2 Tìmotì 2:19 - Mokpwe: Bakwery (New Testament)

¹⁹ Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

2 Tìmotì 2:19 Referans Kwoze

Yòwanìrzɛ̀ 10:14

“Imba na hwèlì ndi e mɔ̀ɔŋgèlì wa gbamù wa mɛ̀lɛ̀ŋgù, na hwi mɛ̀lɛ̀ŋgù me ami, mɛ̀lɛ̀ŋgù me ami meyɔhvɛ̀ me nò hwi.

1 Kɔ̀rintìyà 8:3

Ndi tɔ̀ ima mòtò ema a lìŋgàni Lohwɛ̀, òŋgo mòtò ndi Lohwɛ̀ a hwi.

Lukàrzɛ̀ 13:27

È Rzàŋgò yà è ndawò ya àlahwɛ̀ nanù ema, ‘Nà rza è hwi. Nà rzà hwi hvɛ tɔ̀ èki ema e uwɛ̀lɛ̀lɛ̀yi. È nò anjiya ò mìirzɔ̀ ma ami. Inyɔ hwatò hwa wòhwe!’

Gàletìyà 4:9

Ndi nàŋgɛ ema e hwi Lohwɛ̀, tɔ̀ na ohwa ndi nàŋgɛ nanù ema, Lohwɛ̀ a e hwi, nɛ rzɔ inyɔ e arza lì timba lì hwɛ hwàkòmì hvɛ o rze ya e ŋginyà ya ene rze.

Hwèwulùwèlì 3:8

Nà hwi èwòlò ema è gbeyà. È ɔŋgɔ̀ tɛ, nà mà ò lìhvoweya lìyohva ema lì ò hwɛlɛlɛ̀yi ò worzo ndèŋgànɛ̀lɛ̀ tɔ̀ mòtò à rza tànɛ à lì umba. Nà hwi nanù ema è ŋginyà ema ò hwɛni è tùù, ndi tɔ̀ nanù inyɔ è oŋgama eyà yà ami, ndèŋgànɛ̀lɛ̀ inyɔ è rza ohwa nanù ema è rza no hwi.

Hwèwulùwèlì 22:4

Hwa o ɛnɛ Lohwɛ̀ worzo na worzo ndèŋgànɛ̀lɛ̀ lìinà la eni lì o hwɛ o imbɔ̀mbɔ ja awu ja meyohvo.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

2 Pètrò 3:14

O eŋgànɛlɛ imbùnda ja ami kòkò, na oma ya ambɛlɛlɛ woŋgo wùnyà, e gbeye gbamù wo anyu o lì hwɛ Wòrzàŋgì ema e rza ohva njɔ̀mi o worzo wa ama Lohwɛ̀. Nà o lì hwɛ hvɛ o ɛ̀yɔ̀lɛ̀ na mɔ̀.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.

Matiyò 7:23

Rzìi nà hwa òhweyà nanù ema, ‘Imba nà rza è hwi. È nò anjiya anù, inyɔ ema è gbeyà wòhwe!’”

Ɛ̀hvìrzìyà 3:15

Mɔ̀ ndi à hwèlì è Tatɛ̀ yà màtùmbà mà arzɛ, ò mɔ̀ ndi mìinà mà arzɛ mà màtùmbà mà è ŋmanyu yà lohwà, nà è rze yà mɔ̀nyɛ̀ hwa mà uwɛ̀lɛ̀lɛ̀yi.

Ròmànì 15:20

Ɛkɔ̀ɔ̀nji ya ami e hwèlì ndi ò lì òhwa Ŋmɛ̀ndì mò Gbamù ò hwèki ema hwatò hwa rzi hweyi lì hvòmɛ̀nɛ̀ Krirztò. Nà ò gbeyà nanù aŋga nanù na rza ò ɛndɛ ò ekì ema òhvɛhvɛ mòtò à mà tòma èwòlò.

Hwègbèèlì 15:17

Aŋga nanù hwanɛyi hwatò hwa e rze ya arzɛ hwa ò nò jèeya, nà mà hvɔ̀rzɔ̀ hwatò ema hwa rza enje wònyà Yudà ò lì hwɛ hwatò hwa ami. Imba e Rzàŋgò ndi òhwi nanù.

Matiyò 7:25

O mburza hvònda è mbuwà ndɛnɛ è mà yɔɔ, meyòrzò mè mà hvùhva, è mbɛ̀hvɛ̀nì hvɛ è mà akeyà èŋge èki ema è ndawò è mà tɛmeya, ndi èŋge ndawò è rzi rzuuwe, èhwanja, è mà òŋgahwa ò ŋmanyu yà ewòmà yà lìŋyàyi.

