Gàletìyà 1:7 - Mokpwe: Bakwery (New Testament)

⁷ O tɛ̀ɛ̀tɛ̀ɛ o rza enje mohvɛhvɛ ŋmɛ̀ndì mò gbamù. Ndi imba na ohwa ndi nanù èhwanja o hwèlì lòŋgo la hwatò ema hwa e emirzɛ. Hwa arza lì keka o lì tikowa Ŋmɛ̀ndì mò Gbamù mò ama Yerzù Krirztò.

Gàletìyà 1:7 Referans Kwoze

Hwègbèèlì 15:24

Irzɔ i ma hweyà nanù ema lòŋgò la hwatò ema hwa uwɛ̀lɛ̀lɛ̀yi ò mba arzu lì e jèeya, wɔ hwa e emirzɛyi na hweyà ema hwa òhwa. Ndi inyɔ e hwɛni lì hwiya nanù ema i rzi hwa ŋgbelì tɔ wònjà ò lì gbeyà nanù.

Gàletìyà 5:10

Ndi imba na e ohvani kumba nanù mɛnɛ ema, Lohwɛ̀ a gbeyà nanù ema e rza nɔŋgɔ hwèyòkòlèlì hwe hwahvɛhvɛ hwatò ndi e nɔŋgɔ ndi e hwe ami. Lohwɛ̀ a o kɔ̀kìrzɛ̀ tɔ̀ ima mòtò ema a emirzɛ tɔ̀ a hwɛ ndi njɛnɛ.

2 Kɔ̀rintìyà 11:13

Hwàŋga hwatò ema hwa hwà kùmba màà mà awu o kòkò, hwa hwèlì ndi hwà-òhwèlì hwa mòlàŋgà, hwa ɔnjɔ̀ hwatò ò èwòlò ema hwa gbeyà, na oma hwa hwà lukɛlɛ nanù ema wɔ hwa hwèlì ndi i àpɔ̀rzìtòlò ja ama Krirztò.

Gàletìyà 5:12

Nà àhvìtɛ̀ nanù ema hwaŋga hwatò ema hwa e emirzɛ hwa ɛndɛ ndi o worzo, inyɛ hwa ɛndɛ o worzo hwa a agbɛɛ wɔ̀ hwiti.

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

Hwèwulùwèlì 20:3

È aŋgèlì rzi è mò aŋgba ò tènì yà ehvɔ̀ndi ema è rza ohvɛ lìrzùkù. Rzìi e umba a e jeka o ŋmanyu ya eni o lì mo tɛ̀mìrzɛ̀ nanù ema a rza lukɛlɛ hwatò hwa e rze ya mɔ̀nyɛ̀ hvɛ, natɛ̀ɛ ikolì ja meya jo o kuwa. O mburzà nanù a àŋgàmɛ̀nɛ̀yi lì rzolowahwa o ŋmanà hvoka ya hvonda.

2 Yòwanìrzɛ̀ 1:10

Ò èŋgànɛ̀lɛ̀ rzɔ, tɔ̀ ima mòtò à è jɛ̀lɛ̀lɛ̀yi tɛ rzìi à è jàneyà hwèokòlelì ema hwe rza uwɛ̀lɛ̀lɛ̀yi ò mà Krirztò, è rzìi mò kpɛ̀lɛ̀ ò ndawò yà anyu tɔ̀ nà lì mò kàrzɛ nàa mɔ̀kɔ wà ŋmèmba.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.

Hwèwulùwèlì 19:20

Rzìi hwa lɛmbɛ eŋge nyàmà yà wòhwe nà hwà-òhwèlì hwa hwèlìŋgɛ̀ hwa mòlàŋgà. Oŋgo mòòhwèlì wà èlìŋgɛ̀ wà mòlàŋga à mà hwɛ ò worzo wò eni, à mà hwɛ lì uŋmɛ̀lɛ̀ embànelì ò lì lùkɛ̀lɛ̀lɛ̀ hwatò ema hwa mà luwɛ eembànelì yà eŋge nyàmà yà wòhwe ndèŋgànɛ̀lɛ̀ hwa mà hwɛ lì kanɛ̀ eŋge elìŋgɛ̀. È hvonda ema hwà mà hwɛ lòŋgɛ hwà mà hwa hvimba wɔ̀ hwahwàkɛ o tenì ya ehvɔ̀ndi ya mùnya, ndèŋgànɛ̀lɛ̀ hwà mà rzeeya na mùùnya ema mo ma hwɛ lì tumbana rzayi-rzayi.

