2 Tìmotì 3:15 - Mokpwe: Bakwery (New Testament)

¹⁵ Ndeŋgana o hwi ema lìwòteyà o hwàna o ma hwiya mamɛ eyà ya Lohwà e hwèlì. Ène eyà ya Lohwà yɔ ndi e o ŋgbelì lìhwiyè o lì hwiya nanù ema Lohwɛ̀ à mà o rzùŋga èhwanja o lòkɛ̀ Yerzù Krirztò.

2 Tìmotì 3:15 Referans Kwoze

Lukàrzɛ̀ 24:45

Rzìi à hwa lìhvòhwa mɔ̀ŋgɛ̀lɛ̀ ma awu aŋga nanù hwa rzɔ̀ŋgìtɛ̀nɛ̀ e kààtì yà ama Lohwɛ̀.

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Matiyò 22:29

Yerzù rzi a hwa alàhwɛ̀ nanù ema, “È hwèlì ndi ò matòna, èhwanja e rza rzɔ̀ŋgìtɛ̀nɛ̀ mamɛ Èya ya Lohwà e òhwa ndèŋgànɛ̀lɛ̀ e rza rzɔ̀ŋgìtɛ̀nɛ̀ hvɛ nɛ e ŋginyà ya ama Lohwɛ̀ e hwèlì.

2 Tìmotì 1:5

Nà ɔ̀ŋgɛ̀lɛ̀ nanù ema ò mà lòkɛ Yerzù Krirztò nà è jɔ̀kɛ̀. Liŋgi lì lòkɛ̀ mɛnɛ ndi è mbamba yà aŋgɔ̀ wà molanà Lɔ̀yìrzì nà nyɔ̀ŋgɛ wà aŋgɔ̀ Yùnìrzì wɔ̀ hvɛ hwa mà hwɛnɛ. Nà lòkɛ̀ nanù ema ò nàŋgɛ nanù, lìŋgi lìlòkɛ̀ mɛnɛ ndi wà hvɛ ò hwɛni.

Lukàrzɛ̀ 2:40

Ò èŋge hvònda, è ŋmanà hvɛ̀ à mà hwɛ lì òŋgà. À mà òŋgà nà màyìmbì. Lìhwiye la eni hvɛ lì mà hwɛ lì òŋgà. Ììlì ja ama Lohwɛ̀ ì mà hwɛ nà mɔ̀.

Ròmànì 16:26

Ndi ò nàŋgɛ eŋge jɔ̀kɛ̀ e ma jò wuluhwàhwɛlɛ. Mɔ̀ à mà e wuluhwa nàŋgɛ na hweyà ema hwà-òhwèlì hwa hwèlìŋgɛ̀ hwà mà tile ò e kààtì ya ama Lohwɛ̀. Mɔ̀ à mà gbeye ndi nanù, aŋga nanù hwatò hwa arzɛ̀ hwa hwèkòmè hwe ya arzɛ hwa mò lòkɛ̀ na lì mò hweyàne.

Ròmànì 1:2

Mòŋgò Ŋmɛ̀ndì mò Gbamù mɔ̀ ndi Lohwɛ̀ à mà òhwe ndèŋgànà e hvònda nanù ema a ò ŋgba hwatò hwa eni. À mà òhweyà hwà-òhwèlì hwa hwèlìŋgɛ̀ hweyà lì hvòmɛ̀nɛ̀ mòŋgò Ŋmɛ̀ndì mò Gbamù na òma mò tìlahwì ò tenì ya e kààtì ya wòtani.

Hwègbèèlì 10:43

Hwà-òhwèlì hwa hwèlìŋgɛ̀ hwa arzɛ hwa kòhwa hwà ma òhwa lì mò hvòmɛ̀nɛ̀, nanù ema tɔ̀ ima mòtò ema a mò lòkɛ̀yì, Lohwɛ̀ à làkìrzɛ̀ wòhwe wò eni. Ène eyà e ò gbèyɛ̀nɛ ò e ŋginyà ya lìinà la eni.”

Lukàrzɛ̀ 24:32

Hwa mà àyijòwànɛ̀ mɔ̀kɔ nà ɔnɛ̀yi nanù ema, “Rzèke ì mà hweyà ndi mèèmà ò tenì jòlì-jòlì, nà òmà a mà jò òhwìrzɛ̀nɛ̀ ò njìya nà lì jò tèlɛ̀lɛ̀ e kààtì yà Lohwà e?”

Hwègbèèlì 17:2

Pàwolò à mà nyàmɛ̀lɛ̀ lì kpèeyà ò tenì ya ndawò ya màkànɛ̀ ya wònyà Yudà ò eŋgànɛ̀lɛ à mà kpèeyà aŋga. A ma lìya aŋga wiki iyàwò. O tenì ya tɔ̀ ima Wùnyà wò lì Arziyòlɛ mɔ̀ à mà òhweyà hwatò ŋmɛ̀ndì ema mò ma uwɛ̀lɛ̀lɛ̀yi ò tenì ya e kààtì ya ama Lohwɛ̀.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.

