Gàletìyà 4:24 - Mokpwe: Bakwery (New Testament)

²⁴ I tànɛyi ndi lì kitirzɛnɛ hwanu hwalanà hwahwàkɛ nà hwèyòmbò hwe ahwakɛ hwe ama Lohwɛ̀. Haga à akitirzɛnɛ ndi nà yòòmbò ema Lohwɛ̀ à mà ààtɛ̀ nà wònyà Yudà è hvonda ema à mà tɛ̀tìrzɛ̀ Morzè imbenda ò hvàko yà Rzìnàyì. Hwatò hwa arzɛ ema hwa hwèlì ò rze yà eŋge yòmbo hwa hwèlì ndi hwàkòmì.

Gàletìyà 4:24 Referans Kwoze

Gàletìyà 4:25

Haga à hwèlì ndi nàa yòòmbò ema Lohwɛ̀ à mà ààtɛ̀ nà Morzè ò hvàko yà Rzìnàyì ò èkòmè ya Arèbìyà. Hwatò hwa Jèrurzalɛ̀mù wɔ̀ hvɛ hwa gbèyi ndi nàa Haga èhwanja wɔ̀ hwa arzɛ hwa hwèlì ndi hwàkomè.

1 Kɔ̀rintìyà 10:11

Hwenè hweyà hwe arzɛ hwe mà hwa gbèyɛ̀nɛ ndi nàa èmɛ̀nɛ̀nì o hwahvɛhvɛ hwatò. Hwenè hweyà hwe àrzɛ hwe tìlahwì ndi nàa mayowà mà ŋginyà o lì jò kòkòwɛ̀lɛ̀. Irzɔ i hwèlì ndi o hvonda ema lìrzukù la ene rze lì ma kombɛ̀nɛ̀ o lì jà.

Matiyò 13:35

A ma gbeyà ene ò lì òndìrzɛ̀ mamɛ e Mòòhwèlì wà èlìŋgɛ̀ à mà òhwe nanù ema, “Nà ò gbeyàna ndi meyàna ò lì òhwìrzɛ̀nɛ̀ hwatò na ò hwa wuluweya hweyà ema hwe utami lì wòteya hwèwèkelì hwe e rze.”

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

Hibrù 12:24

Inyɔ e ma jà oma Yerzù mɔ̀ ema a tɛmi o ìtììtènì ja hwatò na Lohwɛ̀ na yòombò e hvènya. Inyɔ e ma jà nàŋgɛ o ma Yerzù a hwèlì lì e hvahva màyija ma eni. Maŋga màyija ma mà jo ŋgba ndèli lì aka màyija ma ama Abɛ̀lì.

Hibrù 11:19

Abràhamù a mà lòkɛ̀ nanù ema Lohwɛ̀ a hwɛni ŋginyà o lì hvùmùlɛ̀ tɔ̀ mòtò ema à mà ŋwɛɛ. O eŋgànɛ̀lɛ̀ irzɔ i tanɛ jo òhwa nanù ema Abràhamù à mà timba ndi lì luwa Irzàkì o mburza hwèhvùmùwèlì hwe e kpelì hwe ama Irzàkì.

Hibrù 7:22

O lì hvomɛ̀nɛ̀ ene yombò rzɔ, Yerzù mɔ̀ ndi à hwèlì eembànelì ema e jo uŋmɛ̀lɛ̀ nanù ema, yòombò ya ama Lohwɛ̀ e rza àyèŋgowɛ̀.

Gàletìyà 5:1

O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

1 Kɔ̀rintìyà 10:4

Hwa mà nyɔ hvɛ ndi malìhwa mɔ̀kɔ me èlìŋgɛ̀. Hwà mà nyɔ ndi malìhwa ema Lohwɛ̀ à mà gbeye ma mà wurza o èkɔ̀kɔ̀ ya lìŋyàyi. Èŋge èkɔ̀kɔ̀ ya lìŋyàyi e ma hwɛ na wɔ̀ o hwèki hwe arzɛ ema hwà mà ɛ̀ndɛ, e ma hwɛ ndi Krirztò ŋmitɛ-ŋmitɛ.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

Gàletìyà 4:3

Nyayi hvɔ̀kɔ hvɛ mɛnɛ nanù ndi irzɔhvɛ i ma hwɛ nàa hwàanà e hvonda ema Krirztò a rzi jɛ̀ɛ̀. O eŋge hvonda, Iŋginyà ja ene rze i ma jo wowa ndi nàa hwàkòmì.