Biblia Todo Logo
Bib sou entènèt

- Piblisite -




2 Kɔ̀rintìyà 11:6 - Mokpwe: Bakwery (New Testament)

6 Nà tànɛyi na rzi hwiye o lì ohwe o ìtììtènì ja hwatò na oma wɔ hwa ohwa, ndi imba na rzɔŋgìtɛ̀nɛ̀ hweyà hwe arzɛ ema imba na ohwa. I ma e tɛlɛlɛ hwene hweyà hwe arzɛ ema i gbeyà.

Gade chapit la Kopi




2 Kɔ̀rintìyà 11:6
13 Referans Kwoze  

È laŋgi tɛ hweyà ema nà mà tìlɛ̀, è ò àyèmbɛ̀ lì rzɔ̀ŋgìtɛ̀nɛ̀ là ami ò hweyà ema natɛ̀ɛ nà naŋgɛ tɔ̀ mòtò tɔ̀ mɔ̀kɔ à rzi rzɔ̀ŋgìtɛ̀nɛ̀ lì hvomɛ̀nɛ̀ Krirztò.


I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.


Krirztò à rzì nò omè ò lì lùhwìrzɛ̀ hwatò. À mà nò omà ndi ò lì ohwà Ŋmɛ̀ndì mò Gbamù mò ama Lohwɛ̀. Nà rza è ohwane hvɛ nà tɔ̀ mbɔrzi yà gbàŋgò. Nà gbeyànì tɛ è mbɔrzi yà gbaŋgo, èŋge ŋgàna è hwɛ ndi ema, è kpelì yà ama Krirztò ò mbàrza è rze enje tɔ̀ eyà.


Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.


È hvonda nà mà hwɛ na inyɔ nà mà àjùlɛ̀ o lì e uŋmɛ̀lɛ̀ hwèmɛ̀nɛ̀nì ndèŋgànɛlɛ nà mà gbeyà hweyà hwe mànyakà hwe ndɛnɛ o lì uŋmɛ̀lɛ̀ nanù ema na hwèlì ndi àpɔ̀rzìtòlò ema Lohwɛ̀ a omi.


Imba na ohwa ndi nanù èhwanja, lòŋgo la hwatò hwa ohwa nanù ema i kààtì ema imba na e tìleya ji imbami rzayi-rzayi ndèŋgànɛlɛ jo òhvi mbɔrzi ya wòhwe o tenì. Lòŋgo la hwatò hvɛ hwa ohwa nanù ema imba na hwèlì tɛ na wɔ̀, na rza ohva tɔ̀ ŋginyà ndèŋgàna tɔ̀ mamɛ hvɛ ema na ohwa e rza ohva tɔ̀ ŋginyà tɔ̀ hvɔ̀kɔ.


Nà oma i hwi nanù ema e Rzàŋgo e o kàyìrzɛ̀ hwatò, ndèŋgànɛlɛ hvɛ na oma i mo ŋgba èluhwe, i keka o lì gbeyà nanù ema hwatò hwa hwiye nanù ema ŋmɛ̀ndì i hwa ohweyà mo hwèlì ndi e jɔ̀kɛ̀. Lohwɛ̀ a hwi i nyayi ja hwatò ema irzɔ i hwèlì, imba hvɛ na hwi nanù ema inyɔ hvɛ e hwi i nyayi ja hwatò ema irzɔ hvɛ i hwèlì, na lòkɛ̀yi hvɛ nanù ema inyɔ e hwi nanù ema, jo òhwa ndi e jɔ̀kɛ̀.


I rza gbeyàna ndi è mbɔrzi ema e mòtò wà hwènàmà a gbeyàna lìhwiyè là eni o lì okolɛ̀nɛ hwatò. Ndi i gbeyàna ndi mamɛ Èlìŋgɛ̀ yà Wòtani e jo lìyɛlɛ o lì ohwa. I gbeyàna ndi e mbɔrzi ema Èlìŋgɛ̀ yà Wòtani e jo òhweyà lì hvomɛ̀nɛ̀ hwèŋge hweyà.


Nà arza nanù ema e jo lìŋgàne na mèèmà me anyu i rza tònànì tɔ̀ mòtò, i rza lìyɛlɛ tɔ̀ mòtò o màtònà ndèŋgànɛ̀lɛ̀ i rza lùkɛ̀lɛ̀ tɔ̀ mòtò.


Èlìŋgɛ̀ yà Wòtani e lìyɛlɛ mòtò mɔ̀kɔ o lì ohwa hweyà hwe lìhwiyè, èŋge èlìŋgɛ̀ yà wòtani mɛnɛ e lìyɛlɛ o hvɛhvɛ mòtò o lì okolɛ̀ hwatò na lìhwiyè.


Ima awuŋmɛ̀lɛ̀ hvɛ nanù ema i hwèlì ndi hwàgbèelì hwa ama Lohwɛ̀ na oma i ma gbeye hweyà hwe gbamù na mèèmà ema me rzaŋgi, Lohwɛ̀ à mà jo ŋgba lì rzɔŋgìtɛ̀nɛ̀ o lì hwiya e nyayi ya lòŋgɛ ema i hwɛni lì lìya, lì àjùlɛ̀, na lì ohva ŋmèma mo gbamù o lì oŋgòwànà hwatò. Èlìŋgɛ̀ ya wòtani ndi e jo timba, ndèŋgànɛlɛ i lìŋgàni hwatò hwa arzɛ na ŋmèma mɔ̀kɔ.


Swiv nou:

Piblisite


Piblisite