Ɛ̀hvìrzìyà 1:5 - Mokpwe: Bakwery (New Testament)

⁵ mɔ̀ à mà lòma lì ika nà è kòòhwà, à mà irzɔ jò ò hwɛ ndi hwàànà hwa eni, lì akeyà nà èwòlò ema Yerzù Krirztò à mà jò gbèeyà. Lohwɛ̀ à mà gbeyà ndi ene eyà nanù, èhwanja nanù ndi à mà tɛ̀yirzɛ̀ nà oma è mò lɔ̀ɔ̀nì.

Ɛ̀hvìrzìyà 1:5 Referans Kwoze

Ɛ̀hvìrzìyà 1:11

Nà oma ì hwèlì mɔ̀kɔ nà Krirztò ɔ̀ndeŋgàtɛ̀ Lohwɛ̀ à mà jò hvɔ̀rzɔ̀ ò lì hwɛ̀ɛ̀ è hwa eni hwatò. À mà gbeyà ndi nanù èhwanja nanù ndi mɔ̀ à mà tɛ̀yirzɛ̀ nà è kòòhwà. À gbèyi hweyà hwe arzɛ ò lì gbèyɛ̀nɛ nà oma à mà hwe tɛ̀yirzɛ̀.

1 Yòwanìrzɛ̀ 3:1

È ɔŋgɔ tɛ e ndìŋgɛ ndɛnɛ ema Tatɛ̀ a jo lìŋgàni. Èŋge ndìŋgɛ e olo natɛ̀ɛ irzɔ i hwɛ̀lɛ̀hwɛ̀ hwàanà hwa ama Lohwɛ̀, ndèŋgànɛ̀lɛ̀ nanù ndi irzɔ i hwèlì. Lìtiŋga ndeŋgatɛ ene rze e rza jo hwi lì hwèlì ndi ehwànja hwa rzi lome lì hwiya e Tatɛ̀.

Yòwanìrzɛ̀ 1:12

Ndi e wɔ̀ ema hwà mà mò kàrzɛ na lì mò lòkɛ̀ hwanu ndi à mà ŋgbèe è wònjà ò lì hwɛ hwàànà hwa ama Lohwɛ̀.

Ròmànì 8:23

Rzeketɛ ewèkèlì yiti mɛnɛ ndi e ɔnyɔ. Irzɔ hvɛ ema jò òhvi Èlìŋgɛ̀ ema Lohwɛ̀ à mà lòma lì jò ŋgba nàa jàhwèyà ja wòrzò, irzɔ hvɛ i hwèlì jò ɔnyɔ ò mèèmà me arzu. I ma ika mèèmà me arzu me arzɛ ò lì ambɛ̀lɛ̀ eŋge hvònda ema Lohwɛ̀ a ò jò gbèèyɛ̀ hwàanà hwa eni, ò lì jò rzòlòwà inyò ja arzu ja arzɛ ò ŋgɔkɔhwi rzi a jò ŋgba nyò hvènya.

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

2 Kɔ̀rintìyà 6:18

Imba na o ò hwɛ e Tatɛ̀ hwa anyu, inyɔ hvɛ e o hwɛ hwàànà hwa ami. Imba Lòohwà ema lì karzami, imba ndi na ohwa nanù.”

Hwèwulùwèlì 21:7

È mòtò ema à ò rzùùwànɛ̀ mètàkà ehwànja à nò lòkɛ̀, imba nà ò mò ŋgba hwene hwèèmà hwe arzɛ. Nà ò hwɛ Lòohwà là eni ndèŋgànɛ̀lɛ̀ mɔ̀ hvɛ à ò hwɛ è ŋmanà wà ami.

Ɛ̀hvìrzìyà 1:9

Lohwɛ̀ à mà gbèeya hweyà hwe arzɛ na oma mɔ̀ à mà arze nanù ema a hwe gbèye. A jo gbèyi o lì hwiya hweyà ema natɛ̀ɛ na naŋgɛ, tɔ̀ mòtò a rza rzɔ̀ŋgìtɛ̀nɛ̀. Hwene hweyà hwe hwèlì ndi hweyà ema mɔ̀ à mà gbeye lì akeyà na Krirztò.

Yòwanìrzɛ̀ 11:52

Rzekɛtɛ ò wònyà Yudà mɛnɛ ndi ò lì rzàŋga hwatò hwa arzɛ hwa ama Lohwɛ̀ ema hwa wuhwèlì ò èki yɔ̀kɔ, aŋga nanù hwa hwɛ mòtò mɔ̀kɔ.

