2 Kɔ̀rintìyà 6:5 - Mokpwe: Bakwery (New Testament)

⁵ Ima ananahwa, ima ikahwa o hwèwòwà, ŋgindi e ma jo urzuweyà. I ma gbeyà èwòlò ema ye eti, i ma lìya ehvɛ̀nyɛ̀ na njàwò.

2 Kɔ̀rintìyà 6:5 Referans Kwoze

2 Kɔ̀rintìyà 11:27

Nà ma gbeyà rzayi-rzayi ja hwèwòlò hwe ŋginyà, rzayi-rzayi ja ŋgèlì hvɛ nà mà lìya na hwehvɛnyɛ. Marzako hvɛ na rzi luwe tɔ̀ yoma ya lì laa tɔ̀ e yɔ la lì nyɔ, na rzi hwɛnɛ hvɛ tɔ̀ e hvolo ya lì laa mòlelì. Manɛyi marzako hvɛ yùululì ya ŋginyà e ma no kpeya o nyo ema na rza ohvɛ tɔ̀ yoma ya lì wɔtɔ̀.

Hwègbèèlì 17:5

Ndi lòŋgò la hwatò hwa wònyà Yudà hwà mà nòneyà Pàwolò na Rzàyilarzi. O eŋgànɛ̀lɛ̀ rzɔ hwà mà ɛndɛ ò èlùwà ò lì rzaŋga hwatò ema hwà mà òhva hwɛ̀ɛ̀mɛ̀ hwe wòhwe. Hwà mà hwa lata ò lì gbeyà ŋgindi ya e kanjɛ-kanjɛ, eŋge ŋgindi rzìi e wòteyà ò lì kanja e mbòwa ya arzɛ, rzìi hwa ɛndɛ lì urzuweyà màandà mà ama Jèrzɔ̀nì ò lì arza Pàwolò na Rzàyìlàrzì, aŋga nanù hwa hwà wurzàneya e ŋgindi.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hibrù 13:23

Nà arza ema e hwiye ema ŋmanyàŋgo wa arzu Tìmòtì, à mà ulɛ̀hwɛ o ndawò ya hwèwòwà. A no ùŋmànɛ̀lɛ̀ tɛ karzi-karzi je e jèeya.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.

Hibrù 11:36

Lòŋgò hwà mà tàkìrzɛ̀hwɛ, hwà mà lorzowahwa, ndèŋgàna hwà mà gbiyɛhwɛ. Hwanɛyi hvɛ, hwà mà rzòŋgɛ̀hwɛ̀ iŋgɔ̀kɔ̀hwì na lì ikahwa o hwèwòwà.

2 Tìmotì 4:5

Ndi o wa Tìmòtì, o hwɛni lì hwiya lì àwòhvɛ̀lɛ̀ la aŋgɔ̀ ihvonda ja arzɛ. O ajùlɛ̀nɛ̀ mòtàkà, o gbèyè èwòlò ya e mòtò ema a ohweyà hwatò Ŋmɛ̀ndì mò Gbamù mò ama Lohwɛ̀, ndèŋgàna o gbeye hvɛ èwòlò ya arzɛ ema Lohwɛ̀ à mà o òhweyà à mà o gbeye.

2 Tìmotì 2:9

Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

1 Tìmotì 4:10

O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

Hvìlipìyà 1:13

Ène eyà e gbèyi, hwàanèlì hwa njuma hwa arzɛ ema hwa ɔŋgeya ewoka ya ama e mòkànèlì, na hwahvɛhvɛ hwatò ema hwa hwèlì anu, hwa hwi nanù ema nà aŋgɛhwɛyi o hwèwòwà ehwànja na hwèlì ndi à mògbèèlì wa ama Krirztò.

Ɛ̀hvìrzìyà 3:1

Lìtiŋga lìni ema imba Pàwolò na e kanɛ̀lɛ̀lɛ̀. Nà hwèlì ndi e mòtò wa hwèwòwà èhwanja na hwèlì ndi mògbèèlì wa ama Yerzù Krirztò ndeŋga na e ohweyà eyà yà Lohwà.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

1 Kɔ̀rintìyà 7:5

Inyɔ ema e hwàahwì, e rzìi a imànɛ̀yi mɔ̀kɔ na ɔ̀nɛyi, o lìnɔ̀ŋgɔ, e hwɛ ndi nanù ema inyɔ ya ahweyànɛlɛ nanù ema, e gbeyà ndi nanù o ŋmàna hvòkà wà hvondà, aŋga nanù ya aŋgbɛ̀ɛ inyɔ hwiti o Màkànɛ. O mburzà ya nanù, e timbe e hwɛ ndi na oma e ma lome lì hwɛ, aŋga nanù Mòkarzɛ̀ à rza e kèkirzɛ, o lì ɛ̀ndɛ o mòrzònje.

1 Kɔ̀rintìyà 4:11

O lìni lìrzako irzɔ i ɛ̀ndɛnɛ ndi na e njàwò na e nyìrzɛ̀ ya malìhwa, i rza ohvi hvɛ tɔ̀ màatù ema mà jo kànɛ̀yi. Hwatò hwa jo anana hvɛ ndi i hvonda ja arzɛ. I rza hwɛnì hvɛ tɔ̀ èki ya lì lìya.

Hwègbèèlì 28:30

Pàwolò à mà lìya ò èŋge mbòwa meya me hwàkɛ ò tenì yà ndawò ema mɔ̀ ŋmitɛ-ŋmitɛ à mà hwɛ lì tàŋga è lɛndi. À mà kàrzɛ hwatò hwa arzɛ ema hwa mà mò jèeya.

