Gàletìyà 2:14 - Mokpwe: Bakwery (New Testament)

¹⁴ Nà oma nà mà ɛnɛ nanù ema wɔ̀ hwa rza gbeyà nà oma ŋmɛ̀ndì mò gbamù mò òhwa nanù ema hwa gbeye, nà mà ohweyà Pètrò o worzo wo awu nanù ema, “Tɔ nɛ o hwèlì ndì mòtò wa wònyà Yudà, o ma hwɛmɛ ɛ̀ɛ̀mɛ̀ ya wònyà Yudà o gbeyà ndi hweyà nàŋgɛ nàa mòtò ema a rza enje wònyà Yudà. Nɛ rzɔ o tànɛyi lì nyàkìrzɛ̀ hwatò ema hwa rza enje wònyà Yudà o lì nɔ̀ŋgɔ ɛ̀ɛ̀mɛ̀ ya wònyà Yudà.”

Gàletìyà 2:14 Referans Kwoze

Gàletìyà 2:5

Ndi èhwanja ì ma arza lì e kombɛlɛlɛ è jɔ̀kɛ̀ ema è hwèlì ò Ŋmɛ̀ndì mò Gbamù, ì rzi hwa ŋgbe tɔ̀ hvonda tɔ̀ hvɔ̀kɔ.

Hwègbèèlì 10:28

A ma òhweyà hwaŋga hwatò nanù ema, “È hwi na e jɔ̀kɛ̀ nanù ema, e teŋgɛ̀nɛ̀yi e mbenda ya arzu nanù ema, mòtò ema a hwèlì wa wònyà Yudà a rza kanɛ̀ lì lata na tɔ̀ ohvɛhvɛ mòtò ema a rza enje wònyà Yudà. Ndi Lohwɛ̀ à mà nò uŋmɛ̀lɛ̀ nanù ema na rza hwɛni lì hwɛlɛ tɔ̀ mòtò tɔ̀ mɔ̀kɔ ema a rza rzaŋgi tɔ̀ nanù ema a hwèlì mbìndò ò wòrzò wò ama Lohwɛ̀.

1 Tìmotì 5:20

Mòmbaki wa ŋmèmba a toni tɛ, o mo kanje o worzo wo ŋmèmba, aŋga nanù hwanɛyi hwàmbaki hwa ŋmèmba hwa oka wɔ̀ŋgɔ̀ o lì gbeyà wòhwe.

Gàletìyà 6:12

Hwatò ema hwa hwèlì lì keka lì e nyàkìrzɛ̀ nanù ema e hwɛni lì endàhwà, hwa gbeyà ndi nanù o lì ayèkìrzɛ̀ aŋga nanù oma hwà mà luwa lìna la gbamù na hwatò hwa arzɛ. Wɔ̀ hwa oka wɔ̀ŋgɔ̀ nanù ema hwatò hwa o hwa tàkìrzɛ̀ nanù ema wɔ̀ hwa ohwa nanù ema e kpelì ema Yerzù a ŋwelɛlɛ o mbarza yɔ mɛnɛ ndi e gbeyà ema hwatò hwa o rzùŋgàhwa.

Hibrù 12:13

È rzɛ̀ŋgɛ̀nɛ̀ e njiya ema e hwɛnì lì akeyà, aŋga nanù e wɔ̀ ema hwa hwèlì mboko hwa lùwa etembe hwa timba hvɛ lì wɔ̀wìrzɛ̀hwɛ.

Hibrù 9:10

Ini mbenda ja arzɛ i ma hwɛ ndi mbenda ja hwèlèèlì na hwènyɔ̀ɔ̀nì na hwehvɛhvɛ hweyà rzayi-rzayi ema hwatò hwà mà gbeeye o lì arzàŋgìrzɛ̀ wɔ̀ hwiti. Ini mbenda ja arzɛ i hwèlì ndi imbenda ja e nyàma ya nyo ema jo o kuwɛ e hvonda ema Lohwɛ̀ a o rzèeya hweyà hwe arzɛ.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.

