2 Tìmotì 4:14 - Mokpwe: Bakwery (New Testament)

¹⁴ Alɛ̀rzàndrìyà ema a hwèlì e mògbèèlì wa èwòlò ya hwɛ̀ɛkɛ̀, à mà no gbeyàna wòhwe wo ndɛnɛ, e Rzàŋgo Yerzù e mo kɔ̀kìrzɛ̀ lì hvomɛ̀nɛ̀ wòhwe ema mɔ̀ à no gbeyànì.

2 Tìmotì 4:14 Referans Kwoze

1 Tìmotì 1:20

Ò ìtììtènì ja hwatò ema nà ohwa nanù, mɔ̀kɔ à hwèlì ndi Hìmɛ̀nàyèyùrzì ɔ̀nɛyi hvɛ Àlɛ̀rzanda. Hwanu hwatò nà hwa lìyèlì mòkarzɛ̀ ò màà. Àŋga nanù hwa hwiya nanù ema ò rza lɔ̀wu lì ohwàna Lohwɛ̀ ìrzìlàkò.

2 Tɛ̀rzàlonìyà 1:6

Lohwɛ̀ à gbeyà hweyà nyayi ema e hvomɛ̀nɛ̀. Hwàto ema hwe e gbeyà ema è akeyà ò tenì yà mètàkà, Lohwɛ̀ à hwa jàneyà wɔ̀ hvɛ mètàkà.

Hwèwulùwèlì 18:6

Inyɔ e mo gbèeyà hweyà ŋgànà hvɔ̀kɔ na oma mɔ̀hvɛ à mà e gbèeyà. Inyɔ e mo taŋgeya ŋgelì ihwàkɛ o nyòla hweyà hwe wòhwe ema à mà gbèeyà. È mo ondìrzɛlɛlɛ lìwonde la eni na elàndi ema e imbami ŋgelì ihwakɛ lì aka e yɔ ema mɔ̀ à mà e ŋgbe.

Ròmànì 12:19

Ìi wònyamòwè kòkò, e hwèlì tɛ nanù ema mòtò a e gbèyi tɛ eyà ya wòhwe, inyɛ inyɔ e rzi keka ò lì mò timbirzɛlɛlɛ. È hwɛmɛ Lohwɛ̀ mɔ̀ ŋmìti a mò kɔ̀kìrzɛ̀. È tìlahwì ò e kààtì ya Lohwɛ̀ nanù ema, “Lohwɛ̀ a òhwi nanù ema, ‘Imba ndi na timbirzɛlɛlɛ wòhwe ema tɔ̀ ima mòtò a gbèyi. Imba e Rzaŋgò ndi na òhwi.’”

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.

Hwèwulùwèlì 6:10

Hweŋge hwèlìŋgɛ̀ hwe ma londa na lìlo lì kàrzàmi nanù ema, “Ìi Rzàŋgo Lohwɛ̀ ema o Kàrzàmi, ema o hwèlì wòtani na lì hwɛ jɔ̀kɛ̀, ima hvoka hvonda ndèŋgànà o e kàyìrzɛ hwatò hwa e rze ya mɔ̀nyɛ̀ na o lì hwa kɔ̀kìrzɛ̀ ehwànja hwa jo òŋwi e?”

1 Yòwanìrzɛ̀ 5:16

Tɔ̀ ima mòtò ema a ɛni ŋmanyàŋgò wa eni a undi o wòhwe ema wo rza mo lìyɛlɛ o kpelì, mɔ̀ à mo kànɛ̀lɛlɛ aŋga nanù Lohwɛ̀ a mo ŋgba lòŋgɛ. Hwàto ema na ohwa nanù ema inyɔ e kànɛlɛlɛ, hwa hwèlì ndi hwatò ema wòhwe wo awu wo rza oŋwa èlìŋgɛ̀ ya awu. O hwèlì wòhwe ema wo òŋwa èlìŋgɛ̀. È hwèlì tɛ nanù ema mòtò a undi tɛ o tenì ya woŋgo wòhwe, na rza ohwa nanù ema e kànɛlɛlɛ oŋgo mòtò.

Ròmànì 2:6

Lohwɛ̀ a ò rzaweyà tɔ̀ ima mòtò lì hvòmɛ̀nɛ̀ èwòlò ema tɔ̀ ima mòtò a gbèyi.

2 Tìmotì 4:15

Ò wà witi o mo aŋgoweya èhwanja, à mà hwɛ lì jo teŋgɛ̀nɛ o nyòla ŋmɛ̀ndì mò gbamù ema i hwèlì jo òhwa.