1 Yòwanìrzɛ̀ 1:8 - Mokpwe: Bakwery (New Testament)

⁸ Jo òhwi tɛ ema i rza ohvi tɔ̀ wòhwe, nanù oma ja alukɛlɛ ndi irzɔ hwiti ndèŋgànɛlɛ o ma e jɔ̀kɛ̀ e rza enje na irzɔ.

1 Yòwanìrzɛ̀ 1:8 Referans Kwoze

Ròmànì 3:23

Hwatò hwa arzɛ hwà mà gbeyà wòhwe, tɔ̀ mòtò a rza kànɛ lì luwa èluhwe ya ama Lohwɛ̀.

Jèmìrzì 3:2

Irzɔ hwa arzɛ i yɔ̀ki lì gbeyà màtona o jòòhwì. È mòtò ema a rza gbeyà tɔ̀ lìtona a hwèlì ndi mòtò ema a tɛmi ehve-ehve a tànɛyi hvɛ lì kànèyà e nyo ya eni ya arzɛ aŋga nanù a rza gbeyà lìtona.

1 Yòwanìrzɛ̀ 2:4

Tɔ̀ ima mòtò ema à ohwa nanù ema, “Nà mò hwi” ndi à rzi ika imbenda jà eni, à hwèlì ndi mòtò wà mòlàŋgà ndèŋgànɛlɛ è jɔ̀kɛ̀ è rza enje ò tenì yà eni.

1 Yòwanìrzɛ̀ 1:10

Irzɔ jo òhwi tɛ nanù ema i rzi gbèyi tɔ̀ wòhwe, nanù oma i gbèyi ndi Lohwɛ̀ o lì hwɛ e mɔ̀ wa mòlàŋgà, ndèŋgànɛ̀lɛ̀ eyà ya ama Lohwɛ̀ e rza enje na irzɔ.

Gàletìyà 6:3

Tɔ̀ ima mòtò ema a lùtèyà nanù ema mɔ̀ ndi à hveti, a à lukɛlɛ ndi mɔ̀ ŋmìti. Èŋge tumba mòtò e rza enje tɔ̀ mòtò.

Jèmìrzì 1:26

Tɔ̀ ima mòtò ema a ɔ̀ŋgɛ̀lɛ̀ nanù ema mɔ̀ à gbeyà ndi nà oma Lohwɛ̀ a àrzeyà, rzìi a rzi kànèyà jɛ̀ɛ̀mɛ̀ ja eni, eŋge tumba mòtò a alukɛ̀lɛ̀ ndi mɔ̀ ŋmìti, ndèŋganɛlɛ èwòlò ya eni ema mɔ̀ à gbèeyà Lohwɛ̀ e hwèlì ndi ŋgundu.

1 Tìmotì 6:5

Ène e ma hwa gbeyà ema hwa tɔ̀wɔ mòtaŋgo ihvonda ja arzɛ ŋgàna ema o ambi wɔ̀ lì hwiya mamɛ ema e hvomɛ̀nɛ̀. Hwa rza tànɛyi lì rzɔŋgìtɛ̀nɛ̀ eyà ema e hwèlì e jɔ̀kɛ̀ na e yɔ ema e hwèlì mòlàŋgà. Wɔ̀ hwa ɔ̀ŋgɛ̀lɛ̀ nanù ema, hwa gbèelì tɛ Lohwɛ̀, oma hwà mà tuwa hwèwàŋgì.

1 Kɔ̀rintìyà 3:18

È hwɛmɛ lì alukɛlɛnɛ la inyɔ hwiti. È hwèlì tɛ ema mɔ̀kɔ wa anyu, a ɔ̀ŋgɛ̀lɛ̀ nanù ema a hwɛnì lìhwiyè o ene rze, inyɛ a àtimbirzɛ mɔ̀ ŋmìti èèti ya mòtò, oma à mà lùwa lìhwiyè.

2 Yòwanìrzɛ̀ 1:2

Nà e lìŋgàni ehwànja e jɔ̀kɛ̀ ema i hwi je e hwiya natɛ̀ɛ na o mòlìkɛ̀.

1 Yòwanìrzɛ̀ 1:6

Irzɔ jo òhwa tɛ nanù ema i hwèlì mɔ̀kɔ na mɔ̀ rzi e hwɛ nanù ema mòŋgɛ ma arzu ma hwèlì ndi mòŋgɛ ma jìtìtì, oma i kɔ hweyà, ndèŋgànɛlɛ hwɛ̀ɛ̀mɛ̀ hwe arzu hwe rza enje jɔ̀kɛ̀.

Jèmìrzì 1:22

È gbeye ndi na oma eyà ya Lohwà e ohwa. È rza a ɔnjɛ inyɔ hwiti o lì okànèyà eyà ya Lohwà mɛnɛ.

2 Tìmotì 3:13

Ndi hwatò hwa wòhwe na hwatò hwa menito, hwa o ɛndɛ ndi o worzo ò lì gbeyà hweyà hwe wòhwe, o lì lukɛlɛ hwatò, ndèŋgàna hwahvɛhvɛ hwa o hwa lukɛlɛ.

3 Yòwanìrzɛ̀ 1:3

Nà ma oka mɔ̀nyɛ̀ŋgì rzayì-rzayì lìrzako ema lòŋgo la hwàlòkèlì hwa ama Krirztò hwà mà jèe anu rzìi hwa jo òhweyà nanù ema o hwèlì lì gbeyà na e jɔ̀kɛ̀ mamɛ ema Lohwɛ̀ a arza nanù ema o gbeye nyayi hvɔ̀kɔ na oma o yɔ̀ki lì gbeyà o jɔ̀kɛ̀ mamɛ Lohwɛ̀ a arza nanù ema o gbeye.

2 Pètrò 2:13

Lohwɛ̀ à ò gbeyà nanù ema hwa tàke rzayi-rzayi ehwànja wɔ̀ hvɛ hwa mà tàkìrzɛ̀ hwahvɛhvɛ hwatò. Wɔ̀ hwa lìŋgàni o lì ujìrzɛ̀ e nyɔ̀ŋgi ya e nyàma nyo. Ndeŋgànɛ̀lɛ̀ wɔ̀ hwa rza oka tɔ̀ irzɔ̀ni o lì gbeyà hweŋge hweyà tɔ̀ o ŋmèrze mo wùnyà. Hwa hwèya gbamù o lì gbeyà hweŋge hweyà e hwèlì tɛ nanù ema hwa hwèlì lì laa na inyɔ èki yɔ̀kɔ. O eŋgànɛ̀lɛ̀ rzɔ, hwà mà hvàŋga lìinà la anyu na lì e jàneya irzɔ̀ni.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Ròmànì 3:10

Nà òma e tìlahwi ò kààtì ya Lohwà nanù ema, “O rza enje tɔ̀ mòtò tɔ̀ mɔ̀kɔ ema a tɛmì ehve-ehve na Lohwɛ̀. O rza enje tɔ̀ mòtò tɔ̀ mɔ̀kɔ.

1 Yòwanìrzɛ̀ 4:20

Mòtò à ohwi tɛ nanù ema à lìŋgàni Lohwɛ̀ rzìi à rzìŋgɛ̀ ŋmanyàŋgò wà eni wà ama Krirztò, nanù ò mà à kɔ̀ɔ hweyà. Èhwànja tɔ̀ njɛnɛ ema à rza lìŋgànɛ ŋmanyàŋgò wà eni wà ama Krirztò ema mɔ̀ à ɛnɛ, à rza tànɛ lì lìŋgàna Lohwɛ̀ ema mɔ̀ à rza ɛnɛ.