1 Tìmotì 5:1 - Mokpwe: Bakwery (New Testament)

¹ O rzi keka lì lomeya mòmbaki wa mòtò. O mo wowe wòlìto na oma o wowi e tatɛ̀ ya aŋgɔ̀. O wowe hvɛ hwaŋga hwarzàlì ema o wa akayi ŋmèmba wòlìto ò a ɛnɛ oma hwa hwèlì ndi wònyanyàŋgo wa aŋgɔ̀.

1 Tìmotì 5:1 Referans Kwoze

Tàyìtùrzì 2:2

O òkolɛ hwàwululu hwa wùnyànà o lì hwiya nɛ hwa hwɛnɛ lìkànèyà mòŋgɛ ma awu, hwa gbeye hweyà nyayi ema hwatò wo o hwà ŋgbɛɛ èluhwe, ndèŋgànɛ̀lɛ̀ wɔ̀ hwa a gbeyà hweyà na gbaŋgo wo nɔ̀kɔ̀wu. Hwa àŋgàmɛ̀nɛ̀yi ndi lì ɛndɛ o worzo o lì lòkɛ̀ Krirztò, hwa àŋgàmɛ̀nɛ̀yi ndi lì ɛndɛ o worzo o lì hwɛneya hwahvɛhvɛ hwatò e ndìŋgɛ, ndèŋgànɛ̀lɛ̀ hwa àŋgàmɛ̀nɛ̀yi ndi lì ɛndɛ o worzo o lì luwa mètàkà ema hwa luwa o nyòla lìlòkɛ̀ la awu.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

Gàletìyà 6:1

Ìi wònyàmòwè kòkò, e hwèlì tɛ nanù ema mɔ̀kɔ wa anyu a undi o tenì ya wòhwe, inyo ema e hwèlì lì gbeyà mamɛ ema Èlìŋgɛ̀ ya Lohwà ya arza, e àŋgàmɛ̀nɛ̀ lì mo ulɛ o tenì ya wòhwe. È mo oŋgòhwànà tɛ, e mo òŋgowane na lì àjùlɛ̀. Ndi e hwɛni lì aŋgowa inyo hwiti e rza kpa o màkèkìrzɛ̀nɛ̀ o lì gbeyà woŋgo wòhwe.

Tàyìtùrzì 2:6

Ŋgànà hvɔ̀kɔ hvɛ mɛnɛ o kɔ̀mɛ̀lɛ̀ mèlekà me wunyanà wɔ̀hvɛ hwa hwiye lì alɛ̀mbɛ wɔ̀ hwiti.

Matiyò 23:8

Ndi inyɔ e rzi keka lì emeyà nanù ema hwatò hwe hwɛlɛ ‘Mòòkòlèlì,’ èhwanja inyɔ hwa arzɛ e yahwì ndèŋgànɛ̀lɛ̀ hvɛ e òhvi ndi Mòòkòlèlì mɔ̀kɔ.

1 Tìmotì 5:17

Hwambaki hwa ŋmèmba ema hwa timba ŋmèmba gbamù hwa àŋgàmɛ̀nɛ̀yi lì ŋgbààhwà èluhwe na mòrzawèlì. Rzɛhvɔ̀ni hwaŋga ema hwà mà ŋgbahwɛ èwòlò ya lì ohwa na lì okolɛ ŋmɛ̀ndì mo ama Lohwɛ̀.

Ròmànì 13:7

Tɔ̀ ima mɔ̀ hwa anyu rzɔ a hwa rzaweya mamɛ aŋgàmɛ̀nɛ̀yi lì hwa rzaweya. Tɔ̀ ima wòlì ema hwa e ijò ò lì rzàawà, ò erzàŋgò ema e hwɛni. È òke hwatò ema e hwɛni lì òka wɔ̀ŋgɔ̀, ndèŋgànà e ŋgbe hvɛ èluhwe ò hwatò ema e hwɛni lì ŋgba èluhwe.

