Gàletìyà 5:1 - Mokpwe: Bakwery (New Testament)

¹ O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

Gàletìyà 5:1 Referans Kwoze

2 Kɔ̀rintìyà 3:17

Ndi o nàŋgɛ e Rzàŋgo e hwèlì ndi Èlìŋgɛ̀. Tɔ̀ ima èki ema Èlìŋgɛ̀ ya ama e Rzàŋgo e hwèlì hwatò hwa hwɛnɛ lì wɔ̀wìrzɛ̀ la nyo.

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

1 Pètrò 2:16

È lìya nàa hwatò hwa wònja. Ndi e rzi gbeyàna eŋge wònja ya anyu, o lì gbeyà wòhwe. Ndi e lìya nàa hwàgbèèlì hwa ama Lohwɛ̀.

Ròmànì 6:14

O èŋgànɛ̀lɛ̀ e rza hwɛnì lì hwɛmɛ wòhwe wò e kànèyà, èhwanja e rza lìya ò rze ya e mbenda ndi e hwèlì ndi ò rze ya e ndèli ya ama Lohwɛ̀.

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

Gàletìyà 4:9

Ndi nàŋgɛ ema e hwi Lohwɛ̀, tɔ̀ na ohwa ndi nàŋgɛ nanù ema, Lohwɛ̀ a e hwi, nɛ rzɔ inyɔ e arza lì timba lì hwɛ hwàkòmì hvɛ o rze ya e ŋginyà ya ene rze.

Hibrù 10:23

Inyɛ̀ i lɛmbɛ lìhvìtà là arzu kɔ̀yi-kɔ̀yi, e rzi hwɛ lì nyiŋgirzɛhwɛ, èhwanja irzɔ i lòkɛ̀yi nanù ema Lohwɛ̀ ema a ohwi à mà a gbeyà mamɛ ema a ohwa nanù ema a gbeyà a e gbeyà.

Gàletìyà 2:4

tɔ̀ nɛ loŋgo là hwatò hwa mòlàŋgà ema hwà mà hwɛ ò ìtììtènì ja hwàlòkèlì hwa ama Krirztò, hwa mà hwɛ lì ahwaŋgelɛ nanù ema wɔ̀ hvɛ hwa hwèlì ndi hwàlòkèlì hwa ama Krirztò hwà mà arza nanù ema è gbèyɛ̀nɛ̀. Hwàŋga hwatò hwà mà kpèeyà ndi ò ìtììtènì jà arzu ò jututa, aŋga nanù oma hwa mà ɛnɛ nà oma ì gbèeyà hweyà hwe arzɛ èhwanja i hwèlì ò lìkànèyà la ama Yerzù Krirztò. Wɔ̀ hwà mà arza ndi nanù ema i hwɛ ndi hwàkòmì ò lì oŋgama imbenda jà wònyà Yudà.

Gàletìyà 4:31

O èŋgànɛ̀lɛ̀ rzɔ, wònyamòwè kòkò, irzɔ i rza enje ndi hwàna hwa e molanà wa mokome ndi irzɔ i hwèlì ndi hwàanà hwa e wònja molanà.

Hwèwulùwèlì 3:3

Ò eŋgànɛlɛ rzɔ, è ɔ̀ŋgɛ̀lɛ̀ hweyà ema inyɔ è mà okowe nà è hwèyɔ̀ ema è mà hwèye, è hwe ika ndèŋgànɛ̀lɛ̀ è ayèŋgowɛ̀ ò wòhwe wò anyu. Ndi inyɔ è rzi imowì tɛ, imba nà ò jà ndi nàa ŋmìhwɛ, ndeŋgànɛlɛ è rza ò hwiya è hvonda ema nà ò jɛ̀ɛ̀.

2 Pètrò 2:19

Wɔ̀ hwa ohweyà hwatò nanù ema hwa oŋgami tɛ hwèyòkòlèlì hwe awu, hwa gbeyà tɔ̀ mamɛ ema hwa arza lì gbeyà, ema tɔ̀ wɔ̀ hwitɛ-hwitɛ wòhwe wò hwa lìŋgi nà è ŋgɔ̀kɔ̀hwi. Wòhwe wò hwa lìŋgi ehwànja tɔ̀ mamɛ ema è kànèyà mòtò, oŋgo mòtò à hwɛ ndi mòkòmì ò rze yà eŋge yòma.

1 Kɔ̀rintìyà 16:13

È aŋgòwà e tɛ̀mɛ̀ ehve-ehve o lì lòkɛ̀. È ètìrzɛ̀ mèèmà, e hwɛnɛ̀ hvɛ màyìmbì.

Ròmànì 7:6

O nàŋgɛ nanù, irzɔ i ma anjiya ò tenì ya eŋge mbenda, èhwanja i ma ŋwa. O èŋgànɛ̀lɛ̀ rzɔ e mbenda ema e ma hwɛ lì jò kànèyà nàa hwàkòmì e rza jò kànèyà hvɛ. Ène e ma jò gbeyà ema ò nàŋgɛ nanù i nɔŋgɔ ndi e njiya hvènya mɛnɛ ò lì gbèeyà Lohwɛ̀. I mò gbèeyà ndi na òma èlìŋgɛ̀ ya ama Lohwɛ̀ e jò òhweyà rzeketɛ ò lì nɔŋgɔ e mbòlòwa mbenda ema e tìlahwì.

Ròmànì 6:18

Nàŋgɛ ema Lohwɛ̀ à mà e ulɛ ò tenì yà è ŋginyà yà wòhwe, e ma jà ndi hwàkòmè ò lì gbèeyà mamɛ ema Lohwɛ̀ a arza.

