Ɛ̀hvìrzìyà 3:2 - Mokpwe: Bakwery (New Testament)

² Nà hwi nanù ema è hwi nanù ema Lohwɛ̀ à mà nò hvɔ̀rzɔ̀ ò lì è ohweyà Ŋmɛ̀ndì mò Gbamù lì hvomɛ̀nɛ̀ è ndèli yà eni.

Ɛ̀hvìrzìyà 3:2 Referans Kwoze

1 Tìmotì 1:11

Hwene hwèyòkòlèlì hwe jɔ̀kɛ̀, hwe làti na ŋmɛ̀ndì mò gbamù ema Lohwɛ̀ a no ŋgbelì o lì ohweyà hwatò. Moŋgo ŋmɛ̀ndì mò gbamù mo uwɛ̀lɛ̀lɛ̀yi ndi o ma Lohwɛ̀ ema lì karzami ema hwatò hwa eka.

2 Tìmotì 1:11

Lohwɛ̀ à mà nò hvɔ̀rzɔ̀ ò lì hwɛ è àpɔ̀rzìtòlò nà è Mòòkòlèlì ò lì ohwa Ŋmɛ̀ndì mò Gbamù.

Ròmànì 1:5

O lì akeyà nà lìinà là eni ɔ̀ndeŋgàtɛ̀ Lohwɛ̀ à nò ŋgbelì è ndèli yà eni ema nà hwɛ è àpɔ̀rzìtòlò, aŋga nanù hwatò ema hwa rza enje wònyà Yudà hwa ò lòkɛ̀ nà lì hweyàna Krirztò. Ène è gbeyà lìinà là eni lì hwɛnɛ èluhwe.

Ɛ̀hvìrzìyà 4:7

Krirztò à jò ŋgbèlì irzɔ hwa arzɛ màhwèyà mà towotowo, ò lìmɛ̀nì nà oma mɔ̀ à lìŋgàni. Ndi lìŋgi jàhwèyà lì rza enje ndi nyàyi hvɔ̀kɔ.

1 Kɔ̀rintìyà 4:1

È aŋgàmɛ̀nɛ̀yi lì jo lùtèyà nàa hwàgbèèlì hwa ama Krirztò, ema Mɔ̀ a ikayi o lì telɛlɛ hwatò e wùndɛ̀ ya ama Lohwɛ̀ ya jɔ̀kɛ̀ ema e utami.

Ɛ̀hvìrzìyà 1:10

Lohwɛ̀ à mà tɛ̀yirzɛ̀ nanù ema à ò gbeyà hwene hweyà hwe arzɛ ò è hvonda yà jɔ̀kɛ̀. Ò eŋge hvonda à ò rzàŋga hwèèmà hwe arzɛ ema hwe hwèlì ò ŋmanyu yà lohwà nà ò rze yà mɔ̀nyɛ̀ rzìi hwe hwɛ ò rze yà ama Yerzù Krirztò ema mɔ̀ ndi à hwèlì mòòhvò.

Gàletìyà 1:13

È mà hweyà nɛ lòŋgɛ là ami lì mà lome lì hwɛ è hvonda ema na mà nɔ̀ŋgɔ ɛ̀ɛ̀mɛ̀ ya wònyà Yudà. È ma hweyà nanù ema imba nà mà hwɛ lì tàkìrzɛ̀ hwatò hwa ama Krirztò na ekɔɔni ya ami ya arzɛ. Nà ma arza lì hwa kulɛ hwa arzɛ.

Hwègbèèlì 22:21

Rzàŋgò Yerzù rzìi à nò òhweyà nanù ema, ‘Ɛ̀ndɛ, ehwànja nà hwɛni lì ò òma hvòò ò hwaŋga hwatò ema hwa rza enje wònyà Yudà.’”

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 13:2

Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

1 Tìmotì 2:7

Ène eyà ndi e ma gbèeyà Krirztò o lì no òma nàa àpɔ̀rzìtòlò o lì ɛndɛ lì ohwa ŋmɛ̀ndì mò gbamù lì hvomɛ̀nɛ̀ o lì lòkɛ̀ Krirztò na e jɔ̀kɛ̀ o hwatò ema hwa rza enje wònyà Yudà. Mamɛ ema na ohwa e hwèlì ndi e jɔ̀kɛ̀ na rza kɔ tɔ̀ eyà.