Hwègbèèlì 15:4

Nà òma Bànàbàrzì na Pàwolò hwà mà ùke ò Jèrurzalɛ̀mù, ŋmèmba ema mò ma hwɛ aŋga, i àpɔ̀rzìtòlò, na hwàtimbèlì hwa ŋmèmba hwà mà hwa arzàŋgànɛ̀lɛ̀. Pàwolò na Bànàbàrzì hwà mà hwa òhweyà hweyà hwe arzɛ ema Lohwɛ̀ à mà gbèyɛ ò lì akeyà na wɔ.

Hwègbèèlì 14:23

O tɔ̀ ima ŋmèmba ema wɔ̀ hwà mà uke, wɔ̀ hwà mà hwɛ lì hvɔ̀rzɔ̀ hwatò ema hwa ò timbàa ŋmèmba mò arzɛ. È hvònda ema hwà mà kànɛ̀ na lì hwɛ ò mòkìyà njàwò, hwà mà ŋgba hwaŋga hwàtimbèlì ò màà mà ama Rzàŋgò ema wɔ̀ hwa ika lìlòkɛ̀ la awu.

Hwèwulùwèlì 4:4

Ihvɛhvɛ mbàŋgɛ ja konda na inɛyi ja lìkànèyà i ma tòŋga eŋge konda, ndèŋgànɛ̀lɛ̀ mbàŋgɛ ya hwàmbaki na hwànìi, hwà mà lìya o ŋmanyu ja iŋgi konda. Hwà mà wɔ̀tɔ̀ màatù ma mbɔ̀mi rzìi hwa wɔ̀tɔ̀ hvɛ hwèkòòtò hwe gòòlù o meyohvo me awu.

3 Yòwanìrzɛ̀ 1:1

Imba e mòtìmbèlì wa ŋmèmba, imba ndi na o tìleya o wa Gàyiyùrzì ene kààti. Nà o lìŋgàni na e jɔ̀kɛ̀.

2 Yòwanìrzɛ̀ 1:1

Imba e mòtìmbèlì wà ŋmèmba ndi na tìli ene kààtì. Nà o tìleya ndi o wa e molànà ema Lohwɛ̀ a hvɔ̀rzì hwàanà hwa aŋgɔ. Nà o lìŋgàni na e jɔ̀kɛ̀, ndèŋganɛlɛ rzeketɛ imba mbiti mɛnɛ ndi na o lìŋgàni, ndèŋgànɛ̀lɛ̀ hwahvɛhvɛ hwatò hvɛ ema hwa hwi e jɔ̀kɛ̀ wɔ hvɛ hwa o lìŋgàni.

Jèmìrzì 5:14

Tɔ̀ ima mɔ̀ wa anyu ema a ɔkìrzɛ inyɛ a hwɛlɛ hwàtimbèlì hwa ŋmèmba hwa mo kànɛlɛlɛ, hwa mo kànɛlɛlɛ tɛ inyɛ hwa mo nyàlɛ lìyɔ̀ki o lìna la ama e Rzàŋgo.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

Hwègbèèlì 20:17

Nà òma i ma uke mbòwa ndɛnɛ ya Milɛturzi, Pàwolò à mà òma ŋmɛ̀ndì ò hwàtimbelì hwa ŋmèmba mò Ɛ̀hvɛ̀rzɔ̀rzì nanù ema hwa jèe hwa mò ùŋmànɛ̀lɛ̀ ò Milɛturzi.

Hwègbèèlì 15:6

Ène eyà e ma gbeyà ema I àpɔ̀rzìtòlò na hwàtimbèlì hwa ŋmèmba hwà mà taneya ò lì chakumɛlɛ ene mbɔrzi.

1 Tìmotì 5:2

O wowe hvɛ hwàmbaki hwa hwalana wòlìto na oma o wowi e nyàŋgo ya aŋgɔ̀. O wowe hvɛ hwàanà hwa ŋgɔndɔ wòlìto ò a ɛnɛ oma hwa hwèlì ndi i ndomɛ ja aŋgɔ̀. O rzi keka lì lùtèyà o lì hwa gbeyàna tɔ̀ wòhwe.