1 Tìmotì 1:7 - Mokpwe: Bakwery (New Testament)

⁷ Hwàŋga hwatò hwa ohvi ndi mèèmà me lì hwɛ hwà-òkòlèlì hwa e mbenda ya ama Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ hweyà ema hwa ohweyà hwatò, ndèŋganɛlɛ wɔ̀ hwa rza rzɔ̀ŋgìtɛ̀nɛ̀ hweyà ema hwa ohwa nanù ema hwa hwi.

1 Tìmotì 1:7 Referans Kwoze

Ròmànì 1:22

Wɔ̀ hwa òhwa ndi nanù ema hwa aŋgò, ndi hwa mà timba ndi hwèèti hwe hwatò.

2 Pètrò 2:12

Ndi hwaŋga hwà-òkòlèlì hwa mòlaŋgà, hwa gbeyà ndi hweyà ò màlùtèyà mà awu, nàa nyàmà jà waŋga. Iŋgi nyàmà ja waŋga ì ŋyàhwɛlɛyì ndi ò lì lɛ̀mbɛ̀hwɛ̀ nà lì oŋwahwa. Hwàŋga hwà-òkòlèlì hwa mòlaŋgà wɔ̀ hwa ohwa ndi hweyà hwe wòhwe ò tɔ̀ ima eyà ema hwa rzɔ̀ŋgìtɛ̀nɛ̀. Ò eŋgànɛ̀lɛ̀ rzɔ, Lohwɛ̀ à hwa nyɔ̀ŋgìrzɛ̀ nà oma hwatò hwa oŋwa iŋgi nyàmà jà waŋga.

1 Tìmotì 6:4

Hwàŋga hwatò hwa ondi na kumba ndèŋgàna hwa rza hwi tɔ̀ eyà. È nyayi ema hwaŋga hwatò hwa lìŋgàni hwèhvèŋgòwèlì hwe mbɔrzi na mòtaŋgo e gbèyi ndi nàa nyàmbɛ na wɔ̀. Ène eyà e hwa jànelì inona o ìtììtènì ya awu, mòhvùŋgu, hwatò hwa ohwa wòhwe lì teŋgɛ̀nɛ hwahvɛhvɛ hwatò, ndèŋgàna hwa a ohvanɛ màlùtèyà ma wòhwe lì hvomɛ̀nɛ̀ mɔ̀kɔ na ɔ̀nɛyi.

Gàletìyà 3:5

Lohwɛ̀ à mà è ŋgba Èlìŋgɛ̀ yà Wòtani rzi mɔ̀ à è gbèeyà hweyà hwe mànyakà ò ìtììtènì ja anyu, è hwèlì ndi nanù ema è mà ika imbenda ɔ̀ndeŋgàtɛ̀ à mà gbeyà nanù e? Jàyɛ̀ rzeketɛ eŋge eyà ndi è mà gbeyà. È hwèlì ndi nanù ema ŋmɛ̀ndì mò gbamù ema è mà lòkɛ̀ ɔ̀ndeŋgàtɛ̀ mɔ̀ à mà gbeyà nanù.

2 Tìmotì 3:7

Ini nyayi ja hwalanà, hwa hwèlì ndi i hvonda ja arzɛ o lì nɔ̀ŋgɔ hwèyòkòlèlì hwe hvènya, ndi wɔ̀ hwa rza tànɛyi o lì rzɔŋgìtɛ̀nɛ̀ hwèyòkòlèlì hwe jɔ̀kɛ̀ hwe ama Lohwɛ̀.

Gàletìyà 3:2

Nà lìŋgàna lì è ijòwa eyà yɔ̀kɔ. È hvonda ema inyɔ è mà lùwe Èlìŋgɛ̀ yà Wòtani èhwanja è mà ika imbenda jà wònyà Yudà ɔ̀ndeŋgàtɛ̀ è mà è lùwa e? Ŋga, èhwanja ema mà lòkɛ̀ Ŋmɛ̀ndì mò Gbamù ema è mà hweye e?

Gàletìyà 4:21

Inyɛ̀ na e ijowe hwaŋga ema hwa arza o lì hwɛ o rze ya mbenda: e rza hweyà mamɛ e mbenda e ohwa e?

Matiyò 15:14

È rza atàkìrzɛ̀ ò nyòla ya awu! Hwa hwèlì ndi hwàtìmbèlì hwa ndima; mòtò wa ndìma a timbì tɛ òhvɛhvɛ mòtò wà ndìma, hwahwàkɛ hwa undà ò tenì yà èhvɔ̀ndì.”

Hwègbèèlì 15:1

Lòŋgò la hwatò hwà mà uwɛ̀lɛ̀lɛ̀yi ò erzòòkà ya Jùdeyà rzìi hwa jà lì uka ò mbòwa ndɛnɛ ya Antìyɔ̀kì. Hwa wòteya lì òkòlɛ̀ hwàlòkèlì nanù ema, “Mòtò a rza endàhwi tɛ na òma e mbenda ya ama Mòrzè ya arza, a rza tanɛ a rzùŋgàhwà.”

Matiyò 21:27

Ene ŋgàna e ma gbeyà wɔ̀ hwà mà alàhwɛ̀ Yerzù nanù ema, “Irzɔ i rza hwi.” Yerzù rzì a hwa òhweyà nanù ema, “O èŋgànɛ̀lɛ̀ rzɔ tɔ̀ imba hvɛ na rza e òhweyà è wònjà ema na òhvi ò lì gbeyàna hwenè hweyà.”

Lukàrzɛ̀ 2:46

O mèènyà meyawò hwa mà mò ùŋma ò Ndawò yà Lohwà. À mà lìya nà hwà-òkòlèlì, rzìi a hwa òkànèyà nà lì hwa ijòwà mììjòwelì.

Jèmìrzì 3:1

Wònyànyàŋgo wa ami kòkò! Rzayi-rzayi ja anyu e rza hwɛni ndi lì hwɛ hwà-òkòlèlì hwa eyà ya ama Lohwɛ̀, e hwɛni lì hwiya nanù ema, irzɔ hwà-òkòlèlì i hwɛni lì kàyìrzɛ̀hwɛ kɔ̀yi-kɔ̀yi lì aka hwanɛyi hwatò.