Gàletìyà 5:3 - Mokpwe: Bakwery (New Testament)

³ Nà e kòkòwɛ̀lɛ̀ hvɛ ŋgèlì hvɔ̀kɔ nanù ema, tɔ̀ ima mòtò ema aŋgbɛ mɔ̀ ŋmìti nanù ema a endahwe aŋga nanù Lohwɛ̀ a mo emeyà, a àŋgàmɛ̀nɛ̀yi lì ika imbenda ya arzɛ.

Gàletìyà 5:3 Referans Kwoze

Gàletìyà 3:10

Hwàŋga ema hwa ika mèèmà mè awu ò lì oŋgama è mbenda hwa lìya ndi ò rze yà mòjèmà. Èhwanja e tìlahwì o kààtì yà ama Lohwà nanù ema, “Mojema mò ò hwɛ nà tɔ̀ ima mòtò ema à rza ika imbenda ja arzɛ ema i tìlahwì ò tenì yà è kààtì yà ama Lohwɛ̀.”

Ròmànì 2:25

È ikayi tɛ imbenda, na òma e endà hwatò nanù òma e hvòmɛ̀nɛ̀yi ò wòrzò wò ama Lohwɛ̀. Ndi e undi tɛ e mbenda, nanù òma gbèendàkò hwa anyu wò hwèlì ŋgundu.

Ɛ̀hvìrzìyà 4:17

O lìinà la ama Rzàŋgo, na e kòkòwɛ̀lɛ̀ kɔ̀yi-kɔ̀yi nanù ema e rzi lìya lòŋgɛ nàa hwatò ema hwa rza hwiyɛ̀ɛ Lohwɛ̀. Hweya ema hwa lùtèyà hwe hwèlì ndi hweyà ema hwe rza hwɛnɛ wòlìto ndeŋgànɛ̀lɛ̀ hwene hweyà hwe rza tànɛyi lì hwa oŋgowàna.

Matiyò 23:18

Inyɔ e òkòlɛ hvɛ nanù ema, ‘È hwèlì tɛ ema mòtò a àtɛ̀yì ò lìnà la ètàwò yà màkanɛ̀, eŋge ŋgàna e rza enje tɔ̀ eyà. Ndi tɔ̀ njɛnɛ ema a àtɛ̀yì ò lìnà là màhwèyà ema mà hwèlì ò ètàwò yà màkanɛ̀, nanù òma a hwɛni ndi lì gbeyà eyà ema mɔ̀ àtɛ̀lɛ̀lɛ̀yì.’

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.

1 Tɛ̀rzàlonìyà 4:6

O ene eyà rzɔ, tɔ̀ mòtò a rza àŋgàmɛ̀nɛ̀ o lì tònana ŋmanyàŋgò wa eni tɔ̀ o lì mo wowàna yòoma ya eni. I ma loma lì e ohweyà hwene hweyà, ndèŋgànɛ̀lɛ̀ i ma e kòkòwɛ̀lɛ̀ towotowo nanù ema Lohwɛ̀ a kɔ̀kìrzɛ̀ hwatò ema hwa gbeyà nanù.

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Hwègbèèlì 2:40

Pètrò à mà hwa kòkòwɛ̀lɛ̀ na lì hwa òhweyà ihvɛhvɛ nyayi na nyayi ja hweyà. A ma hwa atɛkɛ nanù ema, “Tɔ̀ ima mòtò arzùŋgɛ̀ lòŋgɛ la eni. È rza enje tɛ nanù Lohwɛ̀ a e kɔ̀kìrzɛ̀ ŋgàna hvɔ̀kɔ na òma a ò kɔ̀kìrzɛ̀ ene nyɔ̀ŋgɔ̀nì ya wòhwe.”

Lukàrzɛ̀ 16:28

Nà òhvì wònyanyàŋgò wà amì hwata. Inyɛ̀ mɔ̀ à ɛ̀ndɛ̀ a hwa kòkòwɛ̀lɛ̀, aŋga nanù, wɔ̀ hvɛ hwa rzi ɛ̀ndɛ lì jà lì kpèeyà ò enè èki ya mòrziyò.’

Matiyò 23:16

“Mòjèmà na inyɔ hwatò hwa ndima, ndi inyɔ e timba hwahvɛhvɛ hwatò. Inyɔ e òkòlɛ nanù ema, ‘Mòtò a atɛyi tɛ ò lìna la e Ndawò yà Lohwà, nanù òma la àtɛ̀yì la eni lì rza òhvi wòlìtò, ndi à àtɛ̀yì tɛ ò lìna la hwema hwe gòòlù ema hwe hwèlì ò tenì ya e Ndawò yà Lohwà nanù òma a hwɛni lì gbeyà eyà ema mɔ̀ àtɛ̀lɛ̀lɛ̀yì.’

Hwègbèèlì 15:1

Lòŋgò la hwatò hwà mà uwɛ̀lɛ̀lɛ̀yi ò erzòòkà ya Jùdeyà rzìi hwa jà lì uka ò mbòwa ndɛnɛ ya Antìyɔ̀kì. Hwa wòteya lì òkòlɛ̀ hwàlòkèlì nanù ema, “Mòtò a rza endàhwi tɛ na òma e mbenda ya ama Mòrzè ya arza, a rza tanɛ a rzùŋgàhwà.”

Gàletìyà 5:2

È òkànèyà tɛ! Imba Pàwolò, na e ohweyà nanù ema, e aŋgbɛ tɛ nanù ema e endahwe, eŋge ŋgàna e hwèlì ndi nanù ema Krirztò a rza ohvi hvɛ tɔ̀ janda o inyɔ.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.