Hwègbèèlì 15:10

Nàŋgɛ̀ rzɔ mamɛ ndèŋgàtɛ inyɔ e keka ò lì kèkirzɛ Lohwɛ̀ e? O lì gbeyà nanù ema hwatò ema hwa lòkɛ̀ Yerzù hwa hwànɛ miyuna ema imbamba ja arzu tɔ̀ irzɔ i rza tanɛ lì hwanɛ̀ e?

1 Kɔ̀rintìyà 7:22

O ma hwɛ tɛ mòkòmì ndèŋgàna Lohwɛ̀ a o hwɛlɛ, o naŋgɛ nanù e Rzàŋgo Yerzù à mà o rzòlohwà. Ndèŋgànɛ̀lɛ̀ hvɛ o ma hwɛ tɛ wònjà lìrzako ema Rzàŋgo à mà o hvɔ̀rzè, o naŋgɛ̀ nanù, o ma tìmba ndi e mokome wà ama Krirztò.

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Ɛ̀hvìrzìyà 6:14

O èŋgànɛ̀lɛ̀ rzɔ, inyɔ e akpatɛ o lì ohwa e jɔ̀kɛ̀ o ihvonda ja arzɛ. Inyɔ e gbèyi tɛ nanù, e o hwɛ ndi nàa mòtò ema a nyamì e ŋgolì o woluhwe wa eni, ema a wòŋgìrzɛ̀nɛ o lì gbèeyà eyà. Inyɔ e lìmeya ndi o lì gbeyà hweyà hwe jɔ̀kɛ̀ ehwànja o lì gbèeyà hweyà ema hwe hvomɛ̀nɛ̀yi e hwèlì ndi nàa mòtò ema a wɔ̀ti e mbɔ̀ti ya hwɛ̀ɛkɛ̀ o lì ahwàndɛ mɔ̀ ŋmìti o hvonda ya njuma.

Hwèwulùwèlì 2:25

Ndi tɔ̀ nanù inyɔ è ika mèèmà mè anyu nà imba natɛ̀ɛ nà ò è hvonda ema nà ò jɛ̀ɛ̀.

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

2 Tɛ̀rzàlonìyà 2:15

Ò eŋgànɛlɛ rzɔ, ìi wònyàmòwe kòkò, è àyètìrzɛ̀nɛ̀ ò lì oŋgàma hwèyòkòlèlì ema irzɔ i lùù ndèŋgàna jè è okòlɛ. Irzɔ ì mà hwɛ lì è okòlɛ̀ ò hwèohwèlì hwe ŋmɛ̀ndì mò gbamù nà ò lì è tìleyà ò kààti.

1 Tɛ̀rzàlonìyà 3:8

O nàŋgɛ irzɔ i tɛ̀yirzɛ̀ o lì hwɛ o lòŋgɛ hvɛ, kànatɛ irzɔ i hwi nanù ema màtàŋgà mà anyu ma mà imbama o rze o nyòla lìlòkɛ̀ ema inyɔ e hwɛnelì Rzàŋgo Yerzù.

Gàletìyà 4:26

Ndi è molanà wà wònja à kìtìrzɛ̀nɛ̀ nà è Jèrurzalɛ̀mù yà è ŋmanyu yà Lohwà. Ndèŋgànà oŋgo molanà mɔ̀ ndi à hwèlì è nyàŋgo yà arzu.

Gàletìyà 3:25

Nàŋgɛ rzɔ ema è hvonda è mà jɛ̀ɛ̀ ema i hwɛni lì ika lì lòkɛ̀ là arzu nà Krirztò, ò rza enje tɔ̀ yoma hvɛ ema è jò ɔ̀ŋgeya.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Matiyò 23:4

Wɔ̀ hwa ihwalɛ hwatò miyuna ò mburza ema me lìti, ndi wɔ̀ hwa rza uŋmɛ̀lɛ̀ tɔ̀ nyìrzɛ̀ tɔ̀ hvɔ̀kɔ ò lì òma tɔ̀ jɔ̀nɔ jɔ̀kɔ, ò lì hwa òŋgòwànà lì hwanɛ meŋge miyuna.

Ròmànì 7:3

O èŋgànɛ̀lɛ̀ rzɔ, a lìyayi tɛ na òhvɛhvɛ mùnyanà ema mòjòmɛ̀ mò eni mò hwèlì lòŋgɛ nanù òma a hwèlì ndi mòlanà ema a gbèyi mòrzònje mò lìhwa. Ndi mòjòmɛ̀ mò eni mò ŋwelì tɛ, nanù òma a hwɛni wònja ò wòrzò wò e mbenda ya lìhwa e hwèlì tɛ nanù ema a hwàahwì hvɛ.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

2 Kɔ̀rintìyà 11:20

Tɔ̀ e hwɛ nanù ema mòtò a e timbirzɛ tɛ ndi nàa mòkòme, tɔ̀ e hwɛ ndi ema a e laanà, tɔ̀ e hwɛ ndi ema a e ɔnjɔ, tɔ̀ e hwɛ ndi ema a e ndinda, tɔ̀ e hwɛ ndi nanù ema a e rzamì lùumbɛ̀ o worzo, e mo emeyà.

Lukàrzɛ̀ 5:38

È hwɛ ndi ema mòkàkò mò mimba mò rzɔ̀lɛ̀hwɛ̀ ndi ò tenì ya kòhwà hvènya.