1 Tɛ̀rzàlonìyà 3:1 - Mokpwe: Bakwery (New Testament)

¹ O eŋgànɛ̀lɛ̀ rzɔ na oma irzɔ i rzi tànɛ lì lìya e rzi hwɛ nanù ema inyɔ e hwèlì na irzɔ, i ma kaka nanù ema i lìiya irzɔ hwiti o tenì ya e mbowà ndɛɛndɛ ya Àntɛ̀nrzì.

1 Tɛ̀rzàlonìyà 3:1 Referans Kwoze

Hwègbèèlì 17:15

Hwàtò ema hwà mà ɛndɛ ò lì lìyɛlɛ Pàwolò, hwà mà mò lìyɛlɛ natɛ̀ɛ na ò mbòwa ndɛnɛ ya Atɛ̀nrzì rzìi hwa timbana lì kòkòwɛ̀lɛ̀ ò ma Rzàyilarzi na Tìmòtì ò lì mò ùŋmànɛ̀lɛ̀ ò Atɛ̀nrzì e rzì hwɛ lì hvaŋga hvònda.

1 Tɛ̀rzàlonìyà 3:5

Litiŋga lìiŋgi ema lì ma gbeyà ɔndèŋgàtɛ̀ nà mà oma Tìmòtì. Nà oma na rzi tanɛ hvɛ lì alɛ̀mbɛ nà mà mo òma o lì jà lì arzirzɛ nɛ lìlòkɛ̀ la anyu lì hwèlì. Nà ma gbeyà ndi ene eyà nanù ehwànja, nà mà oka wɔ̀ŋgɔ̀ nanù ema, e mɔ̀ ema a gbèeyà hwatò hwa unda o tenì ya màkèkìrzɛ̀nɛ̀, a tanɛ lì e gbèeyà inyɔ e unda o tenì ya màkèkìrzɛ̀nɛ̀. Ndeŋgànɛ̀lɛ̀ o nanù ema èwòlò ya arzɛ ya ŋginyà ema irzɔ i ma gbèèyɛ̀, e tanɛ e ma timba ndi èwòlò ya ŋgundu.

1 Tɛ̀rzàlonìyà 2:17

Ìi wònyàmòwe kòkò, jo òhwa nanù ema i ma akakowɛ na inyɔ o ŋmanà hvòkà ya hvonda. Tɔ̀ nɛ i rza enje ndi èki yɔ̀kɔ na inyɔ, i hwèlì lì e ɔ̀ŋgɛlɛ nanù mɛnɛ. Nà oma i hwɛni e nyɔ̀ŋgi ndɛnɛ o lì e ɛnɛ, i ma atàkìrzɛ̀ rzayi-rzayi o lì e ɛnɛ hvɛ.

2 Kɔ̀rintìyà 2:13

Ndi na oma nà mà ùke aŋga, nà mà wukumeya, èhwanja na rzi ùŋmanɛlɛ ŋmana mòwè hwa Krirztò Tàyìtùrzì ema i gbèyɛ̀nɛ èwòlò aŋga. Rzi na hwa akpanɛ, na ɛ̀ndɛ e ya ami o erzòòkà ya Màrzèdonìyà.

Hwègbèèlì 17:16

Nà òma Pàwolò à mà hwɛ lì ambɛlɛlɛ Rzàyilarzi na Tìmòtì ò mbòwa ndɛnɛ ya Atɛ̀nrzì, à mà tàkìrzɛ̀hwɛ ò ŋmèma rzayi-rzayi na òma mɔ̀ à mà ɛnɛ na òma eŋge mbòwa e ma ònde nà mà hvɛhvɛ mòhwa ema hwà mà hwɛ lì kànɛlɛlɛ.