Gàletìyà 3:19 - Mokpwe: Bakwery (New Testament)

¹⁹ Mamɛ rzɔ è mà hwɛ lìtiŋga ema Lohwɛ̀ à mà ŋgbe è mbenda e? À mà hwa ŋgba è mbenda ò lì uŋmɛ̀lɛ̀ hwatò mamɛ wòhwe wò hwèlì, eŋge mbenda è mà àŋgàmɛ̀nɛ̀yi lì hwɛ natɛ̀ɛ nà ò è hvonda ema è ŋmanà wà è nyɔ̀ŋgɔ̀nì yà ama Abràhamù ema Lohwɛ̀ à mà kàkɛ̀nɛ̀ à mà hwɛni lì jà. Lohwɛ̀ à mà ŋgba ì aŋgèlì è mbenda ò lì ŋgba Morzè. Morzè ndi à mà hwɛ è mòtò wà ìtììtènì ema à mà tɛ̀meyà è mòtò wà hwènàmà nà Lohwɛ̀.

Gàletìyà 3:19 Referans Kwoze

Hwègbèèlì 7:53

Inyɔ ndi e hwèlì e wɔ̀ ema e ma luwa imbenda ja ama Lohwɛ̀ ema i ma ŋgbahwa lì akeyà na i aŋgèlì, ndi tɔ̀ nanù inyɔ e rza ji gbeyana.”

Hibrù 2:2

Hweyà ema Lohwɛ̀ à mà ohweyà i aŋgèlì nanù ema hwa ohweyà imbamba ja arzu hwe ma hwɛnɛ màyìmbi. Hwàto hwa arzɛ ema hwa rzi oŋgamɛ hweŋge hweyà, ndèŋgànɛ̀lɛ̀ ema hwa rzi gbeyɛ na oma hweŋge hweyà hwe ma ohwahwɛlɛ, hwa o luwa e kɔ̀kìrzɛ̀ ema hwa àŋgàmɛ̀nɛ̀yi lì luwa.

Gàletìyà 3:16

Nàŋgɛ rzɔ, Lohwɛ̀ à mà gbeyà lì kàkɛnɛ là eni nà Abràhamù, nà ŋmanà eni. Èya yà Lohwà è rza ohwi nanù ema, “Hwàna,” ò à ɛnɛ oma hwatò hwa koki. Ndi Eyà yà Lohwà è ohwi nanù ema, “Ŋmanà.” Krirztò ndi à hwèlì oŋgo Ŋmanà.

Ròmànì 4:15

Èya ema e mbenda è gbeyà e hwèlì ndi ò lì jàneyà hwatò hwètàtò hwe ama Lohwɛ̀. Ndi ò rzà ènje tɛ mbenda, ò rzà enje lì unda la mbenda.

Ròmànì 2:13

Rzeketɛ ò lì hweyà e mbenda yɔ ndi e gbèeyà hwatò hwa tɛ̀mɛ̀ ehve-ehve na Lohwɛ̀, ndi ò lì gbèeyà mamɛ ema e mbenda e arza yɔ ndi e gbeyà hwatò hwa tɛ̀mɛ̀ ehve-ehve ò wòrzò wò ama Lohwɛ̀.

Hwègbèèlì 7:38

Mònò Mòrzè mɛnɛ ndi mò ma hwɛ na hwatò hwa arzu ò mòrzanjɛ̀. A ma hwɛ aŋga na imbamba ja arzu e hvònda ema e aŋgèlì ema Lohwɛ̀ à mà òme na ŋmɛ̀ndì ò e hvàko ya Rzinàyi à mà hwa òhwirzɛnɛ. Mònò ŋmɛ̀ndì ema Mòrzè à mà wòwane eŋge aŋgèlì, mɔ̀ ndi irzɔ i hwèlì i gbeyàna natɛ̀ɛ na yawònò.

Yòwanìrzɛ̀ 15:22

Oma hwa rza tuhwi ò wòhwe wò awu imba na rzi je tɛ lì hwa òhweyà hwene hweyà. O nàŋgɛ nanù, hwa rza òhvi tɔ̀ lìtìŋga ò melàkìrzɛ̀nɛ me wòhwe wò awu.

Yòwanìrzɛ̀ 1:17

Lohwɛ̀ à mà ŋgbà è mbenda lì akeyà nà Mòrzè ndi è ndèli nà è jɔ̀kɛ̀ è mà jà ndi lì akeyà nà Yerzù Krirztò.

Hibrù 2:5

Rzeketɛ i aŋgèlì ndi Lohwɛ̀ a rzekelì nanù ema i kànèyà e rze ya mɔ̀nyɛ̀ hvènya ema irzɔ jo ohwi nanù ema e o jà.

Lukàrzɛ̀ 16:31

Abràhamù rzìi a mò òhweyà nanù ema, ‘Wɔ̀, hwa rzà hweyànì tɛ Mòrzè, nà hwanɛ̀yi hwà-òhwèlì hwa hwèlìŋgɛ̀, èŋge ŋgàna è hwèlì ndi ema hwa rzà tànɛyi lì lòkɛ̀ è mɔ̀ ema à ò hvùmùwɛ̀ ò èkòmè ya kpelì.’”