1 Tɛ̀rzàlonìyà 1:1 - Mokpwe: Bakwery (New Testament)

¹ Imba Pàwolò, mòndèŋgè nà Rzàyìlàrzì nà Tìmòtì ndi nà è tìleyà ene kààti. Nà è tìleyà ndi inyɔ hwatò ema è hwèlì ò ŋmèmba mò è mbowà ndɛnɛ yà Tɛ̀rzàlonìya, inyɔ ema è hwèlì hwatò hwa ama Tatà Lohwɛ̀, ndèŋgànà inyɛ inyɔ è hwɛ hwatò hwa ama è Rzàŋgo Yerzù Krirztò. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ.

1 Tɛ̀rzàlonìyà 1:1 Referans Kwoze

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

2 Tɛ̀rzàlonìyà 1:1

Imba Pàwolò mondeŋge na Rzàyilàrzì na Tìmòtì ndi na e tilelì ene kààti. Nà e tilelì ndi inyɔ hwatò ema e hwèlì o ŋmèmba mo e mbowà ndɛnɛ ya Tɛ̀rzàlonìya, inyɔ ema e hwèlì e hwa ama Lohwɛ̀ Tatɛ̀ wa arzu na e hwa ama Rzàŋgo Yerzù Krirztò.

Hwègbèèlì 20:4

Hwatò ema hwa mà mò òŋgama hwà mà hwɛ ndi Rzòpatà e ŋmanà hwa ama Hvìrzùrzì ema à mà uwɛ̀lɛ̀lɛ̀yi ò mbòwà ndɛ̀ɛndɛ̀ ya Bèrìyà, Arìrztàkùrzì na Rzèkùndùrzì ema hwà mà uwɛ̀lɛ̀lɛ̀yi ò e mbòwà ndɛnɛ ya Tɛ̀rzàlònìkà. Gàyiyùrzì ema à mà uwɛ̀lɛ̀lɛ̀yi ò mbòwà ndɛnɛ ya Dɛ̀bì, Tìmòtì, na Tàyìchìkùrzì na Tlòhvìmùrzì ema hwà mà uwɛ̀lɛ̀lɛ̀yi ò erzòòkà ya Èrzìyà.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.

Judɛ 1:1

Imba Judɛ, nà hwèlì ndi Jèmirzi ŋmanyàŋgò wà eni, nà è mògbèèlì wà ama Yerzù Krirztò. Imba ndi nà è tìleyà ene kààti inyɔ ema Lohwɛ̀ à hvɔ̀rzì. È hwɛni lì hwiyà nanù ema Tatɛ̀ Lohwɛ̀ à è lìŋgàni, ndèŋgànɛlɛ Yerzù Krirztò à hwèlì à è ɔ̀ŋgeyà.

1 Pètrò 5:12

Rzàyilarzi ndi à nò oŋgòhwàànì ò lì è tìleya òno ŋmanà kààtì. À hwèlì ndi nàa ŋmànyàŋgo wà ami ndèŋgànɛ̀lɛ̀ nà mò lòkɛ̀yi. Nà è tìlèlì ene kààti ò lì è embɛ, nà ò lì è òhweyà nanù ema hwene hweyà ema nà è tìlèlì hwe hwèlì ndi è ndèli yà jɔ̀kɛ̀ yà ama Lohwɛ̀. Yè è tɛ̀meyà gbamù.

2 Kɔ̀rintìyà 1:19

È hwèlì ndi nanù èhwanja, Ŋmɛ̀ndì mò Gbamù lì hvomɛ̀nɛ̀ e ŋmana wa Lohwà Yerzù Krirztò, ema imba, Rzàyìlàrzì, na Tìmòtì, ima e ohweyà. Yerzù a rza ohwa ama a gbeyà eyà ema a rza o gbeyɛ. A gbeyà mamɛ ema a ohwi à mà a gbeyà.

Hwègbèèlì 19:22

O eŋgànɛ̀lɛ̀ rzɔ mɔ̀ à mà òma hwà-òŋgòwànèlì hwa eni hwahwàkɛ Tìmòtì na Ɛ̀ràrztùrzì, ò erzòòkà ya Màrzèdonìyà, ndi mɔ̀ à mà lìya ò erzòòkà ya Èrzìyà hvɛ ŋmanà hvòka hvònda.

Hwègbèèlì 17:11

Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.

Hibrù 13:23

Nà arza ema e hwiye ema ŋmanyàŋgo wa arzu Tìmòtì, à mà ulɛ̀hwɛ o ndawò ya hwèwòwà. A no ùŋmànɛ̀lɛ̀ tɛ karzi-karzi je e jèeya.

