Ɛ̀hvìrzìyà 2:8 - Mokpwe: Bakwery (New Testament)

⁸ È ndèli ya ama Lohwɛ̀ yɔ ndi ye e rzuŋgi, èhwanja e lòkɛ̀ Krirztò ɔ̀ndeŋgàtɛ̀ e lu lìŋgi lì oŋgirzɛ. Rzeketɛ hweyà ema e gbèeyà ndi hwe gbèyi e lu lì oŋgirzɛ. Li oŋgirzɛ ema e lu, lì hwèlì ndi jàhwèyà ja ama Lohwɛ̀.

Ɛ̀hvìrzìyà 2:8 Referans Kwoze

Ɛ̀hvìrzìyà 2:5

mɔ̀ à mà jò gbeyà o lì hwɛ lòŋgɛ na oma i hwèlì na Krirztò, tɔ̀ nɛ i ma hwɛ ndi nàa hwatò ema hwà mà ŋwɛ èhwanja i rzi hwɛ lì gbeyà hweyà ema Lohwɛ̀ à mà ohwe nanù ema e gbeye. O lì akeyà na e ndèli ya àma Lohwɛ̀ ɔ̀ndeŋgàtɛ̀ i rzuŋgàhwì.

Ròmànì 4:16

Ɔ̀ndeŋgàtɛ̀ Lohwɛ̀ a òhweyà ndi hwaŋga hwatò ema hwa mò lòkɛ̀yi nanù ema a gbeyà eyà ema a kàkɛ̀nɛ̀ nanù ema a gbeyà. Mɔ̀ a gbèyi ndi nanù aŋga nanù e ɛnɛhwɛ nanù ema e ndèli ya eni yɔ ndi e ma gbeyà mɔ̀ à mà òhweyà e nyɔ̀ŋgɔ̀nì ya ama Abràhamù ŋgèlì hvɔ̀kɔ ò i ŋgelì ja arzɛ nanù ema mɔ̀ à hwa gbèeyà eyà ema à mà òhwe nanù ema a gbeyà. Rzeketɛ hwatò ema hwa ika eŋge mbenda mɛnɛ ndi mɔ̀ à mà ŋgbe lìŋgi lì kàkɛ̀nɛ̀. A ma ŋgba hvɛ hwatò hwa arzɛ ema hwà mà lòkɛ̀ Lohwɛ̀ na òma Abràhamù à mà mò lòkɛ̀. Abràhamù ndi à hwèlì e tatɛ̀ ya irzɔ hwa arzɛ.

Ròmànì 10:17

O èŋgànɛ̀lɛ̀ rzɔ lì lòkɛ̀ lì jà ndi, ema mòtò a òkanelì tɛ ŋmɛ̀ndì, ndeŋgànɛ̀lɛ̀ hwatò hwa àŋgàmɛ̀nɛyi lì òhwa ŋmɛ̀ndì mò ama Krirztò aŋga nanù òma hwatò hwà mà mò lòkɛ̀.

Hwègbèèlì 16:31

Wɔ̀ hwà mà mò alàhwɛ̀ nanù ema, “O lòkɛ̀ Rzàŋgò Yerzù, aŋga nanù Lohwɛ̀ a ò rzùŋgà. A ò rzùŋgà na lìtumba la aŋgɔ.”

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 4:10

Yerzù rzìi a mò alàhwɛ̀ nanù ema, “O hwìiyàyì tɛ jàhwèyà ja ama Lohwɛ̀, rzìi ò hwiya hvɛ njɛnɛ ema a òhweyà à mà ò nò ŋgbe malìhwà mà lì nyɔ, ò ma ò wa ò nò ijò malìhwa. Ndèŋgàna ò ma imba na ò ŋgbèelì malìhwa ema mà ŋgba lòŋgɛ.”

Lukàrzɛ̀ 7:50

Yerzù rzìi à òhweyà òŋgò mòlanà nanù ema, “Lìlòkɛ̀ lì aŋgɔ̀, lì ò òŋgirzɛyi. O ɛ̀ndɛ nà ɛ̀yɔ̀lɛ̀.”

Makòrzì 16:16

Tɔ̀ ima mòtò ema à lòkɛ̀yi rzìi a lùhwìrzɛ̀hwɛ̀ à ò kɔtɔ̀wɔ. Ndì tɔ̀ ima mòtò ema a rza lòkɛ̀ a ò kɔkìrzɛhwɛ̀.

Yòwanìrzɛ̀ 3:36

Tɔ̀ ima mɔ̀ ema a lòkɛ̀yì òŋgò Ŋmanà wa eni a hwɛnɛ lòŋgɛ la gbìndèyà, ndi tɔ̀ ima mɔ̀ ema a rza gbeyà na òma Mɔ̀ a òhwi, a rza luwa lòŋgɛ la gbìndèyà, a ò timba ndi lì luwa hvɛ e kɔ̀kìrzɛ̀ ya ama Lohwɛ̀.

