2 Kɔ̀rintìyà 1:14 - Mokpwe: Bakwery (New Testament)

¹⁴ Nà oma e ma màa lì rzɔ̀ŋgìtɛ̀nɛ̀, lòŋgo la hweyà lì jo hvomɛ̀nɛ̀, na lòkɛ̀yi ema, e o jo rzɔ̀ŋgìtɛ̀nɛ̀ kɔ̀yi-kɔ̀yi. Ène eyà e o gbeyà e hvonda ema Rzàŋgo Yerzù a o jɛ̀ɛ̀ e o òhwa ema e hwɛnì kumba na irzɔ na oma irzɔ hvɛ i hwɛnì kumba na inyɔ.

2 Kɔ̀rintìyà 1:14 Referans Kwoze

Hvìlipìyà 2:16

È ohweyà hwatò ŋmɛ̀ndì mò gbamù ema mo hwa ŋgbàà lòŋgɛ la gbìndèyà. È gbèyi nanù aŋga nanù, na e ohvana kumba o wùnyà ema Krirztò a o jɛ̀ɛ̀. Nà arza lì àyekìrzɛ ehwànja e o uŋmɛ̀lɛ̀ na e jɔ̀kɛ̀ nanù ema lì umbɛlɛlɛ la ami la arzɛ na èwòlò ya ŋginyà ema nà mà gbèèyɛ̀ hwe rza o ɛndɛ ndi ŋgundu.

1 Kɔ̀rintìyà 1:8

Rzàŋgo Yerzù mɔ̀hvɛ à hwɛnì lì è etìrzɛ̀ màlòkɛ̀ mà anyu, natɛ̀ɛ nà ò lìrzukù là ene rze. Ò lì arza nanù ema è rza hwɛnɛ lùùrzè ò wùnyà wà ama Rzàŋgo Yerzù Krirztò a o jà o lì kàyìrzɛ̀ hwatò hwa arzɛ.

1 Tɛ̀rzàlonìyà 3:13

I kànɛ ndi nanù, aŋga nanù Rzàŋgo Yerzù a e ètìrzɛ̀ mèèmà me anyu aŋga nanù e rza hwɛnɛ tɔ̀ lìtɔ̀tì tɔ̀ lɔ̀kɔ la mààtòo ma wòhwe o inyo ja anyu, na lì hwɛ wòtani o worzo wo ama Lohwà la arzu na Tàtɛ, e hvonda ema Rzàŋgo ya arzu Yerzù Krirztò a o jɛ̀ɛ̀ na hwatò wa eni hwa arzɛ.

Hvìlipìyà 4:1

O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

Hvìlipìyà 1:10

Àŋga nanù inyɔ e o hwiya hweyà ema hwe lɔ̀wu rzayi-rzayi. Ène eyà e gbeyà inyɔ e hwɛ wòtani o worzo wo ama Lohwɛ̀, ndèŋgànɛ̀lɛ̀ inyɔ e rza o hwɛnɛ hvɛ tɔ mehwɛlɛ, o Wùnyà ema Krirztò a o jɛ̀ɛ̀ hvɛ.

1 Tɛ̀rzàlonìyà 5:23

Inyɛ̀ Lohwɛ̀ mɔ̀ ŋmìti ema a jo ŋgba ɛ̀yɔ̀lɛ̀ inyɛ a gbeeye inyɔ e hwɛ wòtani o hweyà hwe arzɛ. Inyɛ̀ e tɛ̀yirzɛ èlìŋgɛ̀ na inyɔ hwa arzɛ gbamù, ndèŋgànɛ̀lɛ̀ e rzi hwɛnɛ tɔ̀ lìtɔ̀tì tɔ̀ lɔ̀kɔ la màatò ma wòhwe o nyo ya anyu natɛ̀ɛ na e hvonda ema e Rzàŋgo ya arzu Yerzù Krirztò a o jɛ̀ɛ̀.