Gàletìyà 2:7

Ndi tɔ̀ nanù, wɔ̀ hwa mà ayembɛ nanù ema Lohwɛ̀ à nò ŋgbelì èwòlò ya lì ohweyà hwatò ema hwa rza enje wònyà Yudà, Ŋmɛ̀ndì mò Gbamù. Ŋgàna hvɔ̀kɔ na oma Pètrò hvɛ à mà ohve èwòlò ya lì ohweyà wònyà Yudà Ŋmɛ̀ndì mò Gbamù.

Ròmànì 14:14

Nà òma na hwèlì mɔ̀kɔ na e Rzàŋgò Yerzù, hwe nò òkòlɛ̀ ò lì hwiya kɔ̀yi-kɔ̀yi nanù ema ò rza enje tɔ̀ mòlelì ema ò mɔ̀ ŋmìti mò rza rzaŋgɛ ò wòrzò wò ama Lohwɛ̀. Ndi ò hwèlì tɛ mòtò ema a lutelì nanù ema ò hwèlì mòlelì ema mò rza rzaŋgɛ ò wòrzò wò ama Lohwɛ̀, a rzi mò laa.

Hwègbèèlì 15:24

Irzɔ i ma hweyà nanù ema lòŋgò la hwatò ema hwa uwɛ̀lɛ̀lɛ̀yi ò mba arzu lì e jèeya, wɔ hwa e emirzɛyi na hweyà ema hwa òhwa. Ndi inyɔ e hwɛni lì hwiya nanù ema i rzi hwa ŋgbelì tɔ wònjà ò lì gbeyà nanù.

Gàletìyà 2:3

Tɔ Tàyìtùrzì ema à mà hwɛ ndi mòtò wa èkòmè ya Grìki ema à mà hwɛ na imba, hwa rzi mo nyàkìrzɛ̀ nanù ema à hwɛni lì endàhwà,

Hwègbèèlì 15:1

Lòŋgò la hwatò hwà mà uwɛ̀lɛ̀lɛ̀yi ò erzòòkà ya Jùdeyà rzìi hwa jà lì uka ò mbòwa ndɛnɛ ya Antìyɔ̀kì. Hwa wòteya lì òkòlɛ̀ hwàlòkèlì nanù ema, “Mòtò a rza endàhwi tɛ na òma e mbenda ya ama Mòrzè ya arza, a rza tanɛ a rzùŋgàhwà.”

Hwègbèèlì 15:5

Ndi tɔ̀ nanù, lòŋgò la hwàlòkèlì ema hwà mà hwɛ ò ehvehva ya Hvàlìrzàyì hwà mà tɛ̀mɛ̀ ò ŋmanyu rzìi hwa òhwa nanù ema, “Hwàŋga hwatò ema hwa rza enje wònyà Yudà ema hwa lòkɛ̀ Yerzù, hwa àŋgàmɛ̀nɛyi lì endàhwa, na lì òhwahwɛlɛ ò lì ika imbenda ja ama Mòrzè.”

Gàletìyà 1:6

Lohwɛ̀ à mà e hvɔ̀rzɔ̀ o lì hwɛ hwatò hwa eni o nyòla e ndèli ya ama Yerzù Krirztò. Ndi na tami o lì ɛnɛ nanù ema e akɛ̀lɛ̀yi o lì rzɔ̀rzɔ̀ Lohwɛ̀, ndèŋgàna e hwèlì e nɔ̀ŋgɔ hwehvɛhvɛ hwèyòkòlèlì ema inyɔ e ɔ̀ŋgɛ̀lɛ̀ nanù ema e hwèlì ndi ŋmɛ̀ndì mò gbamù.

Gàletìyà 1:18

Meya meyawo me ma aka, ndèŋgàna na e ɛndɛ o mbowà ndɛnɛ ya Jèrurzalɛ̀mù o lì ɛnɛ Pètrò. Nà ma lìya na mɔ̀ lìyomɛ la mèenyà na meta.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.