Ròmànì 4:5

Ndi mòtò à rza gbèyi tɛ èwòlò ndi à ika ŋmèma mò eni nanù ema nà òma mɔ̀ à lòkɛ̀ Lohwɛ̀ eŋge è mò gbeyà ema à tɛ̀mɛ̀ ehve-ehve ò wòrzò wò ama Lohwɛ̀, rzìi Lohwɛ̀ ema à gbeyà hwatò ema hwa gbeyà wòhwe hwa tɛ̀mɛ̀ ehve-ehve ò wòrzò wò eni, mɔ̀ à mò wòwa nàa mòtò ema à tɛmì ehve-ehve èhwanja à mò lòkɛ̀yi.

Ɛ̀hvìrzìyà 2:10

Lohwɛ̀ à mà jo wèka o lì hwɛ mamɛ ema i hwèlì naŋgɛ. Nà oma i hwèlì mɔ̀kɔ na Yerzù Krirztò, mɔ̀ à jo ŋgbelì lòŋgɛ aŋga nanù, i gbeyà hwèwòlò hwe gbamù nanù ndi Lohwɛ̀ à mà tɛ̀yirzɛ natɛ̀ɛ na e hvonda ya koohwa ema i luwa ene tumba ɛ̀ɛ̀mɛ̀ o lòŋgɛ.

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Hwègbèèlì 13:39

Ndeŋgànɛ̀lɛ̀ inyɔ e hwiye nanù ema, tɔ̀ ima mòtò ema a mò lòkɛ̀yi Lohwɛ̀ a mò emeyà ò wòrzò wò eni nàa mòtò ema a hwèlì ehve-ehve. Imbenda ja ama Mòrzè i rzi tanɛyi lì mò gbeyà nanù ema Lohwɛ̀ a mò emeyà.

Gàletìyà 3:14

Krirztò à mà gbeyà ndi nanù ò lì arza nanù ema mònàmɛ̀ ema Lohwɛ̀ à mà kàkɛ̀nɛ̀ Abràhamù mò ŋgbahwe hvɛ hwaŋga ema hwa rza enje wònyà Yudà. Èŋge è ma gbeyà ema lìlòkɛ̀ ema ì mò lòkɛ̀ lì mà gbeyà ema irzɔhvɛ ì lùwe Èlìŋgɛ̀ yà Wòtani ema à mà kàkɛ̀nɛ̀ nanù ema à jò ŋgba.

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Yòwanìrzɛ̀ 6:35

Yerzù rzìi à hwa alàhwɛ̀ nanù ema, “Imba ndi nà hwèlì èhvòòtò ema è ŋgba lòŋgɛ là gbìndèyà.” Tɔ̀ njɛnɛ ema à nò jɛ̀lɛ̀lɛ̀yi à rza ò hwèya njàwò hvɛ. Tɔ̀ njɛnɛ ema à nò lòkɛ̀yì à rza òhva nyìrzɛ̀ hvɛ.

Ɛ̀hvìrzìyà 1:19

Nà kanɛ̀ hvɛ nanù ema, è hwiya è ŋginyà yà eni ndɛnɛ ema è olò lì aka hweyà hwe arzɛ, ndèŋgànà eŋge ŋginyà ndi è jò oŋgòhwànà irzɔ ema ì mò lòkɛ̀yì. Ène ŋginyà ndɛnɛ,

Hwègbèèlì 14:27

Nà òma wɔ̀ hwà mà uke ò mbòwa ndɛnɛ ya Antìyɔ̀kì, wɔ̀ hwà mà rzaŋga hwatò hwa ŋmèmba èki yɔ̀kɔ rzìi hwà hwa òhweyà mamɛ ya arzɛ ema Lohwɛ̀ à mà gbèyɛ lì akeyà na wɔ̀. Wɔ hwà mà hwa òhweyà nɛ Lohwɛ̀ à mà lìhvòweya e njiya ò hwatò ema hwa rza enje wònyà Yudà, ò lì lòkɛ̀ Yerzù.

Yòwanìrzɛ̀ 6:65

Yerzù rzìi a hwa òhweyà nanù ema, “Nànù ndeŋgatɛ nà mà òhwa nanù ema tɔ̀ mòtò a rza tànɛyi lì nò jèeya natɛ̀ɛ Tatɛ̀ wa ami a mò gbeyà ema a nò jèeya.”

Kòlòrzìyà 2:12

È hvonda ema è mà lùhwìrzɛ̀hwɛ̀, è mà hwɛ ndi nàa è mà ŋwa, hwa imeya, rzìi Lohwɛ̀ à è hvùmùlɛ̀ nà Krirztò. Ène eyà è mà è gbèyɛ̀nɛ nanù ehwànja è mà lòkɛ̀ nanù ema, è ŋginyà yà ama Lohwɛ̀ ema è mà hvùmùlɛ̀ Krirztò è ò è hvùmùlɛ̀ inyɔ hvɛ.