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 2:20

Mamɛ ema imba nà ohwa ò lì è teŋgɛ̀nɛ̀ è hwèlì ndi nanù ema, inyɔ e àjùlɛ̀nɛ̀ òŋgo molanà ema à hwɛ̀lɛ̀hwɛ̀ Jèrzɛ̀bɛ̀lì à àhwɛ̀lɛ̀hwɛ̀ mɔ̀ ŋmìti nanù ema à hwèlì ndi mòòhwèlì wà èlìŋgɛ̀ wà molanà wà ama Lohwɛ̀. Mɔ̀ à okòlɛ nà lì ɔnjɔ hwàgbèèlì wà ami ema wɔ̀ hwa gbeyà hweyà hwe mòrzònje, nà ò lì làa mòlelì ema hwa ŋgbàà mahvɛhvɛ mohwà nàa jàhwèyà.

Hwèwulùwèlì 2:6

Ndi eyà ya gbàmu ema e gbeyà, e hwèlì ndi nanù ema inyɔ e rzi ikayi mèèmà me anyu o hweyà hwe hwatò hwa ehvehva ya ama Nìkòlàrzì na oma imba hvɛ na rzi ikayi.

Hwèwulùwèlì 2:2

Nà hwi hweyà hwe arzɛ ema è gbeyà. Nà hwi hwèwòlò hwe anyu hwe ŋginyà ema è gbeyà ndèŋgànɛlɛ nà hwi nanù ema è kaki mèèmà o lì àjùlɛ̀. Nà hwi nanù ema o rza tanɛyi lì emeyà hwatò hwa wòhwe. Nà hwi na oma e gbeyà rzìi e emba hwatò ema hwa ahwàŋgɛ̀lɛ̀ nanù ema hwa hwèlì ndi i àpɔ̀rzìtòlò ema hwa rza enje àpɔ̀rzìtòlò, rzìi inyɔ e àyèmbɛ nanù ema hwa hwèlì ndi hwà-òhwèlì hwa hwèlìŋgɛ̀ hwa mòlaŋgà.

Judɛ 1:4

Nà ohwa ndi nanù èhwanja lòŋgò là hwatò ema hwa rza hwɛnɛ ɛ̀ɛ̀mɛ̀ yà ama hwatò hwa ama Lohwɛ̀, hwa mà kpèeyà ò ìtììtènì jà anyu ò jùtùtà. Hwaŋga hwatò hwa ohwa nanù ema, è ndèli ema Lohwɛ̀ à mà jò ŋgbɛ, ndèŋganɛlɛ nà oma à mà jò làkìrzɛ̀ wòhwe wò arzu, è mà jò ŋgbàà è wònjà ò lì gbeyà hweyà hwe mbindo. Lohwɛ̀ mɔ̀ à mà màa lì tɛ̀yirzɛ̀ è kɔ̀kìrzɛ̀ ema hwaŋga hwatò hwa ò lùwɛ natɛ̀ɛ nà è kòhwàa. Hwàŋga hwatò hwa rza emelì Yerzù Krirztò na oma è hwèlì nanù ema Yerzù mɛnɛ ndi à hwèlì è Rzàŋgo yà arzu nà è mòkànèlì wà arzu.

2 Yòwanìrzɛ̀ 1:7

Hwàlùkèlì rzayì-rzayì hwa mà kpèeyà ò rze, hwatò ema hwa rza emeyà nanù ema Yerzù Krirztò à mà ŋyàahwa ò rze nàa mòtò wà hwènàmà. Tɔ̀ ima mòtò wà nanù à hwèlì ndi molùkelì ndèŋgàna è mɔ̀kɔ̀yèlì wà ama Krirztò.