Hwègbèèlì 13:29

È hvònda ema hwa mà kùlɛ̀ lì òndìrzɛ̀ mamɛ ema è mà tìlahwa ò è kààtì yà Lohwà lì hvomɛ̀nɛ̀ Yerzù, hwa mà mò rzìhwìrzɛ ò mbàrza, rzìi hwa mò ika ò rzɔ̀ŋgɔ̀ ema è mà hvòkòwahwa ò tenì yà màŋyàyi.

2 Pètrò 3:16

Èya ene ema mɔ̀ à mà tìlɛ̀ o ikààti ja eni ja arzɛ. O hwèlì lòŋgo la hweyà ema hwe ambi o lì rzɔ̀ŋgìtɛ̀nɛ̀ o ikààti ja eni. Iŋgi nyayi ja hweyà ndi hwatò ema hwa rza hwɛnɛ lì rzɔ̀ŋgìtɛ̀nɛ̀, ema lìlòkɛ̀ la awu lì rza enyohwɛ̀nɛ̀ hwa tikowa lìrzɔ̀ŋgìtɛ̀nɛ̀ ema lì hwèlì o tenì ema lì rza hvomɛ̀nɛ̀. Èŋge ŋgànà hvɛ mɛnɛ ndi hwa gbeyàna o lì tikowa hvɛ hwehvɛhvɛ hwèhvàrzù o tenì ya e kààti ya ama Lohwɛ̀. Wɔ̀ hwa wɔ̀lɛnɛ lòŋgɛ la awu ehwànja hwa gbeyà ini nyayi ja hweyà.

Lukàrzɛ̀ 1:15

È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Yòwanìrzɛ̀ 5:47

Ndi na òma e rza lòkɛ̀ hweyà ema à mà tile, nɛ e tànɛyi lì lòkɛ̀ mamɛ ema na òhwa e?”

Hwègbèèlì 16:1

Hwa Pàwolò hwa mà ɛ̀ndɛ ò mbòwa ndɛnɛ yà Dɛ̀bì na Lìrzìtìrà. Mòtò mɔ̀kɔ à mà hwɛ aŋga ema à mà hwɛ̀lɛ̀hwɛ̀ Tìmòtì. Nyàŋgò wà eni à mà hwɛ ndi mòlanà wa wònyà Yudà ndèŋgànɛ̀lɛ̀ mɔ̀ hvɛ à mà lòkɛ̀ Yerzù, ndi e tatɛ̀ ya eni e ma hwɛ ndi mòtò wa Grìki.

Hwègbèèlì 26:24

È ŋgànà ema Pàwolò à mà kaye, e ma gbeyà Hvɛ̀rzìtùrzì a mò lòmeya nanù ema, “Ìi Pàwolò ò ma kpànyà e? Lì òkòwa la aŋgɔ̀ là rzàyi-rzàyi ndi lì ò kpànyìrzɛ e?”

Ròmànì 2:27

O èŋgànɛ̀lɛ̀ hwaŋga hwatò ema hwa ika e mbenda tɔ̀ nɛ hwa rza endàhwɛ̀, hwa e uŋmɛ̀lɛ̀ inyɔ wònyà Yudà nanù ema hweyà ema e gbeyà hwe rza hvòmɛ̀nɛ̀. È ma endàhwa ndèŋgàna e òhvi mbenda ema e tìlahwì ò kaàtì ndi e rza e òŋgama.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

Ɛ̀hvìrzìyà 6:4

Inyɔ hvɛ i tatɛ̀, e rzi tàtìrzɛ̀ hwàànà hwa anyu. Ndi tɔ̀ nanù na oma e hwa woŋgowa e hwa wòŋgowe na hwèyòkòwèlì na màyòwà nyayi ema e Rzàŋgo e arza.

1 Tìmotì 4:13

O keke lì gbeyà nanù ema o làŋga eyà ya Lohwà e hwèlì tɛ nanù ema hwatò hwa arzàŋganɛ o ŋmèmba. O hwa nɔ̀ŋgeyà mamɛ eŋge eyà ya Lohwà e ohwa, ndèŋgàna o hwa okolɛ natɛ̀ɛ na jà.

2 Tìmotì 1:1

Imba Pàwolò ema na hwèlì e àpɔ̀rzìtòlò ya ama Yerzù Krirztò ndi na tilì ini itita. Lohwɛ̀ a arzi nanù ema imba na ohwe ŋmɛ̀ndì mò gbamù lì hvomɛ̀nɛ̀ lìŋgi lòŋgɛ ema a ohwi nanù ema i luwa na oma i hwèlì mòtò mɔ̀kɔ na Yerzù Krirztò.