2 Tɛ̀rzàlonìyà 1:11

Nà oma hwene hweyà hwe arzɛ hwe jò hwèlì ò tenì yà mèèmà mè arzu, ɔ̀ndeŋgàtɛ̀ jè è kànɛlɛlɛ. Ì kanɛ̀ nanù ema, Lòohwà là arzu à è gbèeyà nanù ema è ò tànɛ ò lì lùwa hwèèmà hwe gbamù ema mɔ̀ à arza lì è gbèeyà nà oma mɔ̀ à mà è hvɔ̀rzɛ̀ ò lì hwɛ hwatò hwa eni. Ndèŋgànɛlɛ i kànɛ hvɛ nanù ema, à gbeyàne è ŋginyà yà eni ò lì gbeyà hweyà hwe arzɛ hwe gbamù ema inyɔ è arza, è ò hwe lùwa, ehwànja è lòkɛ̀ Krirztò.

Lukàrzɛ̀ 10:21

O èŋge hvònda, Èlìŋgɛ̀ yà Wòtani e mà lìŋgìrzɛ Yerzù rzayì-rzayì, rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze yà mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò mà wunane hwàŋgà ema hwa òhvi mahwiye nà hwaŋga hwatò ema hwa rzɔ̀ŋgìtɛ̀nɛ̀. Ɛ̀ɛ Ìi Tatɛ̀, nanù ndi ò mà àrze òma è gbeyɛ̀nɛ̀.”

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

Yòwanìrzɛ̀ 20:17

Yerzù rzìi a mò òhweyà nanù ema, “O rzi nò hwàkɛ lìya la aŋgɔ̀ èhwanja na rzìi timbi òma Tatɛ̀. Ndi ɛ̀ndɛ òma hwà-òkòwèlì hwa ami, hwa wònyanyàŋgò wa ami, ò hwa òhweyà nanù ema, na timbeya Tatɛ̀ wa ami ema a hwèlì hvɛ ndi Tatɛ̀ hwa anyu. Mɔ̀ ndi à hwèlì Lohwà la ami na Lohwà la anyu.”

Matiyò 11:26

Ɛ̀ɛ ìi Tatɛ̀, nanù ndi ò mà àrze òma e gbeyɛ̀nɛ̀.”

Lukàrzɛ̀ 11:32

O wùnyà wò hwèkàyìrzèlì, hwatò hwa Nìnìhvɛ̀ hwa ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò. Hwa ò tɛ̀mɛ̀ mbòŋgi ema è gbeyà ène nyɔ̀ŋgɔ̀nì yà hwatò è tuwà ŋmàŋgò èhwanja hwatò hwa Nìnìhvɛ̀ hwà mà rzɔ̀njɛlɛ wòhwe wò awu è hvònda Jona a mà hwɛ lì hwa òhweyà Eyà ya Lohwà, ndi na òhweya nanù ema mòtò a hwèlì anu naŋgɛ ema à akayi Jona.

Hvìlipìyà 2:13

Inyɛ̀ e gbeye nanù, ehwànja Lohwɛ̀ a hwèlì na inyɔ o ihvonda ja arzɛ, aŋga nanù e o ohva mèèmà o lì gbeyà hweyà hwe gbamù ema mɔ̀ à arza nanù ema e gbeye, ndèŋgànɛ̀lɛ̀ e hwe gbèyi.

1 Kɔ̀rintìyà 1:1

Ìmba Pàwolò ndi nà e omelì inì ìtìta ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò ŋmèmba na ŋmanyàŋgò wa àrzu, Rzɔ̀rztenìrzì.

Matiyò 1:25

Ndi natɛ̀ɛ Màlìyɛ̀ à mà ŋya è ŋmanà, Jòrzɛ̀hvù à rzi mò hwiye nà jòjìyɛ̀ yà eni. Jòrzɛ̀hvù rzìi à kpɛ̀ òŋgò ŋmanà lìinà Yerzù.

Lukàrzɛ̀ 12:32

“Wònya hwa ami kòkò, è rza òka wɔ̀ŋgɔ̀. Rzàŋgò wà ànyu a lìŋgànì ò lì è ŋgbà è ŋginyà yà lìkànèyà.

Hwègbèèlì 13:48

È hvònda ema hwaŋga hwatò ema hwa rza enje wònyà Yudà hwà mà hwèya ene hwà mà lìŋgà rzìi hwa kàrzɛ ŋmɛ̀ndì mò ama Rzàŋgò. Ndeŋgana hwatò hwa arzɛ ema hwà mà hvɔ̀rzɔ̀wɔ̀ ò lì luwa lòŋgɛ la gbìndèyà hwà mà lòkɛ̀ Rzàŋgò Yerzù.

Kòlòrzìyà 1:19

Hwene hweyà hwe hwèlì ndi nanù ehwànja nanù ndi Lohwɛ̀ mɔ̀ ŋmitɛ-ŋmitɛ à hwèlì.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.