1 Yòwanìrzɛ̀ 1:3 - Mokpwe: Bakwery (New Testament)

³ Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.

1 Yòwanìrzɛ̀ 1:3 Referans Kwoze

1 Kɔ̀rintìyà 1:9

Lohwɛ̀ à hwèlì à gbeyà mamɛ yà arzɛ ema à mà ohwe nanù ema à gbeyà. Mɔ̀ à è hvɔ̀rzì ò lì hwɛ mɔ̀kɔ nà è ŋmanà wà mùnyanà wà eni Yerzù Krirztò, è Rzàŋgo yà arzù.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Hwègbèèlì 4:20

Irzɔ i rza tànɛyi lì hwɛmɛ ò lì òhwa lì hvòmɛ̀nɛ̀ mamɛ irzɔ hwiti je ɛni na mìirzɔ̀ ma arzu na lì hwèyàna hvɛ màatò ma arzu.”

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Hvìlipìyà 2:1

Nà oma e hwèlì mɔ̀kɔ na Krirztò e kɔ̀mɛlɛhwɛyi, ndèŋgànɛ̀lɛ̀ e ndìŋgɛ ya eni è e ŋgba etembe, inyɔ e alàtanɛ na Èlìŋgɛ̀ yà Wòtani. È awuŋmɛ̀lɛ̀nɛ mèèmà me gbamù na lì a okànɛ̀lɛ̀ mɔ̀kɔ na ɔnɛyi ììlì.

1 Yòwanìrzɛ̀ 1:7

Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.

1 Yòwanìrzɛ̀ 1:1

Nà e tìleya o lì hvomɛ̀nɛ̀ e mɔ̀ ema a hwèlì e mbɔrzi yama Lohwɛ̀ ema e jànà lòŋgɛ. Mɔ̀ à mà hwɛ nàtɛ̀ɛ na o hwewotelì, I ma hweya hweyà o lì mo hvomɛ̀nɛ̀, i ma mo ɛnɛ̀ na mìirzɔ ma arzu, i ma mo ɔ̀ŋgɔ, ndèŋgànɛlɛ i ma mo tahva na màà mà arzù.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hvìlipìyà 3:10

Nà arza lì hwiya Krirztò na o lì hwɛnɛ màyìmbi ema mɔ̀ à mà hwɛnɛ o hwehvùmuwelì hwe eni. Nà lìŋgàni nanù ema na luwe mètàkà ŋgànà hvɔ̀kɔ mɛnɛ na oma mɔ̀ hvɛ à mà me luwe. Ndeŋgànɛ̀lɛ̀ na lìŋgàni nanù ema na luwe mètàkà na oma mɔ̀ hvɛ à mà me luwe, natɛ̀ɛ hwa no oŋwe na oma hwà mà mo oŋwe mɔ̀ hvɛ.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

Kòlòrzìyà 1:13

Mɔ̀ à mà jò ulɛ̀ ò rze yà è ŋginyà yà lìkànèyà là jìtìtì, ndèŋgànà à mà jò jànà ò tenì yà lìkànèyà là ama è ŋmanà wà eni wà ndìŋgɛ yà màlìŋgò.

Hwègbèèlì 20:27

Èhwànja ò rza enje tɔ̀ eyà ema imba na kiyi lì e òhweyà lì hvòmɛ̀nɛ̀ hweyà hwe arzɛ ema Lohwɛ̀ a kimi lì gbeyà.

1 Yòwanìrzɛ̀ 1:5

O nàŋgɛ, ŋmɛ̀ndì ema i ma hweyàne Yerzù Krirztò ndèŋgànɛ̀lɛ̀ je e ohweyà e mɔ̀ mo hwèlì ndi ema, Lohwɛ̀ ndi à hwèlì ŋmàye, ndèŋgànɛlɛ a rza ohvi tɔ̀ matò wa wòhwe o nyo ya ani.

Hibrù 2:12

È tìlahwì nanù ema mɔ̀ à mà ohweyà Lohwɛ̀ nanù ema, “Nà ohweyà wònyànyàŋgo hwa ami hwèyòlòwèlì hwe lìinà là aŋgɔ. Imba na o eka e hwèlì tɛ nanù ema irzɔ na wɔ̀ ja arzàŋganɛ tɛ o èki yɔ̀kɔ.”

1 Tìmotì 6:2

Hwàŋga hwàkòmì ema hwa hwèlì o rze ya hwatò ema hwa lòkɛ̀yi Krirztò, hwa rzi keka lì lùtèyà nanù ema na oma irzàŋgo ja awu i hwèlì ndi hwatò ema hwa lòkɛ̀yi Krirztò. O eŋgànɛ̀lɛ̀ rzɔ hwa rza hwa ŋgba èluhwe. Hwa àŋgàmɛ̀nɛ̀yi lì hwa gbèeyà tɔ̀ lì aka nàa hwa gbèeyà hwatò ema hwa rza lòkɛ̀ Krirztò. Hwa àŋgàmɛ̀nɛ̀yi lì gbèeyà nanù èhwanja irzàŋgo ja awu ema wɔ̀ hwa gbèeyà, i hwèlì ndi hwàlòkèlì hwa ama Krirztò. Ndèŋgàna hwa hwèlì ndi hwatò ema hwàgbèèlì hwa awu hwa lìŋgàna. O òkolɛ hwatò hwene hweyà ndèŋgàna o ètìrzɛ̀ mèèmà me awu o lì hwe nɔ̀ŋgɔ.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Ɛ̀hvìrzìyà 3:6