1 Yòwanìrzɛ̀ 2:19

Ò jɔ̀kɛ̀ jɔ̀kɛ̀ hwaŋga hwatò hwa rzi hwɛ ò mòndèŋge mò arzu. Ɔndèŋgàtɛ̀ hwa mà jò akàkòwɛ̀. Wɔ̀ hwa mà hwɛ tɛ ò mòndèŋge mò arzu, oma hwa mà lìya nà irzɔ. Ndi lì akakowɛ là awu lì uŋmɛ̀lɛ̀ nanù ema ò jɔ̀kɛ̀ hwa rzi hwɛ ò mòndèŋge mò arzu.

Ròmànì 12:9

Tɔ̀ ima mòtò a hwɛni lì hwɛnɛ e ndìŋgɛ na hwatò na e jɔ̀kɛ̀. È kɔ̀ mamɛ ema e hwèlì wòhwe. È akakumɛnɛ ò lì gbeyà mamɛ ema e hwèlì gbamù.

Makòrzì 13:22

Rzayì-rzayì ja hwatò hwa ò ja, tɔ̀ ima mɔ̀ à ò kɔ hweyà nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi. Rzìi hwà-òhwèlì hwa hwèlìŋgɛ̀ hwa mèlàŋgà wɔ̀ hvɛ hwa ò wurza. Hwa ò gbeyà hweyà hwe mànyaka na lì uŋmɛ̀lɛ̀ hwèèmbànèlì hwe nyàyì na nyàyì. Hwa ò gbeyà nanù ò lì arza nanù ema hwa lùkɛlɛ hwaŋga ema Lohwɛ̀ à mà lòme lì hvɔ̀rzɔ̀, hwa lù tɛ hvèyò yà lì hwa lùkɛ̀lɛ.

Ròmànì 9:11

Ndi ndèŋgàna màŋga mayɛzɛ ma e ŋyahwa, tɔ̀ ndèŋgàna wɔ̀ hwa e hwiya ò lì gbeyà tɔ̀ eyà yɔ̀kɔ ya gbamù tɔ̀ wòhwe, Lohwɛ̀ à mà òhweyà Lìbɛ̀kà nanù ema, “È mùlulu wa ŋmanà a ò gbèeyà e ŋmanà wa mòrzalì.” Lohwɛ̀ à mà gbeyà ndi nanù ò lì uŋmɛ̀lɛ̀ nanù ema à mà gbeyàna ndi màlùtèyà ma eni aŋga nanù ŋmanà mɔ̀kɔ a ò hwɛ ò rze ya enɛyi. È ma mò lɔ̀ɔ̀nɔ ò lì hvɔ̀rzɔ̀ e mɔ̀ ema à mà lìŋgana ò lì hvɔ̀rzɔ̀, rzeketɛ lì hvòmɛ̀nɛ̀ eyà ema òŋgò mòtò à mà gbeyà.

1 Tìmotì 6:19

Hwatò hwa gbèyi tɛ nanù, e gbeyà ndi o a ɛnɛ oma hwa uti ndi mònàmɛ̀ mo awu o ŋmanyu yà lohwà. Ène e hwɛ ndi nàa mɔ̀nɔ̀ŋgɔ̀ ema mo eti, o lì ètìrzɛ̀ kɔ̀yi-kɔ̀yi hweyà ema hwe o jɛ̀ɛ̀ o worzo. Àŋga nanù wɔ̀ hwa o luwa lòŋgɛ la jɔ̀kɛ̀ la kɔ̀yi-kɔ̀yi.

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

Hwègbèèlì 9:14

Ndeŋgànɛlɛ mɔ̀ à jànì wònjà naŋgɛ anu Dàmàrzkɔ̀rzì ema ipìlìrzì ndɛnɛ ì mò ŋgbelì, ò lì ŋgbaŋgɛ hwatò hwa arzɛ ema hwa kanɛ̀ ò lìnà là aŋgɔ̀.”

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Ɛ̀hvìrzìyà 2:20

È hwèlì ndi nàa hwèèmà ema hwa gbeyàna o lì oŋgà e ndawò. I àpɔ̀rzìtòlò na hwà-òhwèlì hwa hwèlìŋgɛ̀ hwa gbèyi ndi nàa mɔ̀nɔ̀ŋgɔ̀ mo e ndawò. Yerzù Krirztò mɔ̀ ŋmìti ndi à hwèlì lìwondi la tina.

Ròmànì 11:2

Lohwɛ̀ a rzi kìnyɛ̀lɛ̀yi hwatò hwa eni, ema mɔ̀ à mà lòme lì hvɔ̀rzɔ̀, natɛ̀ɛ na ò hwewòtelì. Inyɔ e hwi mamɛ ema e tìlahwì ò e kààtì ya Lohwà nɛ Èlàyijà à mà hwɛ lì rzòrzòmeya Lohwɛ̀ ò lì mò òhweyà hweyà ema hwatò hwa Irzàyɛ̀lì hwà mà hwɛ lì gbeyà.

