2 Tìmotì 4:4 - Mokpwe: Bakwery (New Testament)

⁴ Hwatò hwa o rzɔ̀rzɔ̀ o lì òkànèyà e jɔ̀kɛ̀ ya ama Lohwɛ̀, ndèŋgàna hwa o ŋgba ndi màatò ma awu o lì òkànèyà màyìtò ma mòlàŋgà.

2 Tìmotì 4:4 Referans Kwoze

1 Tìmotì 1:4

È rzìi emeyà hwaŋga hwatò ò lì ohwa mɛɛndi ema me rza enje jɔ̀kɛ̀ na mɛɛndì ema me ohwa hweyà lì hvomɛ̀nɛ̀ imbamba ja awu ema mòtò a rza tanɛ lì aŋga mɔ̀rzɔ̀ŋgi. Hwa okolɛ tɛ iŋgi nyayi ja mɛɛndì, me jànà hvenda, me rza oŋgowàna hwatò ò lì lìya lòŋgɛ ema e uŋmɛ̀lɛ̀ nanù ema hwa lòkɛ̀ Lohwɛ̀.

2 Pètrò 1:16

Rzeketɛ màyìtò ema hwatò hwà mà wòndɛ̀yi ndi i ma hwɛ lì e ohweyà, e hvonda ema i ma hwɛ lì ohwa nanù ema e Rzàŋgo ya arzu Yerzù Krirztò e jà hvɛ na ŋginyà. Irzɔ hwitɛ-hwitɛ je ɛnɛ ŋmàye mo eni na mìirzɔ ma arzu.

1 Tìmotì 4:7

O rza ohva tɔ̀ eyà o lì gbeyàna maŋga màyìtò ema mà uŋmɛ̀lɛ̀ nanù ema hwatò hwa rza lòkɛ̀ Lohwɛ̀ ndèŋgàna o rzi ohva tɔ̀ eyà o lì gbeyàna màyìtò ma èèti. Ndi o hwɛ ndi o lì okowa o ihvonda ja arzɛ na oma Lohwɛ̀ a arza nanù ema o gbeye.

Hwègbèèlì 7:57

Nà òma wòlìya wò mà hweye nanù, rzìi hwa umba matò mà awu nà màà mà awu, rzìi hwa wòteyà lì tɛ̀ɛ̀ ò ŋmanyu nà lìlò lì karzamì rzìi hwa arzɛ hwa urzùweyà Rzìtehvànɛ.

Tàyìtùrzì 1:14

Àŋga nanù wɔ̀ hwa rza o lòkɛ̀ mèndèŋga me ŋgundu me wònyà Yudà ndèŋgànɛ̀lɛ̀ hwa rza oŋgama hweyà ema hwatò ema hwa rzɔ̀rzɔ̀ hwèyòkòlèlì hwe jɔ̀kɛ̀ hwa ohwa.

2 Tìmotì 1:15

Ò hwiye oma hwatò hwa arzɛ hwa ama Krirztò hwa mà nò rzɔ̀rzɔ̀ ò erzòòkà yà Èrzìyà. Hvìjɛ̀lùrzì nà Hɛ̀mòjɛ̀nìrzì wɔ̀ hvɛ hwa mà hwɛ ò mòndèŋgè mò hwatò ema hwa mà nò rzɔ̀rzɔ̀.

1 Tìmotì 6:20

Ìi Tìmòtì, o keke o ɛnɛ nanù ema o gbèyi èwòlò gbamù ema Lohwɛ̀ a o rzekelì nanù ema o gbeye. O rzi hwɛnɛ hvonda na hweyà ema hwatò hwa ohwa ema hwe rza oŋgowàna o lì lòkɛ̀ Lohwɛ̀. O rzi hwɛnɛ hvɛ hvonda na mamɛ loŋgo la hwatò hwa ohwa nanù ema eyà yɔ̀kɔ e hwèlì jɔ̀kɛ̀, ndèŋgàna hwahvɛhvɛ hwatò hwa ohwa nanù ema ehvɛhvɛ eyà ndi e hwèlì e jɔ̀kɛ̀. Ndi wɔ̀ hwa arzɛ hwà mà gbeyà lùurzè na oma hwa ohwi nanù ema, “Imba ndi na hwèlì e mòtò ema a hwi.”

Hibrù 13:25

Inyɛ̀ e ndèli ya ama Lohwɛ̀ è hwɛ nà inyɔ hwa arzɛ.

Matiyò 13:15

Nà òhwa ndi nanù èhwanja hwanù hwatò hwa rza tànɛyi lì òkòwa hvɛ tɔ̀ eyà. Wɔ̀ hwa umbi hvɛ matò nà mììrzɔ̀ mà awu. Hwa rza ò hweyà nà lì ɛnɛ hvɛ tɔ̀ eyà. È rzi hwɛ tɛ nanù, òma wɔ̀ hwa ɛnɛ nà lì embàneyà. Aŋga nanù òma wɔ̀ hwa hweyàna na matò ma awu ndèŋgànà òma mèèmà me awu meyɔhvɛ̀ me rzɔ̀ŋgìtɛ̀nɛ̀. Wɔ̀ hwa gbèyi tɛ nanù hwa nò timbeya òma nà mà hwa òŋgirzɛ.’

2 Tɛ̀rzàlonìyà 2:11

O eŋgànɛ̀lɛ rzɔ̀, Lohwɛ̀ à mà hwa gbeyà o lì hwɛnɛ màlùtèyà ma ndɛnɛ ma wòhwe, aŋga nanù hwa lòkɛ̀ mòlàŋga.