Yòwanìrzɛ̀ 6:44

Ndi tɔ̀ mɔ̀kɔ a rza tànɛyi lì nò jèeyà e rza enje tɛ nanù ema, Tatɛ̀ ema a nò òmi mɔ̀ ndi à nò jàneyà e mɔ̀. Ndèŋgànɛ̀lɛ̀, imba na mò hvùmùlɛ̀ ò wùnyà wò lìrzukù.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

Hvìlipìyà 1:29

Lohwɛ̀ a gbeyànì ŋmèma mo eni mo gbamù nanù ema inyɔ e gbèeyà Krirztò, rzeketɛ o lì lòkɛ̀ Krirztò mɛnɛ, ndi o lì tàkirzɛhwɛ o nyòla ama Krirztò.

Ròmànì 10:14

Nɛ rzɔ wɔ̀ hwa tànɛyi lì mò hwɛlɛ nanù ema a hwa òŋgòwane, e hwèlì tɛ nanù ema wɔ̀ hwa rzi mò lòkɛ̀ e? Ndèŋgàna nɛ wɔ̀ hwa tànɛyi lì mò lòkɛ̀ e hwèlì tɛ nanù ema wɔ̀ hwa rzi òkanelì ŋmɛ̀ndì mò eni e? Ndeŋgànɛ̀lɛ̀ nɛ wɔ̀ hwa tànɛyi lì hweyà e hwèlì tɛ nanù ema tɔ̀ mòtò a rza hwa òhwèlì lì hvòmɛ̀nɛ̀ mònò ŋmɛ̀ndì e?

Matiyò 16:17

Yerzù rzìi a mò alàhwɛ̀ nanù ema, “Mònàmɛ̀ nà ò wa Rzìmɔ̀nì è ŋmanà wà ama Jona. Rzeketɛ è mòtò wa hwènàmà ndi à òhwèlì ene eyà, ndi Tatɛ̀ wa ami ema a hwèlì ò ŋmanyu yà lohwà mɔ̀ ndi à gbèyi ema òhwe nanù.

Hwègbèèlì 16:14

O ìtììtènì ja hwaŋga hwalanà ò ma hwɛ mɔ̀kɔ wa awu ema à mà hwɛ̀lɛ̀hwɛ̀ Lideya ema à mà uwɛ̀lɛ̀lɛ̀yi ò mbòwà ndɛnɛ ya Tìyatìrà. A ma hwɛ ndi mòlanà wa nyòŋga ema à mà hwɛ lì àhwirzɛ̀ hwerzanja hwe teyaa ema hwe ma òhva mòrzurzuhwelì mò karzami. Oŋgò mòlàna à mà hwɛ lì gbèeyà Lohwɛ̀. Rzàŋgò à ma mò lìhvòhwa ŋmèma mò eni ò lì òkànèyà mamɛ ema Pàwolò à mà hwɛ lì òhwa.

2 Tɛ̀rzàlonìyà 1:9

Rzàŋgo Yerzù à ò hwa kɔ̀kìrzɛ̀ nà mètàkà mè gbìndèyà. Wɔ̀ hwa rza ò hwɛ èki ema Rzàŋgo à hwèlì, ndèŋgànɛlɛ wɔ̀ hwa rza ò ɛnɛ hwèyòlòwèlì hwe ŋmàye mò eni.

Hwègbèèlì 15:11

Jàyɛ̀! Irzɔ i lòkɛ̀ ndèŋgànɛ̀lɛ̀ i rzùŋgàhwi lì akeyà na e ndèli ya ama e Rzàŋgò ya arzu Yerzù nyayi hvɔ̀kɔ na òma wɔ̀ hvɛ hwa rzùŋgàhwi.”

Ròmànì 9:16

O eŋgànɛ̀lɛ̀ rzɔ, mamɛ ema Lohwɛ̀ a hvɔ̀rzì e rza hwɛni tɔ̀ eyà ò lì gbeyà na eyà ema hwatò hwa arza nanù ema e gbèyɛ̀nɛ tɔ̀ mamɛ ema hwa gbeyà. Lohwɛ̀ ndi à gbeyàna ŋmèma mò eni mò gbamù ò lì gbeyà tɔ̀ mamɛ ema mɔ̀ à arza lì gbeyà.

Hibrù 6:4

Nà ohwa ndi nanù ehwànja hwatò hwa rzɔnjɛ̀lɛ̀ tɛ lìlòkɛ̀ la awu, tɔ̀ mòtò a rza tanɛyi o lì hwa tìmbìrzɛ hvɛ o lì hwɛmɛ wòhwe wò awu o lì timbeya Lohwɛ̀. Nà ohwa ndi hwatò ema hwà mà luwɛ ŋmàye, hwa kèkìrzɛ mònàmɛ̀ mo ama Lohwɛ̀, ndèŋgànɛ̀lɛ̀ hwà mà luwa èlìŋgɛ̀ yà wòtani nàa hwahvɛhvɛ hwatò.

Matiyò 20:9

Hwàŋga hwàgbèèlì ema hwà mà akahwa ò èwòlò eyà ya ŋgɛŋgi ita, wɔ̀ hvɛ hwà mà rzawahwɛlɛ mòtò tɛ wòlì wɔ̀ wùnyà wɔ̀kɔ.