1 Tìmotì 5:23 - Mokpwe: Bakwery (New Testament)

²³ O rzi lìmeya ndi o lì nyɔ la malìhwa mɛnɛ, o nyɔ hvɛ hwàna mimba aŋga nanù luuŋga la aŋgɔ̀ ema lì yɔki lì o anana lì kuwa.

1 Tìmotì 5:23 Referans Kwoze

1 Tìmotì 4:4

Hwàŋga hwà-òkòlèlì hwa rza hvomɛ̀nɛ̀, èhwanja tɔ̀ mamɛ ema Lohwɛ̀ à mà gbeyɛ, e lɔ̀wu ndèŋgàna o rza enje lìtumba la mòlelì mɔ̀kɔ ema mo hwɛni lì kiyahwa. O eŋgànɛ̀lɛ̀ inyɛ je eke Lohwɛ̀ o lì luwa hwene hwema.

1 Tìmotì 3:8

Hwatò ema hwa oŋgowàna o lì gbèeyà èwòlò ò ŋmèmba hwa hwɛni ndi lì hwɛnɛ ɛ̀ɛ̀mɛ̀ ya gbamù na o lì hwɛ hwatò ema hwa ohwa hweyà na ŋmèma mɔ̀kɔ. Hwa rza hwɛni lì hwɛ hwatò hwa mboma, tɔ̀ lì hwɛ hwatò ema hwa hwèlì njɔ̀ŋgu ya wolì.

Tàyìtùrzì 2:3

Ŋgànà hvɔ̀kɔ hvɛ mɛnɛ, o òkolɛ hwàwululu hwa hwalanà o lì gbeyà hweyà nyayi ema e ŋgbàà Lohwɛ̀ èluhwe o tɔ̀ mamɛ ema wɔ̀ hwa gbeyà. O hwa ohweyà nanù ema hwa rzi keka lì inda tɔ̀ mòtò, hwa rzi aŋgbɛ wɔ hwiti o lì nyɔ mimba emà mà hwa wòmirzɛ̀. Ndi o hwa ohweyà nanù ema hwa okòlɛ̀ hwatò hweyà ema hwe hvomɛ̀nɛ̀.

Tàyìtùrzì 1:7

Kànàtɛ e mòtimbèlì wa ŋmèmba ndi à kànèyà ewòlo ya ama Lohwɛ̀, a àŋgàmɛ̀nɛ̀yi ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòtò ema a rza enje lìhvàma, na mòtò ema a ambi lì tata. A rza àŋgàmɛ̀nɛ̀ lì hwɛ mòtò ema a aŋgbɛ mɔ̀ ŋmìti o lì nyɔ la mimba, tɔ̀ mòtò ema a jànà mòhvùŋgu. Ndèŋgànɛ̀lɛ̀ a rza àŋgàmɛ̀nɛ̀ lì hwɛ njɔ̀ŋgu.

1 Tìmotì 3:3

Ène nyayi ya mòtò, a rza hwɛni lì hwɛ mòtò wa mboma, tɔ̀ mòtò ema a jànà mòhvùŋgu. Ndi a hwɛni ndi lì hwɛ mòto ema a hwèlì ŋmɛ̀ɛ na mòtò ema a rza tɔ̀wɔ mòtaŋgo, a rza hwɛni lì hwɛ mòtò ema a lìŋgàni wolì.

Ɛ̀hvìrzìyà 5:18

È rzì woma mboma yà mimba, èhwanja mà è tìmbìrzɛ̀ ndi hwèèti hwe hwatò. Ndi tɔ̀ nanù, inyɛ Èlìŋgɛ̀ yà Wòtani e hwɛ o tenì ya anyu.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.