1 Tìmotì 5:15 - Mokpwe: Bakwery (New Testament)

¹⁵ Imba na ohwa ene eyà nanù èhwanja lòŋgo la mene mekurze me hwalana wɔ̀ hwà mà wòteyà lì gbèeyà hweyà ema mòkarzɛ̀ a arza nanù ema hwa gbeye.

1 Tìmotì 5:15 Referans Kwoze

2 Pètrò 2:2

Hvɛ tɔ̀ nanù, rzayi-rzayi ja hwatò hwa o òŋgama ndi hweyà hwe mbindo ema hwe hwaŋga hwà-òkòlèlì hwa mòlàŋga. Èhwànja o mamɛ ema wɔ̀ hwa gbeyà, hwatò hwa o òhwa wòhwe o hweyà hwe e Njiya ya jɔ̀kɛ̀.

1 Yòwanìrzɛ̀ 2:19

Ò jɔ̀kɛ̀ jɔ̀kɛ̀ hwaŋga hwatò hwa rzi hwɛ ò mòndèŋge mò arzu. Ɔndèŋgàtɛ̀ hwa mà jò akàkòwɛ̀. Wɔ̀ hwa mà hwɛ tɛ ò mòndèŋge mò arzu, oma hwa mà lìya nà irzɔ. Ndi lì akakowɛ là awu lì uŋmɛ̀lɛ̀ nanù ema ò jɔ̀kɛ̀ hwa rzi hwɛ ò mòndèŋge mò arzu.

2 Tìmotì 4:10

Nà ohwa nanù èhwanja Dɛ̀màrzì à mà no kìnyɛ̀lɛ̀ èhwanja, mɔ̀ à mà ɛndɛ o mbowà yà Tɛ̀rzàlònìkà èhwanja a lìŋgàni lòŋgɛ la ene rze. Klɛrzɛnrzi à mà ɛndɛ o erzòokà ya Gàlerzìyà, Tàyìtùrzì mɔ̀hvɛ à mà ɛndɛ o mbowà ya Dàlmàtìyà.

1 Tìmotì 1:20

Ò ìtììtènì ja hwatò ema nà ohwa nanù, mɔ̀kɔ à hwèlì ndi Hìmɛ̀nàyèyùrzì ɔ̀nɛyi hvɛ Àlɛ̀rzanda. Hwanu hwatò nà hwa lìyèlì mòkarzɛ̀ ò màà. Àŋga nanù hwa hwiya nanù ema ò rza lɔ̀wu lì ohwàna Lohwɛ̀ ìrzìlàkò.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

2 Pètrò 3:16

Èya ene ema mɔ̀ à mà tìlɛ̀ o ikààti ja eni ja arzɛ. O hwèlì lòŋgo la hweyà ema hwe ambi o lì rzɔ̀ŋgìtɛ̀nɛ̀ o ikààti ja eni. Iŋgi nyayi ja hweyà ndi hwatò ema hwa rza hwɛnɛ lì rzɔ̀ŋgìtɛ̀nɛ̀, ema lìlòkɛ̀ la awu lì rza enyohwɛ̀nɛ̀ hwa tikowa lìrzɔ̀ŋgìtɛ̀nɛ̀ ema lì hwèlì o tenì ema lì rza hvomɛ̀nɛ̀. Èŋge ŋgànà hvɛ mɛnɛ ndi hwa gbeyàna o lì tikowa hvɛ hwehvɛhvɛ hwèhvàrzù o tenì ya e kààti ya ama Lohwɛ̀. Wɔ̀ hwa wɔ̀lɛnɛ lòŋgɛ la awu ehwànja hwa gbeyà ini nyayi ja hweyà.

2 Tìmotì 2:18

Wɔ̀ hwà mà hwɛmɛ lìlòkɛ̀ la jɔ̀kɛ̀ ndèŋgàna hwa hwèlì hwa okolɛ nanù ema irzɔ ema i lòkɛ̀yi, Lohwɛ̀ à mà màa lì jo hvùmùlɛ̀. Ini nyayi ja hwèyòkòlèlì hwe hvàŋga lìlòkɛ̀ la loŋgo la hwatò.

2 Tìmotì 1:15

Ò hwiye oma hwatò hwa arzɛ hwa ama Krirztò hwa mà nò rzɔ̀rzɔ̀ ò erzòòkà yà Èrzìyà. Hvìjɛ̀lùrzì nà Hɛ̀mòjɛ̀nìrzì wɔ̀ hvɛ hwa mà hwɛ ò mòndèŋgè mò hwatò ema hwa mà nò rzɔ̀rzɔ̀.

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”