2 Tìmotì 1:5 - Mokpwe: Bakwery (New Testament)

⁵ Nà ɔ̀ŋgɛ̀lɛ̀ nanù ema ò mà lòkɛ Yerzù Krirztò nà è jɔ̀kɛ̀. Liŋgi lì lòkɛ̀ mɛnɛ ndi è mbamba yà aŋgɔ̀ wà molanà Lɔ̀yìrzì nà nyɔ̀ŋgɛ wà aŋgɔ̀ Yùnìrzì wɔ̀ hvɛ hwa mà hwɛnɛ. Nà lòkɛ̀ nanù ema ò nàŋgɛ nanù, lìŋgi lìlòkɛ̀ mɛnɛ ndi wà hvɛ ò hwɛni.

2 Tìmotì 1:5 Referans Kwoze

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

Hwègbèèlì 16:1

Hwa Pàwolò hwa mà ɛ̀ndɛ ò mbòwa ndɛnɛ yà Dɛ̀bì na Lìrzìtìrà. Mòtò mɔ̀kɔ à mà hwɛ aŋga ema à mà hwɛ̀lɛ̀hwɛ̀ Tìmòtì. Nyàŋgò wà eni à mà hwɛ ndi mòlanà wa wònyà Yudà ndèŋgànɛ̀lɛ̀ mɔ̀ hvɛ à mà lòkɛ̀ Yerzù, ndi e tatɛ̀ ya eni e ma hwɛ ndi mòtò wa Grìki.

1 Tìmotì 4:6

O òkolɛ tɛ hwatò ema hwa lòkɛ̀ Yerzù hwene hweyà, e hwɛ ndi nanù ema o hwɛ ndi mògbèèlì hwa gbamù hwa ama Yerzù Krirztò. O ètìrzɛ̀hwɛ o èlìŋgɛ̀ èhwanja o ŋmɛ̀ndì ema o lòkɛ̀yi, ndeŋgànɛ̀lɛ̀ hvɛ hwèyòkòwèlì hwe ama Lohwɛ̀ ema o nɔ̀ŋgɔ.

2 Tìmotì 3:15

Ndeŋgana o hwi ema lìwòteyà o hwàna o ma hwiya mamɛ eyà ya Lohwà e hwèlì. Ène eyà ya Lohwà yɔ ndi e o ŋgbelì lìhwiyè o lì hwiya nanù ema Lohwɛ̀ à mà o rzùŋga èhwanja o lòkɛ̀ Yerzù Krirztò.

Ròmànì 15:14

Wònyàmòwe kòkò imba mbiti ò tɛ̀ɛ̀tɛ̀ɛ na hwi nanù ema inyɔ hwiti e òhvi mèèmà me gbamù ò lì gbeyà hweyà ema Lohwɛ̀ a arza nanù ema e gbeye, e rzɔ̀ŋgìtɛ̀nɛ̀ hweyà gbamù, ndeŋgànɛ̀lɛ̀ e tànɛyi lì àwòkòlɛ̀nɛ̀ mɔ̀kɔ na ɔ̀nɛyi.

Hibrù 6:9

Ìi wònyamòwè kòkò, ndi tɔ̀ nɛ na e ohweyà nanù, na lòkɛ̀yi nanù ema inyɔ e gbeyà hweyà o ŋgana ema è ò luwɛ hwèèmà hwe gbamù hwe lìrzùŋgàhwa.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Kɔ̀rintìyà 6:6

Ima awuŋmɛ̀lɛ̀ hvɛ nanù ema i hwèlì ndi hwàgbèelì hwa ama Lohwɛ̀ na oma i ma gbeye hweyà hwe gbamù na mèèmà ema me rzaŋgi, Lohwɛ̀ à mà jo ŋgba lì rzɔŋgìtɛ̀nɛ̀ o lì hwiya e nyayi ya lòŋgɛ ema i hwɛni lì lìya, lì àjùlɛ̀, na lì ohva ŋmèma mo gbamù o lì oŋgòwànà hwatò. Èlìŋgɛ̀ ya wòtani ndi e jo timba, ndèŋgànɛlɛ i lìŋgàni hwatò hwa arzɛ na ŋmèma mɔ̀kɔ.

