Gàletìyà 4:12 - Mokpwe: Bakwery (New Testament)

¹² Wònyamòwè kòkò, na e arzarzɛ nanù ema, e hwɛ ndi nàa imba èhwanja o nàŋgɛ nanù imba hvɛ na hwèlì ndi nàa inyɔ. Nà rza enje hvɛ ndi o rze ya e mbenda hvɛ ndeŋgànɛ̀lɛ̀ e rzi no gbèyi eyà ya wòhwe.

Gàletìyà 4:12 Referans Kwoze

2 Kɔ̀rintìyà 2:5

È hwiye nàŋgɛ nanù ema mòtò a gbèyi tɛ eyà ema e gbeyà hwatò hwa hwɛnɛ ndùtù, rzeketɛ imba mɛnɛ ndi à gbèelì nanù, a e gbèelì ndi inyɔ hwa arzɛ. Ndi ene eyà e hwèlì ndi eyà ema na rza ohwa rzayi-rzayi.

Gàletìyà 6:14

Ndi o imba na o ayèkirzɛ̀ ndi, lì ayèkirzɛ̀ la ami lì hwèlì ndi e kpelì ema e Rzàŋgo ya arzu Yerzù Krirztò e ŋwɛlɛlɛ o mbàrza o nyòla arzu. È kpelì ya eni e ma no gbeyà ema hweyà hwe ene rze hwe rza enje tɔ̀ eyà o mirzɔ̀ ma ami. Ndeŋgànɛ̀lɛ̀ na rza ohvi tɔ̀ eyà o lì gbeyàna ene rze.

Gàletìyà 2:14

Nà oma nà mà ɛnɛ nanù ema wɔ̀ hwa rza gbeyà nà oma ŋmɛ̀ndì mò gbamù mò òhwa nanù ema hwa gbeye, nà mà ohweyà Pètrò o worzo wo awu nanù ema, “Tɔ nɛ o hwèlì ndì mòtò wa wònyà Yudà, o ma hwɛmɛ ɛ̀ɛ̀mɛ̀ ya wònyà Yudà o gbeyà ndi hweyà nàŋgɛ nàa mòtò ema a rza enje wònyà Yudà. Nɛ rzɔ o tànɛyi lì nyàkìrzɛ̀ hwatò ema hwa rza enje wònyà Yudà o lì nɔ̀ŋgɔ ɛ̀ɛ̀mɛ̀ ya wònyà Yudà.”

2 Kɔ̀rintìyà 6:13

Nà e ohweyà ndi nàŋgɛ nàa e hwèlì ndi, hwàna hwa ami. È jo lìŋgàne na oma irzɔ hvɛ je e lìŋgàni.

Hwègbèèlì 21:21

Wɔ hwà mà òhwahwɛlɛ lì hvòmɛ̀nɛ̀ ò wa nanù ema, ò òkòlɛ wònyà Yudà hwa arzɛ ema hwa lìya ò hwèkòmè hwe hwaŋga hwatò ema hwa rza enje wònyà Yudà, nanù ema wɔ̀ hwa rza oŋgàmà e mbenda ya ama Mòrzè. Wɔ hwa òhwa nanù ema, ò wa ò hwa òhweyà nanù ema hwa rzi enda hwàanà hwa awu, ndèŋgàna hwa rza òŋgama ɛ̀ɛ̀mɛ̀ ya wònyà Yudà.

Gàletìyà 6:18

Ìi wònyamòwè kòkò, inyɛ è ndèli yà ama è Rzàŋgo ya arzu Yerzù Krirztò è hwɛ nà inyɔ hwa arzɛ. Inyɛ̀ wò lìya nanù!

2 Kɔ̀rintìyà 6:11

Ìi wònyàmowe, hwa e mbowà ya Kɔ̀rintò! Je e tilelì hweyà hwe arzɛ e rzi hwɛ ema je e utelì tɔ̀ eyà tɔ̀ yɔ̀kɔ. I ma e uŋmɛ̀lɛ̀ nɛ mèèmà me arzu me hwèlì o tenì.

Gàletìyà 4:11

Ène eyà e gbèyi na oki wɔ̀ŋgɔ̀ nanù ema na hvàŋgi ndi e hvonda ya ami o èwòlò ya arzɛ ema na e gbèelì.

Gàletìyà 4:13

È hwiye nanù ema e hvonda ema nà mà lome lì e ohweyà Ŋmɛ̀ndì mò Gbamù, imba nà mà hwɛ lì lìya na inyɔ èhwanja nà mà ɔ̀kirzɛ̀.