2 Kɔ̀rintìyà 5:16 - Mokpwe: Bakwery (New Testament)

¹⁶ Li wòteya nàŋgɛ, inyɛ i rza wowa hwatò na oma hwa ɛneya. Tɔ̀ nɛ o ma hwɛ lìrzako ema i ma hwɛ lì ɛnɛ Yerzù na mìirzɔ ma hwatò hwa hwènàmà i rza mo ɛnɛ nanù hvɛ.

2 Kɔ̀rintìyà 5:16 Referans Kwoze

Kòlòrzìyà 3:11

ò rza enje hwèkàkòwèlì ò hwatò hwa wònyà Yudà nà hwatò ema hwa rza enje wònyà Yudà, tɔ̀ mòtò ema à endàhwì tɔ̀ è mɔ̀ ema à rza endàhwɛ̀. Ò rza enje hwèkakòwèlì ŋga mòtò à hwèlì ndi ŋmɛ̀nì tɔ̀ mòtò wà hwaŋga tɔ̀ mòtò wà wònja. Krirztò ndi à hwèlì hweyà hwe arzɛ, ndèŋgànɛlɛ à hwèlì ò tenì yà inyɔ hwa arzɛ.

Yòwanìrzɛ̀ 6:63

Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Yòwanìrzɛ̀ 15:14

È hwèlì ndi imbunda ja ami e gbèyi tɛ mamɛ ya arzɛ na arza ema e gbeye.

Yòwanìrzɛ̀ 2:4

Yerzù à mà mò alàhwɛ̀ nanù ema, “Ìi mòlanà kòkò, ò rza àŋgàmɛ̀nɛ̀ lì nò òhweyà mamɛ ema na hwɛni lì gbeyà. Ndi e hvònda ya ami e rzi ɔlɛyi.”

Matiyò 10:37

“Tɔ̀ ima mòtò ema a lìŋgàni e rzàŋgò tɔ̀ e nyàŋgò ya eni lì nò aka, a rza tànɛyi lì hwɛ e mòòkòwèlì wa ami. Tɔ̀ ima mòtò ema a lìŋgàni e ŋmanà ŋgɔ̀ndɔ̀ tɔ̀ e mberza ya eni lì nò aka, a rza uki hvɛ tɔ̀ lì hwɛ e mòòkòwèlì wà ami.

2 Kɔ̀rintìyà 11:18

Nà oma rzayì-rzayì ja hwatò hwa hwèlì o lì kùmba i kòkò na màà mà awu, nàa hwatò hwa ene rze, imbahvɛ na gbeyà nanù mɛnɛ.

Yòwanìrzɛ̀ 8:15

Inyɔ e kàyìrzɛ̀ ndi hwetɛmelì hwe ami hwe mòtò wa hwènàmà, imba na rza kàyìrzɛ̀ tɔ̀ mòtò mɔ̀kɔ

Hvìlipìyà 3:4

Tɔ̀ nɛ imba mbiti na ohvi lìtiŋga o lì ika lìlòkɛ̀ la ami o hweyàrzèlì hwe e mòtò wa hwènàmà. Tɔ̀ njɛnɛ ema a hwèlì o ìtììtènì ja anyu ema a ɔ̀ŋgɛlɛ nanù ema a ohvi lìtiŋga o lì ika lìlòkɛ̀ la eni o hwema hwe e mòtò wa hwènàmà, nanù oma imba na ohvi màtiŋga o hweŋge hwema lì aka nanù.