Ɛ̀hvìrzìyà 2:3 - Mokpwe: Bakwery (New Testament)

³ Irzɔ hwa arzɛ hvɛ i mà hwɛ ndi nàa wɔ̀. I mà hwɛ hvɛ ndi lì gbeyà hweyà o lì òkìrzɛ̀ e nyàma nyo mɔ̀nyɛ̀ŋgì. I ma hwɛ lì gbeyà hweyà hwe wòhwe na oma inyo ja arzu i ma arze nà e hweyɔ hvɛ ema màlùtèyà ma arzu ma mà arze. Wono wòhwe ema i ma hwɛ lì gbeyà, wo ma hwɛnɛ lì gbeyà Lohwɛ̀ o lì jo kɔ̀kìrzɛ̀ molemilemi na oma a kɔ̀kìrzɛ̀ hwatò hwa arzɛ.

Ɛ̀hvìrzìyà 2:3 Referans Kwoze

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

1 Pètrò 1:14

Nà oma e hwèlì ndi hwatò ema hwa gbeyà mamɛ ema Lohwɛ̀ arza, e rzi keka lì emeyà nanù ema hweyà hwe wòhwe ema e ma hwɛ lì gbeyà o e hvonda ema e ma aka hwe e kànèyà mòŋgɛ ma anyu hvɛ.

Ɛ̀hvìrzìyà 4:22

Hwa mà è okolɛ̀ ò lì hwɛ̀mɛ̀ ɛ̀ɛ̀mɛ̀ yà worzo ema è mà lomè lì hwɛ̀nɛ̀. Ò eŋge hvonda mòŋgɛ mà anyu ma mà hwɛ wòhwe ehwànja è mà ohva ndi mèèmà mè lì gbèeyà hweyà hwe wòhwe mɛnɛ. Meŋge mèèmà ema è mà hwɛ̀nɛ̀ ò lì gbèeyà hweyà hwe wòhwe mè mà è eŋgìrzɛ̀.

Ròmànì 13:14

Inyɛ̀ e hwɛnɛ ɛ̀ɛ̀mɛ̀ ya ama e Rzàŋgò Yerzù Krirztò. È hwɛmɛ lì alɛ̀mbɛnɛ la anyu la hweyà hwe e nyàmà nyò. È rzi keka lì gbeyà na òma e nyàmà nyò ya anyu ema ye e kànèyà ò lì gbeyà wòhwe e arza.

Ròmànì 6:12

O èŋgànɛ̀lɛ̀ rzɔ, e rzi hwɛmɛ wòhwe wò kànèyà e nyàmà ya nyò ya anyu ema e ŋwaa. Èŋge e gbeyà nanù ema inyɔ e rza òŋgama e nyɔŋgi ya e nyàmà nyò hvɛ.

1 Yòwanìrzɛ̀ 2:16

Èhwànja hwèèmà hwe arzɛ ema hwe hwèlì o e rze ya mɔ̀nyɛ̀ hwe hwèlì ndi hweyàrzèlì hwe e nyàmà nyo, na e nyɔ̀ŋgi ya mamɛ ema mìirzɔ ma lìŋgàna lì ɛnɛ, na hweyà hwe arzɛ ema hwatò hwa ekìrzɛ̀nɛ̀ anu rze ya mɔ̀nyɛ̀, hwene hweyà hwe arzɛ, hwe rza uwɛ̀lɛ̀lɛ̀yi o ma Tatɛ̀, ndi hwe hwèlì ndi hweyà hwe e rze ya mɔ̀nyɛ̀.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

1 Kɔ̀rintìyà 4:7

Njɛnɛ mɔ̀ à ò kàrzàmìrzɛ̀hwɛ̀ lì aka hwanɛ̀ hwatò e? Mamɛ ema ò wà ò òhvi ema Lohwɛ̀ à rza ò ŋgbèlɛ ndi lì ŋgba e? Rzeke Lohwɛ̀ Mɔ̀ ndi à è ŋgbelì hwema hwe arzɛ ema e hwɛnì e?

