Biblia Todo Logo
Bib sou entènèt

- Piblisite -




Gàletìyà 4:13 - Mokpwe: Bakwery (New Testament)

13 È hwiye nanù ema e hvonda ema nà mà lome lì e ohweyà Ŋmɛ̀ndì mò Gbamù, imba nà mà hwɛ lì lìya na inyɔ èhwanja nà mà ɔ̀kirzɛ̀.

Gade chapit la Kopi




Gàletìyà 4:13
13 Referans Kwoze  

Nà mà hwɛ̀ nà inyɔ ò e mbowà ya anyu ndɛɛ̀ndɛ nà rzi tanɛ o lì gbeyà ene èwòlò, èhwanja ŋmèmà mà ami mo ma tumeya na wɔ̀ŋgɔ̀.


Lohwɛ̀ à mà e hvɔ̀rzɔ̀ o lì hwɛ hwatò hwa eni o nyòla e ndèli ya ama Yerzù Krirztò. Ndi na tami o lì ɛnɛ nanù ema e akɛ̀lɛ̀yi o lì rzɔ̀rzɔ̀ Lohwɛ̀, ndèŋgàna e hwèlì e nɔ̀ŋgɔ hwehvɛhvɛ hwèyòkòlèlì ema inyɔ e ɔ̀ŋgɛ̀lɛ̀ nanù ema e hwèlì ndi ŋmɛ̀ndì mò gbamù.


Nà hwɛnì tɛ lì kùmba lìya la ami o kòkò, hweyà ema hwe gbeyà na kùmbana lìya la ami o kòkò hwe hwèlì ndi hweyà ema hwe gbèeyà hwatò hwa no ɛnɛ ndi nàa mòtò ema a hwèlì rziŋga.


Nà tànɛyi na rzi hwiye o lì ohwe o ìtììtènì ja hwatò na oma wɔ hwa ohwa, ndi imba na rzɔŋgìtɛ̀nɛ̀ hweyà hwe arzɛ ema imba na ohwa. I ma e tɛlɛlɛ hwene hweyà hwe arzɛ ema i gbeyà.


Imba na ohwa ndi nanù èhwanja, lòŋgo la hwatò hwa ohwa nanù ema i kààtì ema imba na e tìleya ji imbami rzayi-rzayi ndèŋgànɛlɛ jo òhvi mbɔrzi ya wòhwe o tenì. Lòŋgo la hwatò hvɛ hwa ohwa nanù ema imba na hwèlì tɛ na wɔ̀, na rza ohva tɔ̀ ŋginyà ndèŋgàna tɔ̀ mamɛ hvɛ ema na ohwa e rza ohva tɔ̀ ŋginyà tɔ̀ hvɔ̀kɔ.


È hwèlì ndi e jɔ̀kɛ̀ nanù ema Krirztò nàa mòtò wa hwènàmà a rzi hwɛnɛ ŋginyà e hvonda ema hwà mà no wòmeyà o mbarza. Ndi tɔ̀ nanù a hwèlì lòŋgɛ o nàŋgɛ, ndi tɔ̀ na oma a hwèlì lòŋgɛ nanù, èhwanja Lohwɛ̀ à mà gbeyàna e ŋginyà ya eni o lì mo timbirzɛhwɛ o lòŋgɛ. Nà oma i hwèlì ndi mɔ̀kɔ na Krirztò, irzɔ hvɛ nàa hwatò hwa hwènàmà i rza imbami. Ndi irzɔ hvɛ jo ò hwɛ o lòŋgɛ na Krirztò o ŋginyà ya ama Lohwɛ̀, ndèŋgànɛlɛ jo ò e gbeyà hweyà hwe arzɛ ema i hwɛni lì e gbèeyà.


Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.


Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.


Wònyamòwè kòkò, na e arzarzɛ nanù ema, e hwɛ ndi nàa imba èhwanja o nàŋgɛ nanù imba hvɛ na hwèlì ndi nàa inyɔ. Nà rza enje hvɛ ndi o rze ya e mbenda hvɛ ndeŋgànɛ̀lɛ̀ e rzi no gbèyi eyà ya wòhwe.


Ndi tɔ̀ nɛ e nyàmbɛ̀ ya ami e ma hwɛ ndi ema e ma hwɛnɛ lì no rzɔ̀rzɔ̀, ndi inyɔ e rzi no rzɔ̀rzɔ̀ ndeŋgànɛ̀lɛ̀ e rzi no hvaye. È ma no karzɛ ndi o a ɛnɛ ema na hwèlì ndi aŋgèlì yà ama Lohwɛ̀ tɔ̀ nàa nà mà hwɛ ndi Yerzù Krirztò.


O nàŋgɛ rzɔ, o lɔ̀wu lì hwɛnɛ eŋge tumba nyɔ̀ŋgi ema e rzɔ̀ŋgɔ̀ o lì gbeyà eyà e hwèlì tɛ nanù ema eŋge nyɔ̀ŋgi e hwèlì ndi o lì gbeyà eyà ya gbamù. O lɔ̀wu lì hwɛnɛ nyɔ̀ŋgi ya lì gbeyà eyà i hvonda ja arzɛ, rzeketɛ e hvonda mɛnɛ ema e hwèlì na imba.


Swiv nou:

Piblisite


Piblisite