1 Kɔ̀rintìyà 9:19 - Mokpwe: Bakwery (New Testament)

¹⁹ Nà hwèlì ndi imba mbiti, na rza enje o rze ya tɔ̀ mòtò tɔ̀ mɔ̀kɔ. Nà ma ayèŋgowɛ̀ ndi mokome mo hwatò hwa arzɛ, o lì jànà rzayì-rzayì ja hwatò òma Krirztò.

1 Kɔ̀rintìyà 9:19 Referans Kwoze

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

Matiyò 18:15

“Ŋmànyàŋgò wa aŋgɔ̀ a ò gbeyànì tɛ wòhwe ɛndɛ ò mò uŋmɛ̀lɛ̀ lìwurze la eni ò wòrzò wò inyɔ hwahwàkɛ mɛnɛ, a ayèmbɛ tɛ lùurzè la eni aŋga nanù ò ma ò wa na ŋmanyàŋgò wa aŋgɔ̀ e ma rzeeya.

1 Kɔ̀rintìyà 10:33

È gbèyè ndi nà oma imba nà gbeyà. Nà kèka lì okìrzɛ̀ tɔ̀ ima mɔ̀ mɔ̀nyɛ̀ŋgì o hweyà hwe arzɛ ema na gbeyà, na rza ɔ̀ŋgɛ̀lɛ̀ ndi hweyà hwe ami mɛnɛ ndi o gbamù wo hwatò hwa arzɛ aŋga nanù Lohwɛ̀ a hwa rzùŋgà wɔ̀ hwa arzɛ.

1 Tìmotì 4:16

O alɛ̀mbɛ gbamù o tɔ̀ mamɛ ema o òkolɛ hwatò. O ɛ̀ndɛ̀nɛ̀ ndi èwòlò ya aŋgɔ̀ o worzo aŋga nanù Lohwɛ̀ a o rzuŋga lòŋgɛ la aŋgɔ̀, na lì rzuŋga hvɛ mòŋgɛ ma hwatò ema o òkolɛ.

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

2 Kɔ̀rintìyà 4:5

Ɔ̀ndeŋgàtɛ̀ i rza ohwa ndi o lì ayèkirzɛ̀ irzɔ hwiti. Ndi irzɔ je e ohweyà nanù ema Yerzù ndi à hwèlì e Rzàŋgo. O nyòla ama Yerzù irzɔ i hwèlì ndi hwàgbèèlì hwa anyu.

Ròmànì 15:2

Tɔ̀ ima mɔ̀ wa arzu a àŋgàmɛ̀nɛ̀ ndi ò lì gbeyà hweyà nyayi ema hwe lìŋgirzɛ ŋmanyàŋgò wa eni aŋga nanù òma lì lòkɛ̀ la ama òŋgò ŋmanyàŋgò wa aŋgɔ̀ lì ma òŋwa.

1 Pètrò 3:1

Molàndàko mɔ̀kɔ hvɛ mɛnɛ, inyɔ ijòjìyɛ̀, ya aŋgàmɛ̀nɛ̀yi o lì arzihwirzɛ inyɔ hwiti o rze ya mèjòmɛ̀ me anyu, aŋga nanù loŋgo la awu ema hwa rza lòkɛ̀yi eyà ya Lohwà, hwɛ̀ɛ̀mɛ̀ hwe anyu hwe gbamù hwe hwa gbeyà wɔ̀ hvɛ hwa timbeya Lohwɛ̀ na lì mo lòkɛ̀. Tɔ̀ e hwɛ nanù ema e rza hwa ohwèlì tɔ̀ eyà,

1 Kɔ̀rintìyà 9:1

Nà rza ohvì wònjà nàa tɔ̀ ima mòtò e? Nà rza enjè ndì àpɔ̀rzìtòlò e? Ìmba nà rzì ɛnɛ Yerzù Rzàŋgo wa arzu na e ma amì mirzɔ̀ e? Rzeke inyɔ ndi e hwèlì e mbako ya èwòlò ema na gbèelì Rzàŋgo e?

Ròmànì 1:14

Èwòlò ema imba nà hwɛni è hwèlì ndi ò lì òhweyà tɔ̀ ima mòtò ŋmɛ̀ndì mò gbamù, tɔ̀ hwa hwɛ ndi hwatò hwa mbowà tɔ̀ hwatò hwa wàŋga.

Gàletìyà 5:1

O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

1 Kɔ̀rintìyà 7:16

Inyɔ ijòjìyɛ̀ ema e lòkɛ̀ Krirztò e rza hwi nanù ema, inyɔ eŋga, mèjòmɛ̀ me anyu ema me rza lòkɛ̀yi Krirztò me tànɛyi lì rzùŋgàhwà e? Tɔ̀ inyɔ mèjòmɛ̀ ema e lòkɛ̀ Krirztò e rza hwi nanù ema, inyɔ ye eŋga ijòjìyɛ̀ ja anyu ema i rza lòkɛ̀ Krirztò i tànɛyi lì rzùŋgàhwà e?

Ròmànì 11:14

Aŋga mɛnɛ na tanɛ lì gbeyà lòŋgò la wònyànyàŋgò hwa ami hwa Irzàyɛ̀lì ò lì hwɛnɛ inòna, ndèŋgàna lòŋgò la awu hvɛ ò lì luwa mɔ̀kɔtèlì.

1 Kɔ̀rintìyà 10:29

Nà rza ohwa ndi o ŋmèma mo aŋgɔ, ndi mèèmà mo ɔ̀nɛyi mòtò. Mamɛ e gbeyà ema mèèmà mo òhvɛhvɛ mòtò ema mo mò tàkirzɛ, mo no gbeyà ema na rza gbeyàna è wònjà ya ami.

2 Kɔ̀rintìyà 4:15

Mene Metaka me arzɛ ema i hwèlì i luwa nanù, me hwèlì ndi o lì e oŋgòwànà. Àŋga nanù rzayi-rzayi ja hwatò hwa hweyi tɛ eyà ya ama Lohwɛ̀, ììlì ja ama Lohwɛ̀ i hwa gbeyà hwa luwa lì làkìrzɛ̀ o wòhwe, ndèŋgànà hwa mo eka rzayi-rzayi. Ène eyà e gbeyà rzayi-rzayi ja hwatò hwa o eka Lohwɛ̀.

2 Kɔ̀rintìyà 12:14

Nàŋgɛ nanù na hwèlì na wòŋgìrzɛ̀nɛ̀ o lì jà lì ehvɛhvɛ e ŋgèlì ema e ùkirzɛ̀ iyàwò, ndi imba na rza o e tàkìrzɛ̀. Imba na rza jà ndi nanù ema e no ŋgbe hwema ndi inyɔ ndèŋgàtɛ̀ na jà. È hwɛni lì hwiya nanù ema irzàŋgo na inyàŋgo ja hwàna, ja àŋgàmɛ̀nɛ̀yi lì ɔŋgeya hwàanà rzeketɛ ema hwàanà ndi hwa ɔŋgeya irzàŋgo na inyàŋgo.