Ɛ̀hvìrzìyà 6:13 - Mokpwe: Bakwery (New Testament)

¹³ O èŋgànɛ̀lɛ̀ rzɔ e akpatɛ na hwèèmà hwe arzɛ hwe njuma ema Lohwɛ̀ a e ŋgbelì aŋga nanù o wùnyà wo wòhwe hwa jèelì tɛ, e o tànɛyi lì teŋgɛ̀nɛ̀ hwàkɔ̀yèlì. È o ana natɛ̀ɛ na o lìrzùkù ndeŋgànɛ̀lɛ̀ e o tɛ̀mɛ̀ na ŋginyà.

Ɛ̀hvìrzìyà 6:13 Referans Kwoze

2 Kɔ̀rintìyà 10:4

Hwɛ̀ɛkɛ hwe arzu hwe njùma ema i gbeyàna o lì anana hwe rza enje nyayi hvɔ̀kɔ nàa hwɛ̀ɛkɛ hwe njuma ema hwatò hwa ene rze hwa gbeyàna o lì anana e njuma. Ndi irzɔ i gbeyàna ndi hwɛ̀ɛkɛ hwe ŋginyà hwe ama Lohwɛ̀, o lì hvàŋga i ŋguwa ja ama hwàkɔ̀yèlì hwa arzu. Hwene hwɛ̀ɛkɛ hwe njùma hweyɔ ndi irzɔ i gbeyàna o lì ɔ̀tɛlɛ̀ metaŋgo me arzɛ me mòlàŋgà.

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Ɛ̀hvìrzìyà 5:16

È gbeyàne ihveyo ja arzɛ ema e lùu o lì gbeyà gbamù, ehwànja mene mèènyà wòhwe wo àkɛ̀lɛ̀nɛ̀yì.

Lukàrzɛ̀ 8:13

Ìhvɔ̀ŋgɔ̀ hvɛ ema ì mà unda ò èwòmà yà lìŋyayì, jɔ̀ hvɛ ì tɛ̀mèlì ndi hwatò ema hwa mà hwèya Eyà yà Lohwà, rzìi hwa è wòwà nà mɔ̀nyɛ̀ŋgì. Ndi Eyà yà ama Lohwɛ̀ è rzi rzɔ̀ŋgɔ ò mèèmà mè awu. Ò ŋmanà hvòkà hvònda hwa mà lòkɛ̀ Lohwɛ̀, ndi màkèkìrzɛ̀nɛ̀ ma mà jèe, hwa mà tìmbeyà ò mburzà.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

Ɛ̀hvìrzìyà 5:6

Tɔ̀ mòtò a rzi keka lì e ɔ̀njɔ na mbɔrzi ya èèti. Lohwɛ̀ a o kɔ̀kìrzɛ̀ hwatò ema hwa rza gbèeyà na oma mɔ̀ à àrzeyà, ndi hwa gbeyà ndi hwene hweyà hwe wòhwe.

Hwèwulùwèlì 6:17

Èhwànja Wùnyà wo wòhwe ema hwètàtò hwe awu hwe wurza o ewoka wo ma uka, ndèŋgànɛlɛ tɔ̀ mòtò a rza tànɛyi lì tɛ̀mɛ̀ o lì wo teŋgɛ̀nɛ̀.”

Ròmànì 13:12

Jììtìtì i mà lìŋga ŋmanà mbɔ̀ òma wùùnya wò ma yahwa ò eŋgànɛ̀lɛ̀ rzɔ, inyɛ i rzɔ̀njɛ̀lɛ hweyà hwe wòhwe ema i ma hwɛ lì gbeyà. Inyɛ̀ i wɔ̀te màwɔ̀ti ma njuma ò lì ana e njuma ya ŋmàye.

Jèmìrzì 4:7

O eŋgànɛ̀lɛ rzɔ e arzìhwìrzɛ̀ inyɔ̀ hwiti o worzo wo ama Lohwɛ̀. È hwɛ màniya o ma Mòkarzɛ̀. Inyɔ e gbèyi tɛ nanù mɔ̀ a e hwaŋga.

1 Pètrò 4:1

Kànatɛ Krirztò à mà take o hwehwɛ̀ɛlì hwe eni nàa mòtò wà hwènàmà o e nyàmà nyo, inyɔ hvɛ e àŋgàmɛ̀nɛ̀yi lì woŋgirzɛnɛ o lì luwa eŋge ŋgànà ya màlùtèyà mɛnɛ na à mà hwɛnɛ. Èhwànja tɔ̀ njɛnɛ ema a tàki o e nyàmà ya nyo ehwànja a hwèlì ndi e wa ama Yerzù, mɔ̀ à rza hwɛni hvɛ tɔ̀ eyà o lì gbeyàna wòhwe.