Ròmànì 8:38

Imba nà hwi kɔ̀yi-kɔ̀yi nanù ema ò rza enje tɔ̀ yòma ema è tànɛyi lì jò kakòhwà nà è ndìŋgɛ ema Krirztò à jò hwɛ̀nèlì. Ŋga kpelì, ŋga lòŋgɛ. Ŋga i aŋgèlì, ŋga hwàkànèlì, nà iŋginyà ema i hwèlì ò ŋmanyu yà lohwà. Ŋga ò ene hvònda ema i hwèlì naŋgɛ, ŋga ò è hvònda ema è ò jɛ̀ɛ̀ e?

Ròmànì 4:21

A ma lòkɛ̀ na e tɛ̀ɛ̀tɛ̀ɛ nanù ema Lohwɛ̀ a gbeyà mamɛ à mà kàkɛ̀nɛ̀.

Hibrù 11:13

Hwàŋga hwatò hwa koohwa hwà ma hwɛnɛ lì lòkɛ̀ natɛ̀ɛ na o kpelì. Tɔ̀ nɛ wɔ̀ hwa rzi luwe hweŋge hwèèmà ema Lohwɛ̀ à mà hwa kàkɛ̀nɛ̀ nanù ema a hwa ŋgba, ndi wɔ̀ hwà mà ɛnɛ hwèŋge hwèèmà hvoohvo hwe ma hwa òkìrzɛ̀ mɔ̀nyɛ̀ŋgì. Wɔ̀ hwa rzìi hwaŋge o lì ohwa nanù ema, hwa hwèlì ndi hwàyɛ̀nì ema hwa rza ohvɛ èki ya lì lìya anu rze ya mɔ̀nyɛ̀.

Ròmànì 14:14

Nà òma na hwèlì mɔ̀kɔ na e Rzàŋgò Yerzù, hwe nò òkòlɛ̀ ò lì hwiya kɔ̀yi-kɔ̀yi nanù ema ò rza enje tɔ̀ mòlelì ema ò mɔ̀ ŋmìti mò rza rzaŋgɛ ò wòrzò wò ama Lohwɛ̀. Ndi ò hwèlì tɛ mòtò ema a lutelì nanù ema ò hwèlì mòlelì ema mò rza rzaŋgɛ ò wòrzò wò ama Lohwɛ̀, a rzi mò laa.

Ròmànì 14:5

Lòŋgò la hwatò hwa lùtèyà nanù ema ò hwèlì lòŋgò la hweyu ema hwe hwɛni wòlìtò lì aka hwenɛyi. Lòŋgò la hwatò hvɛ hwa lùtèyà ndi nanù ema hweyu hwe arzɛ hwe hwèlì ndi nyayi hvɔ̀kɔ. Inyɛ̀ tɔ̀ ima mòtò a wòwe nanù ema tɔ̀ mamɛ ema a lùtèlì e mò lɔ̀ɔnì.

Hwègbèèlì 26:26

Kìŋgɛ̀ Agrìpa kòkò, na tànɛyi na ò òhwìrzɛ̀nɛ̀ na e kumba ehwànja na hwi nanù ema ò rzɔ̀ŋgitɛ̀nɛyi hwene hweyà hwe arzɛ. Nà lòkɛ̀ nanù ema ò rzɔ̀ŋgìtɛ̀nɛ̀ hweyà hwe arzɛ ema hwe ma gbèyɛ̀nɛ. Èhwànja hweyà ema hwe gbèyɛ̀nɛyi hwe rza gbèyɛ̀nɛyi ndi ò jututa.

Yòwanìrzɛ̀ 1:47

Nà òma Yerzù à mà ɛnɛ Nàtànìyɛ̀lì à jà rzìi à òhwa lì mò hvòmɛ̀nɛ̀ nanù ema, “Ɔ̀ŋgɔ tɛ, è timɛtìmɛ yà ŋmanà wà mùnyanà hwa Irzàyɛ̀lì ònò mòtò ema à rza òhvɛ̀yi tɔ̀ njɔ̀mi!”

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.