweyà ema hwe hvomɛ̀nɛ̀ ema hwa ohwa na ŋginyà.

1 Pètrò 2:5

Inyɔ e jèe e hwɛ ndi nàa màŋyàyi ema mà hwèlì lòŋgɛ ema Lohwɛ̀ a gbeyàna o lì oŋga e ndawò ya eni ya èlìŋgɛ̀. Ndeŋgànɛlɛ o tenì ya eŋge ndawò ɔndi inyɔ e o mo gbèeyà. È o hwɛ ndi pìlìrzì ja wòtani, ema e o mo ŋgbɛ màhwèyà ma wòtani ema mɔ̀ à o emeyà lì akeyà na Yerzù Krirztò.

1 Pètrò 4:17

È hvonda e ma uka ema hwèkàyìrzèlèlì hwe hwɛni lì wòteyà ema Lohwɛ̀ a hwɛni lì wòteyà lì kàyìrzɛ̀ hwatò. Mɔ̀ a o wòteyà ndi o lì kàyìrzɛ̀ hwatò hwa eni. È hwèlì tɛ nanù ema Lohwɛ̀ a tanɛ tɛ lì jo wotàneya irzɔ ema i hwèlì hwatò hwa ama Krirztò, mamɛ e o hwɛ e mbàko ya hwaŋga hwatò ema hwa rza lòkɛ̀ɛ Ŋmɛ̀ndì mò Gbamù ema mo uwɛ̀lɛ̀lɛ̀yì o ma Lohwɛ̀ e?

3 Yòwanìrzɛ̀ 1:3

Nà ma oka mɔ̀nyɛ̀ŋgì rzayì-rzayì lìrzako ema lòŋgo la hwàlòkèlì hwa ama Krirztò hwà mà jèe anu rzìi hwa jo òhweyà nanù ema o hwèlì lì gbeyà na e jɔ̀kɛ̀ mamɛ ema Lohwɛ̀ a arza nanù ema o gbeye nyayi hvɔ̀kɔ na oma o yɔ̀ki lì gbeyà o jɔ̀kɛ̀ mamɛ Lohwɛ̀ a arza nanù ema o gbeye.

3 Yòwanìrzɛ̀ 1:10

O eŋgànɛlɛ rzɔ, na jelì tɛ aŋga, na ohweyà hwatò hwa ŋmèmba mamɛ ya arzɛ ema mɔ̀ à gbeyà. Hweya ema mɔ̀ à gbeyà hwe hwèlì ndi, hwèyòhwèlì hwe mòlàŋgà mo èèti o lì jo hvomɛ̀nɛ̀, ndèŋgànɛlɛ hvɛ mɔ̀ à rza kàrzɛ wònyànyàŋgo hwa arzu hwa ama Krirztò, ndèŋgànɛlɛ hvɛ mɔ̀ à kekà hwà hvɛhvɛ hwatò ò lì hwa kàrzɛ. Ndeŋgànɛ̀lɛ̀ mɔ̀ à hwa hvaya o ŋmèmba.

2 Kɔ̀rintìyà 2:8

Nà e atɛkɛ ema e mo uŋmɛ̀lɛ̀ ema e mo lìŋgàni nanù mɛnɛ.