1 Tɛ̀rzàlonìyà 5:1 - Mokpwe: Bakwery (New Testament)

¹ O nàŋgɛ rzɔ̀, ìi wònyàmòwe kòkò, o rza enje tɔ̀ lìtiŋgà o lì e tìleya lì hvomɛ̀nɛ̀ e hvonda na wùùnya ema hwene hweyà hwe o gbèyɛ̀nɛ.

1 Tɛ̀rzàlonìyà 5:1 Referans Kwoze

Hwègbèèlì 1:7

Yerzù rzìi a hwa timbirzɛlɛ nanù ema, “È Tatɛ̀ mɛnɛ ndi à gbeyàna e ŋginyà ya eni ò lì rzekeya màrzàkò na ihvònda, ndèŋgànɛlɛ inyɔ e rza òhvi wònjà ò lì hwiya e hvònda ema hwene hweyà hwe arzɛ hwe ò gbèyɛ̀nɛ.

1 Tɛ̀rzàlonìyà 4:9

O nàŋgɛ nanù lì hvomɛ̀nɛ̀ e ndìŋgɛ ema e ahwɛ̀nɛ̀nɛ̀yi mɔ̀kɔ na ɔ̀nɛyi nàa hwàlòkèlì hwa ama Lohwɛ̀ i rza aŋgàmɛnɛ lì atàkìrzɛ o lì e tìleya, ehwànja Lohwɛ̀ mɔ̀ ŋmìti à mà màa lì e okolɛ nɛ e àŋgàmɛ̀nɛ̀yi lì lìŋgàna mɔ̀kɔ na ɔ̀nɛyi.

Matiyò 24:36

“Tɔ̀ mòtò tɔ̀ mɔ̀kɔ a rza hwi wòŋgò wùnyà tɔ̀ e hvònda ema hwene hweyà hwe gbèyɛ̀nɛ. Tɔ̀ i aŋgèlì ema i hwèlì ò ŋmanyu ya Lohwà tɔ̀ e Ŋmanà hwa rza hwi. Tatɛ̀ mɔ̀ ŋmìti ndi à hwi e hvònda ema hwene hweyà hwe ò gbèyɛ̀nɛ.

Matiyò 24:3

Nà òma Yerzù à mà lìya ò mòòlì mò Njàhwɛ̀, hwà-òkòwèlì hwa eni hwa mò ùŋmànɛ̀lɛ̀ ò èki ema wɔ̀ na wɔ̀ ndi hwà mà hwɛ aŋga. Rzii hwa mò ijòwa nanù ema, “O jò òhweyà e hvònda ema hwene hweyà hwe arzɛ hwe ò gbèyɛ̀nɛ, ima hvònda enè eyà e ò gbèyɛ̀nɛ e. Ndèŋgànà mamɛ e ò hwɛ̀ èmɛ̀nɛ̀nì ò lì uŋmɛ̀lɛ̀ hwejèelì hwe aŋgɔ̀ na lìrzukù la ene rze e?”

2 Kɔ̀rintìyà 9:1

Nàŋgɛ nanù o rza enje tɔ̀ lìtiŋga o imba lì e tìleya lì hvomɛ̀nɛ̀ èwòlò ya lì òŋgòwàna la hwatò hwa Lohwà.

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.

1 Tɛ̀rzàlonìyà 4:18

O eŋgànɛ̀lɛ rzɔ̀, e gbeyàne hwene hwèyòkòlèlì o lì kɔ̀mɛlɛ mɔ̀kɔ na ɔ̀nɛyi.