Ɛ̀hvìrzìyà 3:10 - Mokpwe: Bakwery (New Testament)

¹⁰ Lohwɛ̀ à mà gbeyà ndi nanù, aŋga nanù hwàkànèlì nà iŋginyà jà è ŋmanyu yà lohwà hwa ɛnɛ nà oma mɔ̀ à ohvi lìhwiyè ò hweyà hwe arzɛ ema mɔ̀ à gbeyà naŋgɛ ò lì akeyà nà lì arzàŋganɛ là hwatò hwa Lohwà.

Ɛ̀hvìrzìyà 3:10 Referans Kwoze

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.

Ɛ̀hvìrzìyà 6:12

È njuma ema jà ana è rza enje ndi yà hwatò hwa hwènàmà. Ndi irzɔ jà ànànà ndi lì teŋgɛ̀nɛ̀ iŋginyà ja wòhwe, hwàtìmbèlì hwa awu ema hwa kànèyà e rze ya jìtìtì na iŋginyà ja wòhwe ema i hwèlì o lìwòhwɛ̀ la ŋmanyu.

1 Kɔ̀rintìyà 2:7

Lìhwiye ema i gbeyàna, lì hwèlì ndi lìhwiyè ema Lohwɛ̀ a jo ŋgbelì. Lìhwiye ema lì ma ùtàhwa natɛ̀ɛ na ò hwèwòtelì, o lìhwiyè la arzu ema Lohwɛ̀ à mà tɛ̀yirzɛ ndèŋgàna hwewòtelì hwe rze.

Ròmànì 11:33

È ɔŋgɔ̀ tɛ mònàmɛ̀ mò ndɛnɛ mò ama Lohwɛ̀! È ɔŋgɔ̀ tɛ nɛ mɔ̀ à hwi hweyà hwe arzɛ, ndèŋgànà a òhvi lìhwiyè lì ndɛnɛ. Tɔ̀ mòtò a rza tanɛyi lì rzɔ̀ŋgìtɛ̀nɛ̀ nɛ Lohwɛ̀ a gbèeyà hweyà.

Ɛ̀hvìrzìyà 1:21

Krirztò à hwèlì aŋga, à kànèyà iŋginyà ja arzɛ nà hwàkànèlì hwa arzɛ. Lìinà là eni lì hwɛni ŋginyà lì aka mìinà mà hwàkànèlì hwa arzɛ ema hwa hwèlì ò naŋgɛ nà ò è hvonda ema è ò jɛ̀ɛ̀.

Ɛ̀hvìrzìyà 1:3

Inyɛ̀ je eke Lohwɛ̀. Mɔ̀ ndi à hwèlì Lòohwà la ama Rzàŋgo wa arzu Yerzù Krirztò na Tatɛ̀ ya eni. Lohwɛ̀ ndi à hwèlì e mɔ̀ ema à mà jo nàmìrzɛ̀ na menàmirzelì me arzɛ ema me uwɛ̀lɛ̀lɛ̀yi o ŋmanyu yà lohwà. A gbèyi ndi nanù èhwanja irzɔ ima hwɛ ndi mɔ̀kɔ na Krirztò.

1 Kɔ̀rintìyà 1:24

Ndi Lohwɛ̀ à hwɛlɛyi hwatò ò lì rzuŋgahwa. Lòŋgò là awu hwa hwèlì ndi wònyà Yudà hwanɛyi hvɛ hwatò hwa Grìki. Ò hwanù hwatò monò ŋmɛ̀ndì ema ì ohwa mò hwèlì ndi Krirztò, Mɔ̀ ndi à hwèlì è ŋginyà yà ama Lohwɛ̀ nà lìhwiyè là ama Lohwɛ̀.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.

Kòlòrzìyà 1:16

È hwèlì ndi nanù ehwànja ò lì akeyà na Krirztò ɔndi Lohwɛ̀ à mà wèke hwèèmà hwe arzɛ ema hwe hwèlì ò ŋmanyu yà lohwà nà è rze yà mɔ̀nyɛ̀. Mɔ̀ à mà wèka hwèèmà ema hwatò hwa mà ɛnɛ nà è hwèyɔ̀ ema hwa rza ɛnɛ nà mììrzɔ̀ mà awu. Mɔ̀ ndi à wèkì hwàkànèlì, nà ìŋginyà jà arzɛ. Ò lì akeyà nà Krirztò, Lohwɛ̀ à mà wèkà hwèèmà hwe arzɛ, ndèŋgàna ò mɔ̀ ndeŋgatɛ Lohwɛ̀ à mà wèkà hweŋge hwèèmà hwe arzɛ.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Ɛ̀hvìrzìyà 1:8

A jo ŋgbelì ene ndèli ya arzɛ, rzìi a jo ŋgbelì hvɛ lìhwiyè rzayi-rzayi na lì jo gbèeyà o lì rzɔ̀ŋgìtɛ̀nɛ̀ hweyà rzayi-rzayi.

Ròmànì 8:38

Imba nà hwi kɔ̀yi-kɔ̀yi nanù ema ò rza enje tɔ̀ yòma ema è tànɛyi lì jò kakòhwà nà è ndìŋgɛ ema Krirztò à jò hwɛ̀nèlì. Ŋga kpelì, ŋga lòŋgɛ. Ŋga i aŋgèlì, ŋga hwàkànèlì, nà iŋginyà ema i hwèlì ò ŋmanyu yà lohwà. Ŋga ò ene hvònda ema i hwèlì naŋgɛ, ŋga ò è hvònda ema è ò jɛ̀ɛ̀ e?

Ɛ̀hvìrzìyà 1:23

Lì arzàŋganɛ la hwatò hwa Lohwɛ̀ lì hwèlì ndi è nyo yà ama Krirztò. Liŋgi lì arzàŋganɛ là hwatò hwa Lohwɛ̀ ndi lì hwèlì lì ondìrzɛ̀ la ama Krirztò ndeŋga Krirztò à ondìrzɛ̀ hweyà hwe arzɛ ò tɔ̀ ima èki ema hwe hwèlì.

Kòlòrzìyà 2:10

Ò eŋgànɛlɛ rzɔ, è ohvi lòŋgɛ ema lì ondi, ehwànja è hwèlì mòtò mɔ̀kɔ nà Krirztò. Ndeŋgànɛlɛ mɔ̀ ndi à hwèlì è mɔ̀ ema à kànèyà iŋginyà nà màkànèyà mà arzɛ.

Kòlòrzìyà 2:15

Lohwɛ̀ à mà aka iŋginyà nà hwàkànèlì hwa ene rze. Nà oma à mà wà aka ò tenì è mà ɛnɛhwɛ nà tɔ̀ ima mòtò nà oma Krirztò à mà ŋwe ò mbàrza.