Ròmànì 7:18

Imba na hwi nanù ema ò rza ènje tɔ̀ eyà yɔ̀kɔ ya gbamù ò tenì ya ami. Ŋmèma mò e mòtò wa hwènàmà mòŋgò ema na hwɛni. Tɔ̀ nɛ na hwɛni ŋmèma mò lì gbeyà eyà ya gbamù ndi na rza tanɛ lì e gbeyà.

Makòrzì 4:19

ndi hweyà hwe rze na è nyìrzɛ̀ ya lì hwɛnɛ̀ hwèèmà, nà è nyìrzɛ̀ ya lì arza hvɛ hwehvɛhvɛ hweyà, hwe hwa lìŋgɛ̀lɛ̀ mèèmà me awu nyàyi ema hwa rza tanɛ lì ŋya hwèhvùma.

Ròmànì 11:30

O màrzalɛ̀ inyɔ ndi e mà hwɛ̀neyà Lohwɛ̀, ndi ò nàŋgɛ nà òma wònyà Yudà hwa hwɛnelì Lohwɛ̀ màniya, e mà gbeyà nanù ema Lohwɛ̀ à è hwɛ̀neyà ììlì, ndèŋgànɛ̀lɛ̀ mɔ̀ à mà è òŋgòwànà ò lì mò hweyànà.

Ròmànì 9:22

Àŋgàmɛ̀nɛ̀ Lohwɛ̀ à mà arza ò lì uŋmɛ̀lɛ̀ hwètàtò wa eni ndèŋgànà à mà arza nanù ema hwatò hwa ɛnɛ e ŋginyà ya eni. Ndi mɔ̀ à mà àjùlɛ̀ rzayi-rzayi ndèŋgànà à mà àjùlɛ̀nɛ̀ hwatò ema hwà mà mò tàtirzɛ. Hwàŋga hwatò hwà mà aŋgàmɛ̀nɛ̀yi lì luwa e kɔ̀kìrzɛ̀.

Yòwanìrzɛ̀ 1:13

Wɔ̀ hwa rza enje ndi hwàànà hwa ama Lohwɛ̀ nàa hwatò hwa hwènàmà hwa ŋyàa hwànà. Hwa rzi hwɛ ndi hwàànà hwa ama Lohwɛ̀ nàa ò à ɛnɛ ema mòtò wà hwènàmà ndi à hwa ŋyàayi. Lohwɛ̀ mɔ̀ ŋmìti ndi à hwèlì è Tatɛ̀ yà awu.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.

2 Pètrò 2:14

Èwòlò ya awu ya arzɛ e hwèlì ndi o lì gbeyà mòrzònje na tɔ̀ ima mòlana ema hwa ɛni. È nyɔ̀ŋgi ya awu ya lì gbeyà wòhwe e rza tànɛ lì kuwa. Wɔ̀ hwa lukɛlɛ hwatò ema lìlòkɛ̀ la awu lì rza imbamɛ rzìi hwa hwà gbeyà hwa unda o wòhwe. È nyɔ̀ŋgi e hwèlì o mèèmà me awu. Hwa hwèlì ndi o rze ya mòjèmà mo ama Lohwɛ̀.

1 Tìmotì 6:9

Ndi hwatò ema hwa arza lì tuwa hwèwàŋgì hwa unda o tenì ya màkèkìrzɛ̀nɛ̀ ndèŋgàna hwa hwɛ ndi nàa hwatò ema hwa undi o ŋgùndèli. Wɔ̀ hwa arza ndi lì gbeyà hweyà rzayi-rzayi ema hwe rza lɔ̀wu na hweyà rzayi-rzayi ema hwe rza hwa lɔɔnɛ. Hwene hweyà hwe hwa gbeyà hwa taka rzayi-rzayi.

