1 Tìmotì 5:18 - Mokpwe: Bakwery (New Testament)

¹⁸ Nà oma e tìlàhwì o e kààtì ya Lohwà nanù ema, “O rza kaka e wàna ya e nyàkà ema e nyùŋgùwà i mbarzi.” È tìlàhwì hvɛ nanù ema, “Hwàgbèèlì hwa àŋgàmɛ̀nɛ̀yi lì lùwà mòrzàhwèlì mo awu.”

1 Tìmotì 5:18 Referans Kwoze

1 Kɔ̀rintìyà 9:14

Molandako mɔ̀kɔ mɛnɛ ndi e Rzàŋgo à mà kòkòwɛlɛyì nanù ema, hwaŋga hwatò ema hwa ohwa Ŋmɛ̀ndì mò Gbamù, mo ama Lohwɛ̀, hwa hwɛnì ndi lì wòŋgòwahwa na hwaŋga hwatò ema hwa lùwa mòŋgo Ŋmɛ̀ndì mò Gbamù.

Lukàrzɛ̀ 10:7

Ndawò tɛ e kpèèlì, è lìyà aŋga. È rzì ànjiya aŋga. È lèè, e nyò tɔ̀ mamɛ ema hwa e ŋgbèlì, èhwanja è mògbèèlì à àŋgàmɛ̀nɛ̀yi lì lùwà mòrzàhwèlì mò eni. Inyɔ è rzà awa ndawò tɛ e kpèeyà.

Matiyò 10:10

È rzìi hwanɛ̀ tɔ̀ ekpa, tɔ̀ ehvɛhvɛ mbɔ̀ti. È rzìi wòwà hwètàmbì, tɔ̀ èeyè ya yɔ̀ndɔ̀ na inyɔ. Èhwanja è mògbèèlì a hwɛni lì wòŋgòwàhwà na e mòtò ema a gbeyà.

Jèmìrzì 4:5

È ɔ̀ŋgɛ̀lɛ nanù ema o ŋgundu ndi e tìlahwì o kààtì ya Lohwà nanù ema, “Èlìŋgɛ̀ ema Lohwɛ̀ a jo ikà o mèèmà me arzu e hwèlì ndi e ya eni, ndeŋgànɛlɛ mɔ̀ à nòneyà eŋge Èlìŋgɛ̀.”

Ròmànì 10:11

È kààtì ya Lohwà e òhwa nanù ema, “Tɔ̀ njɛ̀nɛ ema a mò lòkɛ̀yì a rza ò timba màa matò.”

Ròmànì 9:17

È tìlahwì ò e kààtì ya Lohwà nanù ema Lohwɛ̀ a òhwèlì Hvèro nanù ema, “Nà ma ò hvɔ̀rzɔ̀ ò lì hwɛ kiŋgɛ̀, aŋga nanù nà ò gbeyàna ò lì uŋmɛ̀lɛ̀ e ŋginyà ya ami na ò lì nyàlìrzɛ̀ lìinà là ami, ò e rze ya arzɛ.”

Gàletìyà 3:8

Eyà yà Lohwà è mà lòma lì ohwa nanù ema, Lohwɛ̀ à ò wòwà hwaŋga hwatò ema hwa rza enje wònyà Yudà nàa hwatò hwa eni èhwanja hwa mò lòkɛ̀yì. Ène eyà è mà hwiyɛnɛ lì wòteyà lìrzako ema Lohwɛ̀ à mà òhweyà Abràhamù nanù ema, “Lì akeyà nà ò wà, imba nà à ò nàmìrzɛ̀ hwèkòmè hwa arzɛ hwe è rze yà mɔ̀nyɛ̀.”

Ròmànì 11:2

Lohwɛ̀ a rzi kìnyɛ̀lɛ̀yi hwatò hwa eni, ema mɔ̀ à mà lòme lì hvɔ̀rzɔ̀, natɛ̀ɛ na ò hwewòtelì. Inyɔ e hwi mamɛ ema e tìlahwì ò e kààtì ya Lohwà nɛ Èlàyijà à mà hwɛ lì rzòrzòmeya Lohwɛ̀ ò lì mò òhweyà hweyà ema hwatò hwa Irzàyɛ̀lì hwà mà hwɛ lì gbeyà.

Ròmànì 4:3

È kààtì ya Lohwà è òhwa nanù ema, “Abràhamù à mà lòkɛ̀ Lohwɛ̀, lìlòkɛ̀ là eni lì èŋgànɛ̀lɛ̀ Lohwɛ̀ à mà mò emeyà nàa mòtò ema à tɛmì ehve-ehve.”