Hwene hweyà ema è mòtò wà hwènàmà à rzi hwiyɛ hwe hwèlì ndi ema: hwatò ema hwa rza enje wònyà Yudà wɔ̀ hvɛ hwa lu molemilemi mò mònàmɛ̀ ema Lohwɛ̀ à mà ohwa ema à ŋgba hwatò ema hwa hwèlì wònyà Yudà. Wònyà Yudà nà è wɔ̀ ema hwa rza enje wònyà Yudà hwa hwèlì ndi mòtò mɔ̀kɔ. Èya ema Lohwɛ̀ à ohwi ema à gbèeyà wònyà Yudà, è wɔ̀ ema hwa rza enje wònyà Yudà wɔ̀ hvɛ hwa è luwàna mɔ̀rzɛ̀ŋgi èhwanja hwa hwèlì ndi mòtò mɔ̀kɔ nà Krirztò. Ŋmɛ̀ndì mò Gbamù ndi mò gbèyi hwene hweyà hwe arzɛ ema hwe gbèyɛ̀nɛ.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

1 Kɔ̀rintìyà 15:1

Ìi hwa ŋmanyàŋgò hwa ami na indomɛ̀ ja ami, na arza lì e ɔ̀ŋgɛ̀lɛ̀nɛ̀ o Ŋmɛ̀ndì mò Gbamù ema, nà mà e ohweyà. Inyɔ ema mo àyimànɛ̀lɛ̀, o nyòla mòŋgo ŋmɛ̀ndì ɔ̀ndeŋgàtɛ̀ malòkɛ̀ ma anyu ma imbami.

Ròmànì 15:27

Wɔ̀ hwà mà ɛnɛ nanù ema ò lɔ̀wu nanù ema hwa gbeye nanù ò lì hwa òŋgòwàna. Kanatɛ e hwèlì nanù ema mònàmɛ̀ ema Lohwɛ̀ a ŋgbelì wònyà Yudà wɔ̀ hwa hwèlì lì mò gbeyàna na hwatò ema hwa rza enje wònyà Yudà, ò lɔ̀wu nanù ema hwatò ema hwa rza enje wònyà Yudà, wɔ̀ hvɛ hwa òŋgòwane wònyà Yudà ò lì hwa ŋgba hwèèmà nàa mòlelì, wòlì na mààtu.

Hwègbèèlì 13:41

‘È ɔŋgɔ̀ tɛ inyɔ hwatò ema e kikòwa Lohwɛ̀! È ò tàmà, ndèŋgànà e ò ŋwa, èhwanja eyà ema na ò gbèyɛ mene mèenyà, e hwèlì ndi eyà ema inyɔ e rza ò lòkɛ̀, tɔ̀ e hwɛ ndi nanù ema mòtò a e telɛlɛyi e yɔ.’”

Hwègbèèlì 13:32

Nàŋgɛ rzɔ̀ mòŋgò Ŋmɛ̀ndì mò Gbamù mɔ̀ ndi ì mà è jàneyà. Mòŋgò ŋmɛ̀ndì mò hwèlì ndi nanù ema eyà ema Lohwɛ̀ à mà òhwe nanù ema à ŋgba irzàŋgo jà arzu mɔ̀ à mà è òndìrzɛ̀ lì akeyà nà irzɔ.

Hwègbèèlì 2:42

Hwàlòkèlì hwà mà ika mèèmà me awu ò lì òkòwa hweyà ema i àpɔ̀rzìtòlò i ma hwɛ lì hwa òkòlɛ, ndèŋgànɛ̀lɛ̀ hwà mà hwɛ mòndeŋgè na hwatò ema hwa lòkɛ̀ Krirztò. Mɔ̀ na wɔ̀ hwà mà hwɛ lì kànɛ, na lì lalɛnɛ̀ èki yɔ̀kɔ.

Yòwanìrzɛ̀ 17:25

Ìi Tatà ò tɛmi ehve-ehve. È rze e rza ò hwi ndi imba na ò hwi, rzìi hwanù hwa hwi nanù ema ò wa ndi ò nò òmi.

Yòwanìrzɛ̀ 17:11

O naŋgɛ na jà lì ò ùŋmanɛlɛ, ò ŋmanà hvònda na rza ò hwɛ hvɛ ò rze ndi wɔ̀ hwa hwèlì nanù mɛnɛ anù rze. Ìi Tatà wa Wòtani! O wa ò hwa kòmbɛ ò e ŋginyà ya lìna la aŋgɔ, lìinà ema ò ma nò ŋgbe, aŋga nanù hwa hwɛ mòtò mɔ̀kɔ na òma irzɔ na òhwa i hwèlì mòtò mɔ̀kɔ.

Yòwanìrzɛ̀ 19:35

È mòtò ema à mà ɛnɛ hwene hweyà na òma hwe ma gbèyɛ̀nɛ à mà tɛ̀mɛ̀ mbòŋgi, ndèŋgàna e mbòŋgi ya eni e hwèlì ndi e jɔ̀kɛ̀. A hwi nanù ema a òhwa ndi e jɔ̀kɛ̀, ndèŋgàna a òhwa ndi hwene hweyà nanù ema inyɔ hvɛ e lòkɛ̀.

2 Pètrò 1:16

Rzeketɛ màyìtò ema hwatò hwà mà wòndɛ̀yi ndi i ma hwɛ lì e ohweyà, e hvonda ema i ma hwɛ lì ohwa nanù ema e Rzàŋgo ya arzu Yerzù Krirztò e jà hvɛ na ŋginyà. Irzɔ hwitɛ-hwitɛ je ɛnɛ ŋmàye mo eni na mìirzɔ ma arzu.