Hwègbèèlì 26:29

Pàwolò rzìi a mò timbirzɛlɛlɛ nanù ema, “Nà kànɛ Lohwɛ̀ nanù ema, ŋga ò ŋmanà hvòka wa hvònda tɔ̀ ò hvònda ema e wawi, rzeketɛ ò wà witi ndi tɔ̀ njɛnɛ hvɛ ema a nò òkànèyà yawònò mɔ̀ hvɛ a tànɛ lì hwɛ na òma imbahvɛ na hwèlì. Nà rza kanɛ̀ ndi nanù ema hwa e kake ŋgɔ̀kɔ̀hwì na òma hwa nò kaki e jɔ nàŋgɛ nanù.”

Hwègbèèlì 26:10

Ò jɔ̀kɛ̀, nanù ndi nà mà gbeye ò Jèrurzalɛ̀mù. Nà ma luwa wònjà na e pìlìrzì ndɛnɛ ò lì aŋgɛ rzàyi-rzàyi ja hwatò hwa ama Lohwɛ̀ ò hwèwòwà. È ma hwɛ tɛ nanù ema hwà mà akɛlɛ tɛ e mbàkò nanù ema hwa hwɛni lì ŋwa, imba hvɛ mbiti nà mà emeyà.

Hwègbèèlì 24:27

O mburzà meya me hwàkɛ, Pòkìyùrzì Hvɛ̀rzìtùrzì mɔ̀ ndi à mà wòwa e mbòkò ya lìkànèyà la ama e mòkànèlì Hvɛlìkrzi. Hvɛlìkrzi à mà kìnyɛ̀lɛ̀ Pàwolò ò hwèwòwà ehwànja à mà arza lìinà la gbamù ò wòrzò wò hwatò hwa wònyà Yudà.

Hwègbèèlì 23:35

rzìi a mò òhweyà nanù ema, “Imba na ò òkànèyà ŋmàŋgò mò aŋgɔ e hvònda ema hwatò ema hwa ò teŋgɛ̀nɛ̀ hwa ò uka anu.” Mɔ̀ à mà kànèyà hwààna njuma nanù ema hwa ɛ̀ndɛ̀nɛ̀ Pàwolò ò ndawò ya ama Kiŋgɛ. È ndawò ema Kiŋgɛ Hɛ̀rɔ̀di à mà òŋge. Aŋga ndi hwà mà hwɛ lì mò ɔŋgeya.

Hwègbèèlì 23:10

Mòtàŋgò mò ma òlòwa nyayi ema e mòkànèlì wa hwààna njuma à mà òka wɔ̀ŋgɔ̀ nanù ema, wɔ hwa tànɛyi lì tàawa Pàwolò. O eŋgànɛ̀lɛ̀ rzɔ, mɔ̀ à mà àka hwàanèlì wa eni hwa njuma ò lì rzihwa ò tenì ya e ŋgindi, ò lì wòwa Pàwolò ò ìtììtènì ja awu, lì ɛndɛ lì mò uta ò ndawò ya ŋguhwa.

Hwègbèèlì 20:31

O eŋgànɛ̀lɛ̀ rzɔ inyɔ e wòwe hvònda ò lì ɔ̀ŋgɛ̀lɛ̀ nanù ema nà mà hwɛ lì òkòlɛ inyɔ hwa arzɛ ò tenì ya ŋmerze na wuu, ò hvòka ya meya meyawò ò tenì ya lìtake.

Hwègbèèlì 14:23

O tɔ̀ ima ŋmèmba ema wɔ̀ hwà mà uke, wɔ̀ hwà mà hwɛ lì hvɔ̀rzɔ̀ hwatò ema hwa ò timbàa ŋmèmba mò arzɛ. È hvònda ema hwà mà kànɛ̀ na lì hwɛ ò mòkìyà njàwò, hwà mà ŋgba hwaŋga hwàtimbèlì ò màà mà ama Rzàŋgò ema wɔ̀ hwa ika lìlòkɛ̀ la awu.

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Hwègbèèlì 13:3

Nà òma hwà mà kulɛ mòkìyà njàwò na màkanɛ̀, hwà mà hwàkɛ maà ma awu ò ma Bànàbàrzì na Rzàwòlò rzìi hwa hwà òhweyà nanù ema hwa ɛ̀ndɛ.

Hwègbèèlì 5:18

Hwà mà ŋgbaŋgɛ I àpɔ̀rzìtòlò rzìi hwa hwà ika ò hwèwòwà ema e ma hwɛ ò mbòwa.

Matiyò 14:10

O èŋgànɛ̀lɛ̀ à mà òma hwatò ò hwèwòwà ema hwa rzenjòwe Yòwanìrzɛ̀ mòòhvò mò eni.

Matiyò 14:3

Hɛ̀rɔ̀dì à ma òhwa ndi nanù èhwanja mɔ̀ à mà òma hwatò ema hwa lɛ̀mbɛ̀ Yòwanìrzɛ̀, hwa ma mò kake e ŋgɔ̀kɔ̀hwi rzìi a mò aŋgɛ ò hwèwòwà. A ma gbeyà ndi nanù lì hvòmɛ̀nɛ̀ e jòjìyɛ̀ ya eni Hɛ̀ròdìyàrzì, ema à mà lòma lì hwɛ e jòjìyɛ̀ ya ama ŋmanyàŋgò wa enì Hvìlìpì.

Matiyò 9:15

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa hwà tànɛyi lì lìya rzɔ̀lùù wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi! Ndi o ò jà wùnyà ema wò ò hwa wòwàna è mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.