Ɛ̀hvìrzìyà 5:27 - Mokpwe: Bakwery (New Testament)

²⁷ À mà gbeyà ndi nanù aŋga nanù lì arzàŋganɛ là hwatò hwa Lohwà lì hwɛ gbamù ò worzo wò eni. À mà arza lì jànà lìŋgi là arzàŋganɛ là hwatò nà mɔ̀, è rzìi hwɛ tɔ̀ lìtɔ̀tì là mbindo, tɔ̀ etɛndɛ, tɔ̀ è hvɛhvɛ eyà yà wòhwe ò lì hwɛ ò nyo ja awu. Ndi hwa rzàŋga ndèŋgàna hwa rza hwɛnɛ tɔ̀ eyà yà wòhwe ò inyo ja awu.

Ɛ̀hvìrzìyà 5:27 Referans Kwoze

Kòlòrzìyà 1:22

Ndi ò naŋgɛ, Lohwɛ̀ à mà gbeyà nanù ema inyɔ è mò tìmbeyà ò lì akeyà nà è kpelì yà ama è ŋmanà wà eni Krirztò ò mbàrza ema à mà ohva è nyo yà mòtò wà hwènàmà. Lohwɛ̀ à mà gbeyà ndi nanù aŋga nanù inyɔ è hwɛ ò èki ema mɔ̀ à hwèlì, inyɛ inyɔ è hwɛ hwatò ema hwa rzàŋgi, è rza àŋgàmɛ̀nɛ̀ lì hwɛnɛ tɔ̀ lìtɔ̀ti tɔ̀ lɔ̀kɔ là wòhwe ò nyo yà anyu, inyɛ hwa rza è lɛ̀mbɛ nà tɔ̀ lìtònà tɔ̀ lɔ̀kɔ.

Hibrù 9:14

È hwèlì tɛ ema màyija ma hwèembè ma tanɛ ma hwɛnɛ màyìmbì ma lì rzàŋgirzɛ hwatò, nanù oma màyija ma ama Yerzù ma hwɛni màyìmbì rzayi-rzayi o lì rzàŋgirzɛ hwatò. Krirztò ema a rza ohvɛ tɔ̀ wòhwe tɔ̀ wɔ̀kɔ à mà aŋgbɛ mɔ̀ ŋmìti nàa jàhwèyà o lì jo kɔ̀tɔ̀ irzɔ hwa arzɛ. A ma gbeyà ndi ene eyà nanù o lì akeyà na èlìŋgɛ̀ yà wòtani ema e hwɛ natɛ̀ɛ na o gbìndèyà. Màyìjà ma eni mɔ̀ ndi ma jo rzàŋgirzɛyi mèèmà me arzu, ema i rza gbeyà hweyà hwe wòhwe ema hwe jo jàneyà e kpelì. Ndi e àŋgàmɛ̀nɛ̀yi lì gbèeyà Lòohwà la lòŋgɛ.

1 Pètrò 1:19

Ndi inyɔ e ma kɔ̀tɔ̀wɔ̀ ndi na màyija ma wòlìtò ma ama Krirztò, mɔ̀ ema à mà hwɛ ndi nàa ŋguma mɔ̀lɛ̀ŋgù ema mo rzi hwɛnɛ tɔ̀ lìtònà tɔ lɔ̀kɔ ò nyo ya eni.

Ɛ̀hvìrzìyà 1:4

Ndèŋgànà Lohwɛ̀ à è wèka è rze, à mà màà lì jò hvɔ̀rzɔ̀ ò lì hwɛ hwatò wà eni mòndèŋge nà Yerzù Krirztò. À gbèyi ndi nanù, aŋga nanù irzɔ ì hwɛ wòtani ema ì rza ohva màtònà ò worzò wò ama Lohwɛ̀. Nà oma Lohwɛ̀ à jò lìŋgàni,

2 Kɔ̀rintìyà 11:2

Nà e nonelì e ŋgàna ema Lohwɛ̀ a e nonelì. Inyɔ e gbèyi ndi nàa mɔ̀ɔmbɔ̀ mo ŋgɔndɔ. Moŋgo mɔ̀ɔmbɔ̀ mo ŋgɔndɔ, mɔ̀ ndi nà mà ohwe nanù ema mòtò mɔ̀kɔ a o hwaa, ndèŋgànɛlɛ oŋgo mòtò a hwèlì ndi Yerzù Krirztò.

