Ɛ̀hvìrzìyà 1:10 - Mokpwe: Bakwery (New Testament)

¹⁰ Lohwɛ̀ à mà tɛ̀yirzɛ̀ nanù ema à ò gbeyà hwene hweyà hwe arzɛ ò è hvonda yà jɔ̀kɛ̀. Ò eŋge hvonda à ò rzàŋga hwèèmà hwe arzɛ ema hwe hwèlì ò ŋmanyu yà lohwà nà ò rze yà mɔ̀nyɛ̀ rzìi hwe hwɛ ò rze yà ama Yerzù Krirztò ema mɔ̀ ndi à hwèlì mòòhvò.

Ɛ̀hvìrzìyà 1:10 Referans Kwoze

Kòlòrzìyà 1:20

Lohwɛ̀ à mà gbeyà ndi nanù, aŋga nanù hwèèmà hwe arzɛ hwe ò mò jèeyà ò rze yà eni ò lì akeyà nà Krirztò. Hwene hwèmà hwe hwèlì ndi è hweyɔ hwe anu rze yà mɔ̀nyɛ̀ nà è hwè ŋmanyu yà lohwà, ehwànja è ŋmanà wà eni à mà kòma màyija mà eni ò mbàrza. Ò nàŋgɛ nanù hwèèmà hwe arzɛ hwe tànɛyi lì hwɛ ò ɛ̀yɔ̀lɛ̀ nà Lohwɛ̀.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

Makòrzì 1:15

“È hvònda è mà uka, Lìkànèyà là ama Lohwɛ̀ lì mà kòmbɛ̀nɛ̀. È rzɔnjɛ̀lɛ̀ hwègbèèlì hwe anyu hwe wòhwe, è lòkɛ̀ Ŋmɛ̀ndì mò Gbamù mò amà Lohwɛ̀.”

Hibrù 1:2

Ndì ò mene mèènyà me lìrzùkù rzɔ, Lohwɛ̀ à jò òhwìrzɛ̀nɛ̀ ndi lì akeyà nà è Ŋmanà wà eni. Lì akeyà nà mɔ̀ ndi Lohwɛ̀ à mà wèke è ŋmanyu yà lohwà nà rze yà mɔ̀nyɛ̀. Ndeŋgànɛ̀lɛ̀ mɔ̀ ndi Lohwɛ̀ à hvɔ̀rzì nanù ema a hwɛni ewèkèlì ya arzɛ ema Lohwɛ̀ à mà wèkɛ.

Kòlòrzìyà 1:16

È hwèlì ndi nanù ehwànja ò lì akeyà na Krirztò ɔndi Lohwɛ̀ à mà wèke hwèèmà hwe arzɛ ema hwe hwèlì ò ŋmanyu yà lohwà nà è rze yà mɔ̀nyɛ̀. Mɔ̀ à mà wèka hwèèmà ema hwatò hwa mà ɛnɛ nà è hwèyɔ̀ ema hwa rza ɛnɛ nà mììrzɔ̀ mà awu. Mɔ̀ ndi à wèkì hwàkànèlì, nà ìŋginyà jà arzɛ. Ò lì akeyà nà Krirztò, Lohwɛ̀ à mà wèkà hwèèmà hwe arzɛ, ndèŋgàna ò mɔ̀ ndeŋgatɛ Lohwɛ̀ à mà wèkà hweŋge hwèèmà hwe arzɛ.

1 Pètrò 1:20

Lohwɛ̀ à mà mo hvɔ̀rzɔ̀ ndeŋgàna e rze ye e wekahwa. Ndi mɔ̀ à mà wuluwahwa o mene mèenyà me lìrzùkù o nyòla ya anyu.

Ɛ̀hvìrzìyà 3:15

Mɔ̀ ndi à hwèlì è Tatɛ̀ yà màtùmbà mà arzɛ, ò mɔ̀ ndi mìinà mà arzɛ mà màtùmbà mà è ŋmanyu yà lohwà, nà è rze yà mɔ̀nyɛ̀ hwa mà uwɛ̀lɛ̀lɛ̀yi.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.

Ɛ̀hvìrzìyà 1:22

Lohwɛ̀ à mà ika hweyà hwe arzɛ ò rze yà lìkànèyà là ama Krirztò. À mò ŋgbèlì hvɛ wònjà ò lì kànèyà hweyà hwe arzɛ, ndèŋgàna mɔ̀ ndi à hwèlì mòòhvò mò lì arzàŋganɛ là hwatò hwa Lohwà.