Hvìlipìyà 1:6

Nà lòkɛ̀yi nanù ema Lohwɛ̀ ema à mà wòteyà ò lì gbeyà hwene hwèwòlò hwe gbamù ò ìtììtènì ja anyu, à hwɛ ndi ò lì hwe gbeyà natɛ̀ɛ à hwe kulɛ̀ Wùùnyà ema Yerzù Krirztò à ò tìmbɛ̀ ò lì jà.

2 Kɔ̀rintìyà 5:12

Irzɔ i rza àwòhwànɛ̀lɛ̀ o lì hvomɛ̀nɛ̀ hweyà hwe gbamù hvɛ. Ndi irzɔ ja arza nanù ema e ohve lìtiŋga o lì jo gbaana e kumba, aŋga nanù e hwɛnɛ eyà ya lì ohweyà hwatò ema hwa hwɛni kumba o mamɛ ema hwa gbeyà ema hwatò hwa ɛnɛ, rzeketɛ o hweyà ema hwe hwèlì o mèèmà me awu.

2 Kɔ̀rintìyà 2:5

È hwiye nàŋgɛ nanù ema mòtò a gbèyi tɛ eyà ema e gbeyà hwatò hwa hwɛnɛ ndùtù, rzeketɛ imba mɛnɛ ndi à gbèelì nanù, a e gbèelì ndi inyɔ hwa arzɛ. Ndi ene eyà e hwèlì ndi eyà ema na rza ohwa rzayi-rzayi.

Ròmànì 11:25

Ìi wònyànyàŋgò wa ami kòkò, na arza nanù ema e rzɔ̀ŋgìtɛ̀nɛ̀ eyà ema natɛ̀ɛ na nàŋgɛ tɔ̀ mòtò a rzi rzɔ̀ŋgìtɛ̀nɛ̀, aŋga nanù e rzi lùteyà nanù ema e òhvi lìhwiyè rzayi-rzayi. Nà arza nanù ema e rzɔ̀ŋgìtɛ̀nɛ̀ nanù ema, maniyà mà lòŋgò la hwatò hwa Irzàyɛ̀lì ma ò hwɛ natɛ̀ɛ na ò hwaŋga hwatò hwa arzɛ ema hwa rza enje wònyà Yudà ema hwa rza lòkɛ̀ hwa ò lòkɛ̀.

1 Kɔ̀rintìyà 15:31

Ìi wònyàmowe, imba na tɛ̀mɛ̀ o worzò wo kpelì wùnyà tɛ. Hwèkòòwà ema na e ohvani, na oma e hwèlì mòtò mɔ̀kɔ na Yerzù Krirztò, e Rzàŋgo ya arzu hwe ɔ̀ndi hwe gbeyà a na ohwa ene eyà.

1 Kɔ̀rintìyà 11:18

Èya ya worzò e hwèlì ndi ema, na ohwayɛlɛyi nanù, ema, e aùŋmanɛ tɛ o lì kanɛ̀, o hwèlì lì akahwanɛ̀ o ìtììtènì ja anyu. Nà e jɔ̀kɛ̀ na lòkɛ̀ ene eyà teŋyi.

Hvìlipìyà 1:26

Ène eyà e gbeyà nanù ema na oma na e hwèlì na inyɔ, e o hwɛnɛ lìtiŋga o lì eka Krirztò o nyòla ami.

2 Kɔ̀rintìyà 9:2

Nà hwi ŋmèma ema e ohvi o lì hwa òŋgòwàna, ndèŋgànɛlɛ na e ohvani kumba o ŋmèma ema e ohvi o lì oŋgòwànà hwatò hwa erzòokà ya Màrzèdonìyà. Nà ma hwa ohweyà nanù ema, “Inyɔ ema e hwèlì o erzòokà ya Àkayiyà, e ma wòŋgìrzɛ̀nɛ̀ natɛ̀ɛ na o ŋma mo mburza o lì hwa ŋgba wolì.” Ŋmèma ema e hwɛni o lì oŋgòwànà hwatò me ma kɔ̀mɛ̀lɛ̀ rzayi-rzayi ja hwatò ò lì gbeyà nanù mɛnɛ.