Lukàrzɛ̀ 6:48

À hwèlì ndi nàa mòtò ema a òŋgà wòòŋgì. Èma a rzɔ̀ŋgɛ̀lɛ̀yi mawòndì ò mɔ̀nyɛ̀, ema mɔnɔ̀ŋgɔ̀ mò eni mò tɛmi ò ŋmanyu yà èwòmà ya lìŋyàyi. È hvònda ema è mbuwà e mà yɔ, è tɔ̀ndɛ̀ ema ɔ̀ndɔ̀, e lìhwa èŋge ndawò nà ŋginyà ndi è rzi tànɛyi lì wùulɛ èŋge ndawò, èhwanja è mà òŋgàhwa gbamù.

Ròmànì 15:9

A ma jà aŋga nanù, hwatò ema hwa rza enje wònyà Yudà hwa ò ŋgba Lohwɛ̀ jeka lì hvòmɛ̀nɛ̀ ììlì ema Lohwɛ̀ à mà hwa uŋmɛ̀lɛ̀. Ɔ̀ndeŋgàtɛ̀ nanù ndi e tìlahwì ò e kààtì ya Lohwà nanù ema, “O eŋgànɛ̀lɛ̀ rzɔ, imba na ò eka ò ìtììtènì ja hwaŋga hwatò ema hwa rza enje wònyà Yudà, nà ò embeya mɛ̀rzɔkɔ ò lì eka lìinà là aŋgɔ̀.”

Hwèwulùwèlì 21:14

Èŋge ŋgawo ya eŋge mbowà ndɛɛndɛ e ma oŋgahwa ndi o ŋmanyu ya lìyome la mènɔ̀ŋgɔ̀ na mehwakɛ, mìinà mà lìyome la àpɔ̀rzìtòlò na mahwakɛ me ama e Ŋgumà ya Mɔ̀lɛ̀ŋgù me mà tìlahwa o ŋmanyu ya mene mènɔ̀ŋgɔ.

Hibrù 11:10

Abràhamù à mà hwɛ ndi lì lìya o mawondo ò lì ambɛlɛlɛ e hvonda ema a o lìya o mbowà ndɛnɛ ema Lohwɛ̀ mɔ̀ ŋmìti à mà woŋgirzɛnɛ na lì oŋga la mɔ̀nɔ̀ŋgɔ̀ ema mo eti.

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Hwèwulùwèlì 17:8

È nyàmà yà wòhwe ema ò ɛ̀neyàyi è mà lòma lì hwɛ lòŋgɛ, ndi ò nàŋgɛ è rza enje lòŋgɛ. È ò uwɛlɛlɛyi ndi ò ehvɔ̀ndi ema è rza ohvɛ lìrzùkù rzi è ɛndɛ ò èki ema hwa ò è oŋwa. Hwàto ema hwa lìya ò rze yà mɔ̀nyɛ̀ ema lìwòteyà hwèwèkelì hwe ene rze Lohwɛ̀ à rzi tilɛ mìinà mà awu ò tenì yà è kààtì ema è ohvi mìinà mà hwatò ema hwa lùwa lòŋgɛ ema lì rza kuwa, hwa mà tàmà. Hwa mà tàmà ò lì ɛnɛ è nyàma yà wòhwe ema è mà hwɛ lòŋgɛ, rzìi è rza enje lòŋgɛ ndèŋgànɛ̀lɛ̀ è ò hwɛ ò lòŋgɛ hvɛ.

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Yòwanìrzɛ̀ 3:33

Tɔ̀ ima mɔ̀ ema a emeyà mamɛ ema a òhwi, nanù ò ma a emelì na ŋmèma mò eni mò arzɛ ema Lohwɛ̀ a hwèlì ndi Lohwɛ̀ na e jɔ̀kɛ̀.

1 Tìmotì 3:15

Nà e tìleya hwene hweyà ema e hwɛyi o lì hwe gbèeyà aŋga nanù na rza akɛlɛ tɛ lì jà, e hwɛni lì hwiya ɛ̀ɛ̀mɛ̀ ema hwatò hwa Lohwà hwa àŋgàmɛ̀nɛ̀yi lì hwɛnɛ. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ ndi à hwa ɔŋgeya. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ a hwèlì lòŋgɛ. Moŋgo ŋmèmba mo hwèlì ndi nàa lìwondi na ɛ̀ɛkɛ̀ ema hwe rzulɛ gbamù eyà ya Lohwà.

Makòrzì 12:16

Hwà mà mò jàneyà èŋge kahvà rzìi a hwa ijòwà nanù ema, “Èlìŋgɛ̀ ya ama njɛnɛ ene e? Liinà la ama njɛnɛ lìni e?” Hwa mà mò alàhwɛ̀ nanù ema, “È hwe ama Kayirzà.”