Ɛ̀hvìrzìyà 1:8 - Mokpwe: Bakwery (New Testament)

⁸ A jo ŋgbelì ene ndèli ya arzɛ, rzìi a jo ŋgbelì hvɛ lìhwiyè rzayi-rzayi na lì jo gbèeyà o lì rzɔ̀ŋgìtɛ̀nɛ̀ hweyà rzayi-rzayi.

Ɛ̀hvìrzìyà 1:8 Referans Kwoze

Hwèwulùwèlì 5:12

Wɔ̀ hwa mà emba nà lìlo lì kàrzàmi, nanù ema, “È Ŋguma yà Mɔ̀lɛ̀ŋgù ema è mà oŋwàhwà, è kànɛyi ò lì lùwa màyimbi, erzàŋgo, lìhwiyè, ŋginyà, èluhwe, wonyàki nà jèka.”

Kòlòrzìyà 2:3

Krirztò mɔ̀ ndi à tànɛyi lì gbeyà ndèŋgànà inyɔ e rzɔ̀ŋgìtɛ̀nɛ̀ hweyà hwe ama Lohwɛ̀. Hweŋge hweyà hwe hwèlì wòlìto rzàyi-rzàyi.

Ɛ̀hvìrzìyà 3:10

Lohwɛ̀ à mà gbeyà ndi nanù, aŋga nanù hwàkànèlì nà iŋginyà jà è ŋmanyu yà lohwà hwa ɛnɛ nà oma mɔ̀ à ohvi lìhwiyè ò hweyà hwe arzɛ ema mɔ̀ à gbeyà naŋgɛ ò lì akeyà nà lì arzàŋganɛ là hwatò hwa Lohwà.

Ròmànì 5:15

Hwàŋga hwatò hwa ahwakɛ hwa rza enje nyayi hvɔ̀kɔ èhwanja jàhwèyà ema Lohwɛ̀ a ŋgbelì hwatò ò ŋgundu, ema Yerzù Krirztò a jàni, i rza kiti na mamɛ wòhwe wò ama Adàmu wò jàni. È hwèlì ndi e jɔ̀kɛ̀ nanù ema hwatò rzayi-rzayi hwà mà ŋwa ò nyòla wòhwe wò ehvòwa ya mòtò. Ndi e ndèli ya ama Lohwɛ̀ e òlò rzayi-rzayi lì aka wòŋgò wòhwe. Hwatò rzayi-rzayi hwà mà luwa jàhwèyà ja ŋgundu ja ama Lohwɛ̀ tutɛ, lì akeyà na mòtò mɔ̀kɔ ema a hwèlì ndi Yerzù Krirztò.

Judɛ 1:25

Èluhwe ya arzɛ e hwɛ na mɔ̀. Mɔ̀ ŋmìti mɛnɛ ndi à hwèlì Lohwɛ̀, ema a jo rzùŋgà mòŋgɛ ma arzu o lì akeyà na hwègbèèlì hwe ama e Rzàŋgo ya arzu Yerzù Krirztò. Èluhwe, lì olowa, e ŋginyà, na màkànèyà ma arzɛ ma hwèlì ndi e ma eni, lì wòteyà o hwewotelì, o nàŋgɛ na o gbìndèyà. Inyɛ̀ wo lìya Nànù.

Ɛ̀hvìrzìyà 1:11

Nà oma ì hwèlì mɔ̀kɔ nà Krirztò ɔ̀ndeŋgàtɛ̀ Lohwɛ̀ à mà jò hvɔ̀rzɔ̀ ò lì hwɛ̀ɛ̀ è hwa eni hwatò. À mà gbeyà ndi nanù èhwanja nanù ndi mɔ̀ à mà tɛ̀yirzɛ̀ nà è kòòhwà. À gbèyi hweyà hwe arzɛ ò lì gbèyɛ̀nɛ nà oma à mà hwe tɛ̀yirzɛ̀.

1 Kɔ̀rintìyà 2:7

Lìhwiye ema i gbeyàna, lì hwèlì ndi lìhwiyè ema Lohwɛ̀ a jo ŋgbelì. Lìhwiye ema lì ma ùtàhwa natɛ̀ɛ na ò hwèwòtelì, o lìhwiyè la arzu ema Lohwɛ̀ à mà tɛ̀yirzɛ ndèŋgàna hwewòtelì hwe rze.

Ròmànì 11:33

È ɔŋgɔ̀ tɛ mònàmɛ̀ mò ndɛnɛ mò ama Lohwɛ̀! È ɔŋgɔ̀ tɛ nɛ mɔ̀ à hwi hweyà hwe arzɛ, ndèŋgànà a òhvi lìhwiyè lì ndɛnɛ. Tɔ̀ mòtò a rza tanɛyi lì rzɔ̀ŋgìtɛ̀nɛ̀ nɛ Lohwɛ̀ a gbèeyà hweyà.

Matiyò 11:19

È Ŋmanà wà è Mòtò wà Hwènàmà à mà jèe, mɔ̀ à mà làa mòlelì, a nyɔ hvɛ mììmba, e òhwa nanù ema, ‘È mò ɔ̀ŋgɔ aŋga a lìŋgàni mòlelì rzayi-rzayi. A hwèlì hvɛ ndì mòtò wa mbòma, a hwèlì hvɛ ndì e mbunda ya hwarzàŋgelì hwa e njàŋge ya lìkànèyà na hwatò hwa wòhwe.’ Ndi ò lìrzukù hweyà ema hwe ò gbèyɛ̀nɛ hwe ò uŋmɛ̀lɛ̀ nanù ema lìhwiyè la ama Lohwɛ̀ lì hvòmɛ̀nɛ̀yi.”

Ɛ̀hvìrzìyà 1:7

Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.

Ɛ̀hvìrzìyà 1:9

Lohwɛ̀ à mà gbèeya hweyà hwe arzɛ na oma mɔ̀ à mà arze nanù ema a hwe gbèye. A jo gbèyi o lì hwiya hweyà ema natɛ̀ɛ na naŋgɛ, tɔ̀ mòtò a rza rzɔ̀ŋgìtɛ̀nɛ̀. Hwene hweyà hwe hwèlì ndi hweyà ema mɔ̀ à mà gbeye lì akeyà na Krirztò.