1 Tìmotì 5:16 - Mokpwe: Bakwery (New Testament)

¹⁶ Tɔ̀ ima molanà ema a lòkɛ̀ Krirztò a ohvi tɛ mekurze me hwalana o lìtumba la eni, mɔ̀ à hwa woŋgohwe. A rzi hwànìrzɛ̀ ŋmèmba moŋgo muna. Ène e ŋgba ŋmèmba mo hwàlòkèlì, ehvolo ò lì oŋgowàna mene mekurze me hwalana ema me rza ohvɛ tɔ̀ mòtò ema a tànɛyi lì hwa oŋgowàna.

1 Tìmotì 5:16 Referans Kwoze

1 Tìmotì 5:8

Tɔ̀ ima molokelì ema a rza woŋgohwa e mbiya ya eni, rzɛhvɔ̀ni hwàŋgà hwa lìtumba ema hwa mo kombɛnɛ, e uŋmɛ̀lɛ̀ nanù ema mɔ̀ à rza lòkɛ̀ Krirztò na e jɔ̀kɛ̀. Èŋge ŋgàna e hwèlì ndi nanù ema, mɔ̀ à gbeyà wòhwe lì aka e mòtò ema a rza lòkɛ̀yi Krirztò.

1 Tìmotì 5:9

Mokurze mo molanà ema mo tànɛyi lì aŋgànà o mɔ̀rzɔ̀ŋgì mo mekurze me hwalana ema hwa arza lìwoŋgo mo hwèlì ndi mokurze mo molanà ema mo ma aka meni mòtòhwa me meya. A àŋgàmɛ̀nɛ̀yi hvɛ ndi lì hwɛ molanà ema à mà hwaa ndi mùnyanà mɔ̀kɔ.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.