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Ròmànì 1:24

Ò èŋgànɛ̀lɛ̀, Lohwɛ̀ à mà hwa kìnyɛ̀lɛ̀ ò lì gbeyà hweyà hwe mbindò ema mèèmà mè awu mè arza, ema hwe hwa ɔ̀ndɛ̀lɛ̀lɛ̀ èluhwe yà awu.

1 Yòwanìrzɛ̀ 2:8

Ndi tɔ̀ nanù, nà è tìleyà ndi mbenda hvènya, ehwànja è jɔ̀kɛ̀ yà eŋge mbenda è ɛneyà ò lòŋgɛ là ama Krirztò, ndèŋgànɛ̀lɛ̀ lì ɛ̀neyà ò lòŋgɛ là anyu. Èhwànja jììtìtì ì hwèlì jà aka, ndèŋgànɛlɛ ŋmàye mò jɔ̀kɛ̀ mò mà wòteyà lì hvàyeyà.

Hwègbèèlì 14:16

Ò màrzàlɛ̀ Lohwɛ̀ à mà gbeyà hwatò hwa arzɛ ò lì gbeyà mamɛ ema hwa lìŋgàni.

Ròmànì 2:14

Hwatò ema hwa rza enje wònyà Yudà hwa rza òhvi e mbenda ya ama Mòrzè, ndi tɔ̀ ima hvònda hwa gbeyàna mɔ̀ŋgɛ̀lɛ̀ ma awu na òma e mbenda e arza, eŋge ŋgàna e uŋmɛ̀lɛ̀ nanù ema, tɔ̀ nɛ hwa rza òhvɛ e mbenda ndi ò mèèmà me awu, wɔ̀ hwa hwi mamɛ ema e hwèlì gbaamù na mamɛ hvɛ ema e hwèlì wòhwe.

Ròmànì 5:9

Je imanɛlɛhwɛyi na Lohwɛ̀ èhwanja màyija ema Yerzù a jò kòmelì. È hwèlì tɛ nanù ema màyija ema Yerzù a jò kòmelì mɔ̀ ndi ma jò gbèyi nanù ema Lohwɛ̀ a jò emeyà ò wòrzò wò eni. Rzeke ene e jò uŋmɛ̀lɛ̀ nanù ema Krirztò a ò jò òŋgirzɛ ò hwètàtò hwe ama Lohwɛ̀ e?

Ròmànì 5:10

È hvònda ema i ma hwɛ hwàkɔ̀ɔ̀yèlì hwa ama Lohwɛ̀, e kpelì ema e ŋmanà wa eni à mà ŋwe è mà gbeyà nanù ema jò òhvɛnɛ màrzèèlì na Lohwɛ̀. Nà òma i ma ukɛ màrzèèlì na Lohwɛ̀ na òma e ŋmanà wa eni a hwèlì ò lòŋgɛ, ò lìrzùkù a ò jò rzùŋgà.

Kòlòrzìyà 1:21

Ò lìrzàkò lɔ̀kɔ, inyɔ è mà rzɔ̀lɛ̀nɛ̀ Lohwɛ̀ ndèŋgànɛ̀lɛ̀ è mà hwɛ ndi hwàkɔ̀ɔ̀yèlì hwa eni ò nyòla hweyà hwe wòhwe ema è mà hwɛ lì gbeyà nà lì lùteyà.

1 Tɛ̀rzàlonìyà 4:13

Ìi wònyàmòwe kòkò, ja arza nanù ema e hwiye e jɔ̀kɛ̀ lì hvomɛ̀nɛ̀ hwaŋga ema hwà mà ŋwɛɛ, aŋga nanù e rza ɛhwɛ nàa hwatò ema hwa rza hwɛnɛ lìhvìtà.

1 Tɛ̀rzàlonìyà 5:6

Ò eŋgànɛ̀lɛ rzɔ, inyɛ i rzi hwɛ nàa hwatò ema hwa gbèyi ndi nàa hwa hwèlì ò ijɔ. Ndi inyɛ i wòwe hvonda nà ò lì àwòhvɛ̀ irzɔ hwiti gbamù.