1 Tìmotì 1:4

È rzìi emeyà hwaŋga hwatò ò lì ohwa mɛɛndi ema me rza enje jɔ̀kɛ̀ na mɛɛndì ema me ohwa hweyà lì hvomɛ̀nɛ̀ imbamba ja awu ema mòtò a rza tanɛ lì aŋga mɔ̀rzɔ̀ŋgi. Hwa okolɛ tɛ iŋgi nyayi ja mɛɛndì, me jànà hvenda, me rza oŋgowàna hwatò ò lì lìya lòŋgɛ ema e uŋmɛ̀lɛ̀ nanù ema hwa lòkɛ̀ Lohwɛ̀.

Kòlòrzìyà 1:6

Mono ŋmɛ̀ndì mò gbamù ema mò jànà mònàmɛ̀ mò ama Lohwɛ̀, mò hwèlì mò ohwahwɛlɛ nà lì nyàla ò è rze ya arzɛ. Wùùnyà wò worzo ema è mà mò hwèye, inyɔ è mà rzɔ̀ŋgìtɛ̀nɛ̀ nanù ema Lohwɛ̀ à hwɛ̀nèlì hwatò hwa wòhwe ŋmèma mo gbamù.

Kòlòrzìyà 1:4

Irzɔ jè èka Lohwɛ̀ ehwànja, irzɔ i mà hweyà lì hvomɛ̀nɛ̀ lìlòkɛ̀ là anyu là ama Yerzù Krirztò. Nà è ndìŋgɛ yà anyu ema è hwɛ̀nèlì hwatò hwa arzɛ hwa ama Lohwɛ̀.

Ɛ̀hvìrzìyà 4:21

Nà hwi nanù ema e ma hweya hweyà hwe jɔ̀kɛ̀ lì hvomɛ̀nɛ̀ Krirztò. Nà oma e ma hwɛ mòtò mɔ̀kɔ na mɔ̀, hwà mà e ohweyà hweyà o lì mo hvomɛ̀nɛ̀.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

Ròmànì 12:3

O e ndèli ya ama Lohwɛ̀ a nò ŋgbelì, na òhweyà tɔ̀ ima mɔ̀kɔ wa anyu nanù ema, tɔ̀ mòtò a rza àŋgàmɛ̀nɛ̀ lì awòwɛ̀ mɔ̀ ŋmìti lì aka mamɛ ema mɔ̀ à hwèlì. Ndi ò arzihwirzɛ ò màlùtèyà ma aŋgɔ̀. Ndeŋgànɛ̀lɛ̀ hvɛ ò àkàyìrzɛ̀ ò wà witi ò lìmɛni la lìlòkɛ̀ ema Lohwɛ̀ à mà màa lì ò ŋgbà.

Ròmànì 11:13

Inyɔ hwatò ema e rza enje wònyà Yudà, inyɔ ndi na òhwìrzɛ̀nɛ̀ naŋgɛ. Imba na hwèlì ndi àpɔ̀rzìtòlò ya hwatò ema hwa rza enje wònyà Yuda, na ŋgbelì èwòlò ya ami èluhwe ya arzɛ.

Ɛ̀hvìrzìyà 3:7

Ŋmɛ̀ndì mò Gbamù mono ema nà ohwa nanù. Lohwɛ̀ à mà gbeyàna è ndèli yà eni ò lì nò ŋgba ene èwòlò. Ndeŋga nà gbèeyà ene èwòlò lì akeyà nà è ŋginyà yà eni.

Ɛ̀hvìrzìyà 3:9

Lohwɛ̀ à mà nò gbèeyà ò lì tɛ̀lɛ̀lɛ̀ hwatò hwa arzɛ nɛ̀ mɔ̀ à tɛ̀yirzɛlɛlɛyi hweyà hwe eni natɛ̀ɛ nà ò lìrzùkù, ema nàtɛ̀ɛ nà tɔ̀ nàŋgɛ tɔ̀ mòtò à rza hwe rzɔ̀ŋgìtɛ̀nɛ̀. Lohwɛ̀ ema à wèki hweyà hwe arzɛ à rzi uŋmɛ̀lɛ̀ tɔ̀ mòtò hwene hwètɛ̀yirzèlèlì ò hvonda ema è mà aka.