2 Tìmotì 1:2

Ìi Tìmòtì ò wà ndi nà tìlèlì ini ìtìtà ò hwèlì ndi è ŋmanà wà ami wà ndìŋgɛ yà màlìŋgo. Ndèli, ììlì nà ɛ̀yɔ̀lɛ̀ ema hwe uhwɛlɛ nà Lohwɛ̀ è Tatɛ̀ nà Yerzù Krirztò è Rzàŋgo yà arzu è hwɛ nà ò wà.

1 Tìmotì 1:2

Ìi Tìmòtì, ò wà ndi nà tìleyà ene kààtì. Ò tɛ̀ɛ̀tɛ̀ɛ ò hwèlì ndi nàa è ŋmanà wà ami èhwanja ò lòkɛ̀yì Krirztò. Inyɛ̀ è ndèli, ììlì nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Yerzù Krirztò è Rzàŋgo yà arzu hwe hwɛ nà inyɔ.

Kòlòrzìyà 1:1

Imba Pàwolò, ema na hwèlì mɔ̀kɔ wa i àpɔ̀rzìtòlò ja ama Yerzù Krirztò na oma Lohwɛ̀ a kàkɛ̀nɛ, imba ndi na e tìleya ini itita. Tìmòtì ŋmànyàŋgo wa arzu wa ama Krirztò na imba je e omelì ikɔ̀mi.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

Ɛ̀hvìrzìyà 1:2

Inyɛ̀ è ndèli nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Rzàŋgo Yerzù Krirztò è hwɛ nà inyɔ.

Gàletìyà 1:22

O eŋge hvonda ŋmèmba mò hwatò hwa mìitelì mò erzòokà ya Jùdeyà hwa rzi no hwiye hvɛ tɔ̀.

Gàletìyà 1:2

Imba na hwàlòkèlì hwa arzɛ ema hwa hwèlì anu na imba je omelì ŋmèmba mo arzɛ ema mo hwèlì o Gàletìyà ikɔ̀mi.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

Hwègbèèlì 16:29

Oŋgò mɔ̀ɔ̀ŋgèlì wa hwèwòwà à mà òhwa nanù ema hwa jàne hwètùlù, à mà ahwèŋgɛ̀ rzìi a kpèeyà ò tenì ya e ndawò ya hwèwòwà, rzìi a kpàana mòkambiya ò wòrzò wò ama Pàwolò na Rzàyìlàrzì.

Hwègbèèlì 16:25

O eyà ya kɔrzi ya wuu, Pàwolò na Rzàyìlàrzì hwà mà hwɛ lì kànɛ na lì embeya Lohwɛ̀ mɛ̀rzɔ̀kɔ̀ me kààtì. Rzìi hwanɛ̀yi hwatò hwa hwèwòwà hwa a hwa òkànèyà.

Hwègbèèlì 16:19

Nà òma hwaŋga hwatò ema hwà mà anda òŋgò ŋmanà ŋgɔ̀ndɔ̀ nàa mòkòme hwà mà ayɛ̀ɛmbɛ̀ nanù ema mɔ̀ à rza tànɛyi lì gbeyà hvɛ nanù ema hwa luwe wòlì, wɔ̀ hwà mà hvùma Pàwolò na Rzàyìlàrzì rzìi hwa hwà kòòwà ò lì hwa ɛ̀ndɛ̀nɛ̀ ò hwàkànèlì ema hwà mà hwɛ ò ìtììtènì ja e mbòwa ndɛnɛ.

Hwègbèèlì 15:40

Pàwolò mɔ̀ à mà hvɔ̀rzɔ̀ Rzàyìlàrzì rzi a ɛ̀ndɛ. Hwàlòkèlì hwà mà hwa kànɛlɛlɛ nanù ema e ndèli ya ama Rzàŋgò a hwa timbe.

Hwègbèèlì 15:27

O èŋgànɛ̀lɛ̀ irzɔ je e òmeya Jùdàrzì na Rzàyìlàrzì wɔ hwa e òhweyà eŋge eyà mɛnɛ ema irzɔ i ma e tìleya.

1 Yòwanìrzɛ̀ 1:3

Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.

Hwègbèèlì 15:22

O èŋgànɛ̀lɛ̀ I àpɔ̀rzìtòlò na hwàtimbèlì hwa ŋmèmba na ŋmèmba mò arzɛ hwà mà kulɛ nanù ema, hwa hvɔ̀rzɔ̀ e hwa awu hwatò rzìi hwà hwa òma ò Antìyɔ̀kì mòndèŋge na Pàwolò na Bànàbàrzì. Wɔ̀ hwà mà hvɔ̀rzɔ̀ Jùdàrzì ema à mà hwɛ̀lɛ̀hwɛ̀ Bàrzabàrzì na Rzàyilàrzì, wunyanà ema hwà mà hwɛ hwàtimbèlì ò tenì ya hwàlòkèlì.