1 Yòwanìrzɛ̀ 2:26

Imba nà è tìleya ndi hwene hweyà ò lì hvomɛ̀nɛ̀ hwaŋga hwatò ema hwa arza lì è lùkɛ̀lɛ̀.

2 Tìmotì 2:18

Wɔ̀ hwà mà hwɛmɛ lìlòkɛ̀ la jɔ̀kɛ̀ ndèŋgàna hwa hwèlì hwa okolɛ nanù ema irzɔ ema i lòkɛ̀yi, Lohwɛ̀ à mà màa lì jo hvùmùlɛ̀. Ini nyayi ja hwèyòkòlèlì hwe hvàŋga lìlòkɛ̀ la loŋgo la hwatò.

Gàletìyà 6:17

O lì umba ene kààtì, na e ohweyà nanù ema, tɔ̀ mòtò a rzi no tàkìrzɛ̀nɛ hwene hweyà, èhwanja na ohvi hwetɛndɛ anu nyo ya ami, ema hwe uŋmɛ̀lɛ̀ nanù ema imba na gbèeyà ndi Yerzù.

Gàletìyà 4:17

Hwanɛyi hwà-òkòlèlì hwa mòlàŋgà hwa ohvi o mèèmà me awu nanù ema e hwa nɔŋge, ndi mɔ̀ŋgɛ̀lɛ̀ ma awu ma rza lɔ̀wu. Wɔ̀ hwa arza ndi nanù ema e rza hwɛ na imba aŋga nanù e hwɛnɛ ndi e nyɔ̀ŋgi o lì hwɛ na wɔ̀.

Gàletìyà 2:4

tɔ̀ nɛ loŋgo là hwatò hwa mòlàŋgà ema hwà mà hwɛ ò ìtììtènì ja hwàlòkèlì hwa ama Krirztò, hwa mà hwɛ lì ahwaŋgelɛ nanù ema wɔ̀ hvɛ hwa hwèlì ndi hwàlòkèlì hwa ama Krirztò hwà mà arza nanù ema è gbèyɛ̀nɛ̀. Hwàŋga hwatò hwà mà kpèeyà ndi ò ìtììtènì jà arzu ò jututa, aŋga nanù oma hwa mà ɛnɛ nà oma ì gbèeyà hweyà hwe arzɛ èhwanja i hwèlì ò lìkànèyà la ama Yerzù Krirztò. Wɔ̀ hwà mà arza ndi nanù ema i hwɛ ndi hwàkòmì ò lì oŋgama imbenda jà wònyà Yudà.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

Hwègbèèlì 20:30

O ò jà hvònda ema hwatò hwa ò uwɛ̀lɛ̀lɛ̀yi ò ìtììtènì ja anyu, ema hwa ò rzɛŋgɛnɛ hweyà hwe lì kɔ, aŋga nanù hwatò ema hwa lòkɛ̀ Yerzù hwa ò hwa òŋgama.

Hwègbèèlì 13:10

rzìi a òhwa nanù ema, “O wa, e ŋmanà wa ama Mòkarzɛ̀! O hwèlì ndi e mɔ̀kɔ̀yèlì wa tɔ̀ mamɛ ema e hvòmɛ̀nɛ̀yi. O òndi na inyayi jà àrzɛ̀ ja wòhwe ja meyanò. Tɔ̀ ima hvònda ò wa ò arza ndi ò lì tikòwa e jɔ̀kɛ̀ ya ama e Rzàŋgò ò lì e timbirzɛ hweyà hwe lì kɔ̀.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Gàletìyà 1:6

Lohwɛ̀ à mà e hvɔ̀rzɔ̀ o lì hwɛ hwatò hwa eni o nyòla e ndèli ya ama Yerzù Krirztò. Ndi na tami o lì ɛnɛ nanù ema e akɛ̀lɛ̀yi o lì rzɔ̀rzɔ̀ Lohwɛ̀, ndèŋgàna e hwèlì e nɔ̀ŋgɔ hwehvɛhvɛ hwèyòkòlèlì ema inyɔ e ɔ̀ŋgɛ̀lɛ̀ nanù ema e hwèlì ndi ŋmɛ̀ndì mò gbamù.