Kòlòrzìyà 1:28

Ɔndèŋgàtɛ̀ irzɔ jò òhweyà hwatò lì hvomɛ̀nɛ̀ Krirztò tɔ̀ ima èki ema jè ɛndɛ. I hwa kòkòwɛ̀lɛ̀, nà lì hwa okòlɛ nà lìhwiyè là arzɛ ema Lohwɛ̀ à mà jò ŋgbɛ. Irzɔ i gbeyà ndi nanù ehwànja ja arza ndi nanù ema wɔ̀ hwa èmàyɛ̀lɛ̀ ò worzo wò ama Lohwɛ̀ nàa hwatò ema màtàŋga mà awu ma mà màa lì imbami ò tenì yà lì lòkɛ̀.

2 Kɔ̀rintìyà 4:14

Irzɔ i hwi nanù ema Lohwɛ̀ ema mo ndi à mà hvùmùlɛ̀ Rzàŋgo Yerzù, a o jo hvùmùlɛ̀ irzɔhvɛ, o lì hwɛ o lòŋgɛ na Yerzù. Ndèŋgana, Lohwɛ̀ a o jo jànà irzɔ na inyɔ o èki ema a hwèlì.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.

2 Pètrò 3:14

O eŋgànɛlɛ imbùnda ja ami kòkò, na oma ya ambɛlɛlɛ woŋgo wùnyà, e gbeye gbamù wo anyu o lì hwɛ Wòrzàŋgì ema e rza ohva njɔ̀mi o worzo wa ama Lohwɛ̀. Nà o lì hwɛ hvɛ o ɛ̀yɔ̀lɛ̀ na mɔ̀.

Judɛ 1:21

È ɛ̀ndɛ̀nɛ̀ ndi lòŋgɛ là anyu ò worzo nyayi ema inyɔ e ayèmbɛ nanù ema Lohwɛ̀ a e lìŋgàni. È hwɛ ndi o lì ambɛ̀lɛ̀, ndeŋgànɛlɛ e àhvìtɛ̀ nanù ema e Rzàŋgo ya arzu Yerzù Krirztò e o jà, ndèŋgànɛlɛ mɔ̀ à o gbeyàna ŋmèma mo eni mo ììlì, inyɔ e o luwa lòŋgɛ la gbìndèyà. Mɔ̀ a o gbeyà ndi nanù ehwànja a e lìŋgàni.

1 Tɛ̀rzàlonìyà 5:23

Inyɛ̀ Lohwɛ̀ mɔ̀ ŋmìti ema a jo ŋgba ɛ̀yɔ̀lɛ̀ inyɛ a gbeeye inyɔ e hwɛ wòtani o hweyà hwe arzɛ. Inyɛ̀ e tɛ̀yirzɛ èlìŋgɛ̀ na inyɔ hwa arzɛ gbamù, ndèŋgànɛ̀lɛ̀ e rzi hwɛnɛ tɔ̀ lìtɔ̀tì tɔ̀ lɔ̀kɔ la màatò ma wòhwe o nyo ya anyu natɛ̀ɛ na e hvonda ema e Rzàŋgo ya arzu Yerzù Krirztò a o jɛ̀ɛ̀.

Hwèwulùwèlì 14:4

Hwanu hwatò hwà mà hwɛ ndi hwatò ema hwa rza atukɛ e mbìndo ya hwalana, ehwànja hwa rzi hwi morzombo mo molàna. Hwàŋga hwatò ndi hwa oŋgamà e Ŋguma ya Mɔ̀lɛ̀ŋgù tɔ̀ ima èki ema e Ŋguma ya Mɔ̀lɛ̀ŋgù e ɛ̀ndɛ. Hwanu hwatò ndi hwa o kɔ̀tɔ̀wɔ̀ o ìtììtènì ja hwatò hwa hwènàmà. Ndeŋgànɛ̀lɛ̀ wɔ̀ ndi hwa hwèlì nàa e mbota ya worzo ema e ŋgbàahwì Lohwɛ̀ na e Ŋgùma ya mɔ̀lɛ̀ŋgù nàa làhweyà.