1 Kɔ̀rintìyà 11:3

Nà arza ema e rzɔ̀ŋgìtɛ̀nɛ̀ nanù ema, Krirztò a hwèlì ndi moòhvo mo kànèyà tɔ̀ ima mòtò hwa mùnyanà. È mùnyanà mɔhvɛ a hwèlì ndi moòhvo mo ama e jòjìyɛ̀ ya eni. Lohwà mɔhvɛ ndi à hwèlì moòhvo mo ama Krirztò.

Hibrù 11:40

È ma hwɛ ndi nanù èhwanja Lohwɛ̀ à mà loma lì woŋgirzɛnɛ nanù ema a jo ŋgba yoma ema e akayi mamɛ ema à mà ohwe nanù ema a hwa ŋgba. A ma woŋgirzɛnɛ nanù ema hwaŋga hwatò hwa hwɛni ndi o lì hwɛ gbamù mondeŋge na irzɔ o mbe eni.

Kòlòrzìyà 3:11

ò rza enje hwèkàkòwèlì ò hwatò hwa wònyà Yudà nà hwatò ema hwa rza enje wònyà Yudà, tɔ̀ mòtò ema à endàhwì tɔ̀ è mɔ̀ ema à rza endàhwɛ̀. Ò rza enje hwèkakòwèlì ŋga mòtò à hwèlì ndi ŋmɛ̀nì tɔ̀ mòtò wà hwaŋga tɔ̀ mòtò wà wònja. Krirztò ndi à hwèlì hweyà hwe arzɛ, ndèŋgànɛlɛ à hwèlì ò tenì yà inyɔ hwa arzɛ.

Ɛ̀hvìrzìyà 2:15

À mà gbeyà è mbenda yà wònyà Yudà è rza ohvi ŋginyà hvɛ. À mà gbèeyà ndi nanù, aŋga nanù, à rzàŋga wònyà Yudà nà hwaŋga ema hwa rza enje wònyà Yudà ò lì tìmba nàa mòtò mɔ̀kɔ mohvènya ema nà wɔ̀ hwa hwɛ ndi mòtò mɔ̀kɔ nà Krirztò. Ò èŋgànɛ̀lɛ rzɔ nà oma à gbèyi ene eyà nanù, mɔ̀ à mà jànà ɛ̀yɔ̀lɛ̀ ò ìtììtènì jà wònyà Yudà nà hwaŋga ema hwa rza enje wònyà Yudà.

1 Kɔ̀rintìyà 10:11

Hwenè hweyà hwe arzɛ hwe mà hwa gbèyɛ̀nɛ ndi nàa èmɛ̀nɛ̀nì o hwahvɛhvɛ hwatò. Hwenè hweyà hwe àrzɛ hwe tìlahwì ndi nàa mayowà mà ŋginyà o lì jò kòkòwɛ̀lɛ̀. Irzɔ i hwèlì ndi o hvonda ema lìrzukù la ene rze lì ma kombɛ̀nɛ̀ o lì jà.

Matiyò 25:32

Hwatò hwa arzɛ ò hwèkòmè hwe arzɛ hwe ene rze ya mɔ̀nyɛ̀ hwa ò arzàŋganɛ ò wòrzò wa eni. Rzìi mɔ̀ à ò hwa kakòwa mòòŋgò mahwakɛ nà òma e mɔ̀ɔŋgelì wa hwèembè a kakòwà mɛ̀ɛlɛ̀ŋgù ò ì mbòlì.

Hibrù 9:10

Ini mbenda ja arzɛ i ma hwɛ ndi mbenda ja hwèlèèlì na hwènyɔ̀ɔ̀nì na hwehvɛhvɛ hweyà rzayi-rzayi ema hwatò hwà mà gbeeye o lì arzàŋgìrzɛ̀ wɔ̀ hwiti. Ini mbenda ja arzɛ i hwèlì ndi imbenda ja e nyàma ya nyo ema jo o kuwɛ e hvonda ema Lohwɛ̀ a o rzèeya hweyà hwe arzɛ.

Ɛ̀hvìrzìyà 3:2

Nà hwi nanù ema è hwi nanù ema Lohwɛ̀ à mà nò hvɔ̀rzɔ̀ ò lì è ohweyà Ŋmɛ̀ndì mò Gbamù lì hvomɛ̀nɛ̀ è ndèli yà eni.