2 Kɔ̀rintìyà 11:11 - Mokpwe: Bakwery (New Testament)

¹¹ È ɔ̀ŋgɛ̀lɛ̀yi ema na ohwa ndi nanù èhwanja na rza e lìŋgàni e? Lohwɛ̀ a hwi ema na e lìŋgàni.

2 Kɔ̀rintìyà 11:11 Referans Kwoze

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 7:3

Nà rza ohwi hwenè hweyà nanù o lì e akɛlɛlɛ mbako ya wòhwe. Nà ma loma lì e tìleya nanù ema, irzɔ i e lìŋgàni rzayi-rzayi, tɔ̀ e hwɛ ndi o kpelì tɔ̀ o lòŋgɛ, i hwɛni ndi o lì hwɛ mòtò moko.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

2 Kɔ̀rintìyà 11:31

Lohwɛ̀, e Tatɛ̀ ya ama Rzàŋgo Yerzù Krirztò a hwi nanù ema na rza kɔ hweyà. Jèka i hwɛ na mɔ̀ o gbìndèyà nà ò gbìndèyà.

Hwègbèèlì 15:8

Lohwɛ̀ ema a hwi mèèmà me hwatò, à mà uŋmɛ̀lɛ̀ nanù ema à mà ŋgba hwaŋga hwatò ema hwa rza enje wònyà Yudà è wònjà ò lì lòkɛ̀, na òma à mà hwa ŋgbe Èlìŋgɛ̀ yà Wòtani, ŋgàna hvɔ̀kɔ mɛnɛ na òma à mà jò ŋgbe irzɔ hvɛ e yɔ.

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

2 Kɔ̀rintìyà 11:10

Nà oma na ohwa e jɔ̀kɛ̀ na mòtò wa Krirztò, tɔ̀ mòtò tɔ̀ mɔ̀kɔ o erzòòkà ya Àkayiyà a rza tanɛ a no tɛmirzɛ o lì kùmba lìya la ami o kòkò ema na rza lu etàŋgì na inyɔ.

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.