Gàletìyà 4:11 - Mokpwe: Bakwery (New Testament)

¹¹ Ène eyà e gbèyi na oki wɔ̀ŋgɔ̀ nanù ema na hvàŋgi ndi e hvonda ya ami o èwòlò ya arzɛ ema na e gbèelì.

Gàletìyà 4:11 Referans Kwoze

1 Tɛ̀rzàlonìyà 3:5

Litiŋga lìiŋgi ema lì ma gbeyà ɔndèŋgàtɛ̀ nà mà oma Tìmòtì. Nà oma na rzi tanɛ hvɛ lì alɛ̀mbɛ nà mà mo òma o lì jà lì arzirzɛ nɛ lìlòkɛ̀ la anyu lì hwèlì. Nà ma gbeyà ndi ene eyà nanù ehwànja, nà mà oka wɔ̀ŋgɔ̀ nanù ema, e mɔ̀ ema a gbèeyà hwatò hwa unda o tenì ya màkèkìrzɛ̀nɛ̀, a tanɛ lì e gbèeyà inyɔ e unda o tenì ya màkèkìrzɛ̀nɛ̀. Ndeŋgànɛ̀lɛ̀ o nanù ema èwòlò ya arzɛ ya ŋginyà ema irzɔ i ma gbèèyɛ̀, e tanɛ e ma timba ndi èwòlò ya ŋgundu.

Gàletìyà 2:2

Nà mà ɛndɛ ndi èhwanja Lohwɛ̀ à mà nò wuluhweyà nanù ema nà ɛndɛ aŋga. Nà oma nà mà hwɛ aŋga, ì mà tàneyà wùndɛ̀ nà hwàtìmbèlì hwa ŋmèmba, nà mà hwa telɛlɛ ŋmɛ̀ndì mò gbamù ema nà mà ohweyà hwaŋga ema hwa rza enje wònyà Yudà. Nà mà gbeyà ndi nanù ò lì oka wɔ̀ŋgɔ̀ nanù ema èwòlò ema nà mà gbèyi nà è yɔ̀ ema nà hwèlì nà gbeyà è rzi hwɛ ŋgundu.

2 Yòwanìrzɛ̀ 1:8

È hwɛ rzɔ ndi ò lì aŋgòwa, è rzi jà lì hwɛ ema è wɔ̀lɛ̀nɛ̀ mamɛ yà arzɛ ema è mà tàkeyà. Ndi è hwɛnì lì lùwa etàŋgì yà anyu yà arzɛ.

Hvìlipìyà 2:16

È ohweyà hwatò ŋmɛ̀ndì mò gbamù ema mo hwa ŋgbàà lòŋgɛ la gbìndèyà. È gbèyi nanù aŋga nanù, na e ohvana kumba o wùnyà ema Krirztò a o jɛ̀ɛ̀. Nà arza lì àyekìrzɛ ehwànja e o uŋmɛ̀lɛ̀ na e jɔ̀kɛ̀ nanù ema lì umbɛlɛlɛ la ami la arzɛ na èwòlò ya ŋginyà ema nà mà gbèèyɛ̀ hwe rza o ɛndɛ ndi ŋgundu.

Gàletìyà 4:20

Nà lìŋgàneyayi lì hwɛ na inyɔ nàŋgɛ, o ma na hwi mamɛ ema na e ohwirzɛnɛ. Èhwanja na àkàyìrzɛ̀ rzayi-rzayi o lì e hvomɛ̀nɛ̀.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Hwègbèèlì 16:6

Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.

Gàletìyà 4:10

È wowa loŋgo la mèenyà, loŋgo la ŋgbɛ̀ndɛ, loŋgo la marzako ma ŋma, na loŋgo la meya nàa mèenyà me ndɛnɛ o a ɛnɛ oma e gbèeyà ndi Lohwɛ̀.

Gàletìyà 4:12

Wònyamòwè kòkò, na e arzarzɛ nanù ema, e hwɛ ndi nàa imba èhwanja o nàŋgɛ nanù imba hvɛ na hwèlì ndi nàa inyɔ. Nà rza enje hvɛ ndi o rze ya e mbenda hvɛ ndeŋgànɛ̀lɛ̀ e rzi no gbèyi eyà ya wòhwe.